@MariamMourad

مريم مراد

Ask me anything Follow
Ask @MariamMourad

Sort by:

LatestTop

Previous

أول شخصٍ ابتكرَ الصورة، تُرى ما الذي رآه و رغب بالنظر إليهِ إلى الأبد ؟

cciicc_699’s Profile Photoلـَـــ
متعة الاكتشاف ذاتها .. إنه يقدر يحتفظ بجزيئات الضوء دي لمشهد أمامه للأبد ..
اللوحات والصور والنحت سبب من أسباب وجودهم كان هذا الغرض ..
أن يسجل الإنسان ويخلد تاريخه ..
4
5
Liked by: Islam Shorouk Ebeid Muhammad Mamdouh

Related users

mohamedmohsen172000’s Profile Photo محمد عبدالمحسن
Asmaa_Ammar_’s Profile Photo أسماء عمّار
anwr_g’s Profile Photo أَنْوَر
Hadeer_Mostafa_Sleem’s Profile Photo Hadeer Sleem
TheUnlimited0’s Profile Photo Ibrahim
ub4al’s Profile Photo سالِم
aidamohammed2’s Profile Photo Aida
A_sage_owl’s Profile Photo زهرُ الأكَم.
islam2jewel’s Profile Photo شان
A7md_haroun’s Profile Photo أحمد هارون
qssamy’s Profile Photo ثآمر`
wafaaasb22’s Profile Photo ㅤ
vfdg819’s Profile Photo آية
OT_AR’s Profile Photo ㅤ
angelwithdevilthoughts’s Profile Photo آريـسـا :''

ما الذي يشجعك على القيام بنشاطاتك الفردية؟

lia_0o’s Profile Photoوَهج.
إن حرفيا محدش غيري هايعملها ..
لو أكلت وماشلتش ورايا وغسلت الأطباق هاتفضل في مكانها وبواقي الأكل تعفن فيها ..
لو منضفتش البيت وعطرت كل ركن فيه نفسيتي هاتتأثر وشغلي هايتأثر ..
لو مشترتش أكل وطبخته لنفسي مش هلاقي أكل نضيف عالي الجودة آكله .. وهكذا
الإنسان عاش في جماعات وقبائل عشان يشتغل في جزء من الأشغال دي ويعاون غيره في جزء وغيره يعاونه في جزء .. لكن الأصل كلنا لنا دور محدش غيرنا هايعمله

+ 5 💬 messages

read all
9
Liked by: فاطِمـة Fatma Islam يارا عمار أسماء عمّار Shorouk Ebeid Muhammad Mamdouh وَهج.

انا أهل زوجي ظلموني وافتروا عليا وكلامهم واذاهم النفسي مش بيطلع من دماغي طول النهار وكل ليله قبل ماا اجي انام اتعب لما افتكر كل اللي حصل وصارلي شهر على نفس الحال ومش عارفه أتجاوز ولا أنسى ولا لاقيه حد اشتكي له كل شويه ويسمعني وحياتي بتنهار

https://m.facebook.com/story.php?story_fbid=pfbid02nGZkDEW4WEyhUQuZDsoLfoyF6SBZKevNPyup47RWR7aaHQUrB1XnocAiD21ftLasl&id=100015171030262

عن شيء يبهجك..

الشوربات الصحية شديدة اللذة اللي بعملها بدون ملح .. الذرة الحلوة اللي أضفتها على الشوربة من يومين وأكلتها في أول مرة أتذوق فيها الذرة المسلوقة .. أزاحت الذرة المشوية من قلبي واستقرت بمكان أعلى منها ..
سعيدة جدا الفترة دي الحمد لله رب العالمين

+ 2 💬 messages

read all
9
15
Liked by: فاطِمـة Esraa Shorouk Ebeid آلاء شعلان Aida . ٠ .

بعد السلام ، تحدث عن شيء تحبه..

