@mhmdbrqi

M Magdi Albarqi

Ask me anything Follow
Ask @mhmdbrqi

Sort by:

LatestTop

Previous

كتاباتك فيه نبرة مميزة كده بتعجبني شكلك من الشخصيات الدكتاتورية, خلق ليحكم

ده انا عسول و كيوت خالص و بريء مش بالشر اللي بتتصوروه عني , الفكرة اني بمجرد ما امسك القلم او اقعد ورا الكيبورد بتتقمصني روح مولانا محمد البرقي وابدأ الغوص في عالمي الخاص و اخراج بعض من محاراتي
2
Liked by: AMIN - أمين دعاء عبدالعظيم

Related users

ramzya962’s Profile Photo Ahmed Ramzy
Doctor_222’s Profile Photo manar
moumenhussain’s Profile Photo Momen Hussain
AyaAyya173’s Profile Photo Aya
IbrahimMagdi’s Profile Photo Ibrahim Magdi
Midhat20176ytqc_1418’s Profile Photo Mourad
trudycgudenkaufdq3398’s Profile Photo nono
Sandra_43821972_Kn7’s Profile Photo Menna
Jessica Schwaiger
Ridwan_1976_7432Y0’s Profile Photo فضفضه
Bashir2011’s Profile Photo Mohamed Youssri
MrPresidenteasySultan’s Profile Photo Ahmed Elhoseny
Snazzfabulousthing’s Profile Photo Zeinab Elsayed
WhiskyGingershellwicked’s Profile Photo Dina El Abyad
AbdulLatif_1979698RG9’s Profile Photo Ahmed Mady
PassentElnaggar’s Profile Photo Passent Elnaggar
ahmednorelden’s Profile Photo أحمدنورالدين
Omnia_Asem27’s Profile Photo ỜMηĩÏλĦ - ْأُمْــنِــيّـــة
eslam_taher’s Profile Photo Eslam Taher

برقوقه....من هم من ليس لهم وجود...والى يقولك برقوقة غيرى اعمله بلوك لو سمحت هئ هئ هئ"ضحكات شريرة متقطعه"

deity
1
Liked by: AMIN - أمين

ممكن اعرف مواصفات خطيبتك او ايه اللي خلاك تتقدم ليها يمكن نستفيد ؟

انسانة متفاهمة و قوية مش بتحطني في حالة الاله ولا في حالة المستضعف
احنا دايما ندان متكافئان
ليها رأي و قدرة للاقناع
صلبة بس حنينة, عملية و رومنسية
ضميرها صاحي بس مش قابل للتلاعب
تقدر تقود مملكة :)
انها ذلك النوع من النساء الذي تعرف انك لن تراه مرتين بحياتك
5
Liked by: AMIN - أمين Shaimaa H. Soliman دعاء عبدالعظيم Sara

انت خاطب ولا مصاحب ولا ايه حالتك؟

والله يا بيه انا بأصحى يوم الاقيهم قرروا اني مصاحب وفجاة خطبت
مش بعيد بكرة اصحى الاقيني بعيل
2
Liked