منتجات العناية الشخصية .. الماء الدافئ .. الهواء اللطيف المار بنعومة .. الشمس الدافئة اللي بتحييني في الشروق وتودعني في الغروب .. شباك غرفتي الحالية الكبير ..
نعيم الدنيا المعجل والله
16
10
Liked by: فاطِمـة Esraa وَهج. ءالاء سعيد الحارِثِيّـة عُمرُ فتحي موسى. سلسبيل! ㅤ Shorouk Ebeid ... أمنية

واحدة صحبتي دفعتلي فلوس الفوتوجرافر وفرحها قرب اهو ولكن انا زعلانه منها لان جوزي حكي لها مشاكل بينا وهي اتكلمت عني بصورة مش كويسة، دلوقت انا مش عايزه اروح الفرح ولا بكلمها بس مش عايزاها تبقي شيلالي جميل وانا ما رجعتهوش اتصرف ازاي

الخطأ يتحمل نسبته الأكبر زوجك .. أولا لإنه حكى ثانيا لإنه نقلك الشتيمة اللي وارد تكون غلط بردو ومحصلتش ..
صفة نسوانية مذمومة دي ومن كبائر الذنوب كمان أنا أتعصبت دلوقتي ومش عايزة أكمل إجابة السؤال 😂🌚
المفروض تتصرفي إنك مسمعتيش حاجة لإن كلامه وارد يكون غلط سواء كذب متعمد عليها أو نسيان منه .. بجملة صفاته السيئة يعني ..
مش عايزاها تشيلك جميل يبقى تجيبيلها هدية بنفس القيمة أو تحطي المبلغ في ظرف وتديهولها نقطة الفرح مع كارت لطيف أو وردة وشكرا ..
3
Liked by: فاطِمـة Abdelrhman_khalid1994 Esraa

لمتى سيحافظ العقل على اتزانه وسط الجنون! لمتى سيظل العقل قادر على تسجيل ما يدور وكيف يتناسى ما دار! ما هي الحلول لمواكبة عبث تجبرك الحياة على العيش به؟

هما حلين مفيش تالت:
- تغرق في مشاغلك للحد اللي بتنسى فيه احتياجاتك الشخصية وتضع كل مشاكلك على جنب لإن فيش وقت ولا رفاهية للتفكير فيها
- تحل المواضيع جواك وتقفل الملفات للأبد وتزاحمها بالذكريات الجديدة ..
أفضل الحل التاني ثم الأول بالتوالي هاتلاقي نفسك تمام
6
10
Liked by: فاطِمـة Abdelrhman_khalid1994 Mar1aM أَنْوَر عايدة محمد

فكرة لامنطقية مضحكة..

في الشغل ووقت الضغط لما الموظفين بيقصرو في النوم وعشان يشتغلو تاني يوم بتركيز بيعتمدو على القهوة والشاي .. زملائي وزميلاتي معتمدين على القهوة .. قهوة إلى مالا نهاية ..
أنا بفضل أعتمد على النوم المظبوط طبعا .. طيب ولو حصل ومقدرتش؟ بنعس على الساعة 11 كدا مببقاش شايفة قدامي
مرة كان عندنا ضغط شغل والمديرة قعدتني قدامها طول اليوم اشتغلنا مع بعض عشان نسلم التقارير .. ف قامت كدا بتقولي: "ايش قهوتك؟" .. ف صارحتها إني مش بشرب قهوة وإني شربت عصير مانجا الصبح ..
قعدت تضحك وحكت للناس وبقيت نكتة المكتب :" ..
النهاردة جاية بتعزمني بردو "ايش قهوتك؟" وبعدين افتكرت فقالتلي عندهم كركديه هايعجبك انتي جوك الأعشاب 😆 ..
الحقيقة إني عايزة منبه فعلا يسعفني لو قصرت في نومي بس سبحان الله القهوة دي مش بتحبني نهائيا ..
عندك فكرة؟

+ 5 💬 messages

read all
6
Liked by: Abdelrhman_khalid1994 ayasghost Muhammad Mamdouh مها Esraa

لو حابة ادخل مجال الداتا انالزيز ممكن تقوليلي على الكورسات اللي محتاجاها والشهادات اللي تقويني ؟

عايزة أرد على سؤالك بمصادر بس مش متاحلي دلوقتي ..
بواقعية الشركات في مصر مش هاتهم بالشهادات أوي إلا لو كانت دبلومة AUC مثلا ..
والدراسة الأكاديمية وكل الكورسات مفيدين وكل حاجة وهاداك عليهم لكن حتى مع بذل مجهود كبير فيهم دخول المجال مش سهل أبدا للأسف ..
لو انتي من خلفية مش cs أو is الواقعي بالنسبالك تقوي مهاراتك في Microsoft Excel وتوصلي فيه لمستوى عالي .. هارشحلك كورسات لما أقدر ردا على السؤال دا
عشان معظم الشركات معتمدة عليه ..
هحتاجي كورسات في ال visualization وأرشحلك تابلوه عن power BI لإن الأول مجاني والتاني محتاج اشتراك ..
في database الجزء الأكبر من الشركات معتمدين على sql لسه أدوات ال Big data محدودة بشركات معينة ..
لو عايزة تراكات لطيفة وتكملي عليها عندك datacamp عامل تراك والتراك فيه كذا كورس خفاف ومركز على العملي ..
النظري والعملي مع بعض موجودين في تراك DA على يوداسيتي بس بفلوس كان مجاني لما أخدته منحة وخلص ..
النظري بقى ودا ضروري ومهم لدماغك انتي بغض النظر عن الشغل على كورسيرا وعلى مواقع الجامعات العالمية في الإحصاء والاحتمالات وغيره ..
وأخيرا عشان متزعليش على مجهودك .. احنا بنمشي في طرق مش شايفين آخرها ودا طريق منهم .. ومش شرط توصلي للشغل في الآخر مهما عملتي لإنها أرزاق فعلا .. ف احتسبي في كل خطوة
اللينكات هاحطها لما أقدر بس تقدري تعملي سيرش على الكلام دا وهاتوصلي

View more

+ 1 💬 message

read all
4
Liked by: Abdelrhman_khalid1994 Shorouk Ebeid Muhammad Mamdouh

ما الذي يمكن أن يجعلك لا تعطي عطاء تاما في أمر ما تحبه؟

في الشغل مثلا:
- ضغط الوقت .. مشروع كبير ومهم وعارف إن تقاريره مطلوبة من بدري .. شهور تتطلب لإعدادها .. فجأة موظف صحي من النوم يقول يا جماعة التقارير مطلوبة في خلال يومين ..
- استهتار من صاحب المشروع والمعني وصاحب المال نفسه .. ليه أنا أتوتر ونفسيتي تتعب مع كل غلطة واكتشافات صغيرة وكبيرة إذا كان صاحب المال مسافر جزر الكاريبي يتفسح؟ .. هل هو وظفني عشان أشيل عنه التوتر؟! 😂🌚 ..
- ضغينة شخصية ورغبة في إيذاء صاحب العمل لو ليا حق مش قادرة آخده ..

+ 2 💬 messages

read all
7
10
Liked by: لـَـــ Mar1aM мαℓαĸ_مـلُاگ❤️ أبو عبد الملك المصري

لمحاولاتك التي لا تنتهي..

يا رب لك الحمد ..
قدرنا نحاول ورزقنا الرضى والغنى عما فشلنا فيه وصرف قلوبنا عنه ..
2
Liked by: يارا عمار

ما الذي يلزمك إذا أردت أن تتعلم شيء ما تعليما ذاتيا؟

استحضار الرغبة الصادقة في تغيير وضعي .. وتعديد نوايا العبادة والاستعانة بالله العلي العظيم
تصبير النفس ومحايلتها وحملها على ما تكره صعب جدا .. أعاننا الله على أنفسنا

+ 1 💬 message

read all
5
40
Liked by: معاذ وكفى! Shorouk Ebeid

عايزة اتعلم اعمل cv ممكن تقوليلي مصدر اتعلم منه

بحث في جوجل ..
Resume for ....... المسمى الوظيفي اللي بتدوري عليه شوفي معمولة ازاي وامشي عليها ..
Job description of .......... المسمى الوظيفي بردو
لو مش عارفة المسمى الوظيفي إو مش فاهمة الكلام اللي هايطلعلك ترجمي في جوجل ..
لازم تضمني المعلومات الأساسية ومعلومات التواصل وأي لينكات مرفوع عليها شغل ليكي ..
جزء لخبرة الشغل طبعا كل شغلانة جنبها المدة اللي اشتغلتيها فيها واسم الشركة والمهام اللي عملتيها ..
طيب مفيش خبرة؟
نحط خبرة التدريب أو العمل التطوعي بنفس الطريقة ..
جزء للتعليم ودا بنرفعه فوق لو تقديرنا كويس والشغلانة طالبة المؤهل .. وبنخبيه تحت لو غير كدا ..
جزء للدورات وشهادات التقدير طول ما ليها علاقة بالشغل اللي بنقدم عليه ولو من بعيد ..
جزء بسيط جدا للمهارات الشخصية تكون الشغلانة متطلباه ويكون عندنا حكاوي وإثباتات نقولها عن المهارات دي في الانترفيو ..
في حاجات تانية خاصة بكل شغلانة بس دا العام ..

View more

5
Liked by: Abdelrhman_khalid1994 مَرْيَم. آية خليفة Muhammad Mamdouh

Next

Language: English

4.1

1,266,418 reviews
© Ask.fm 2024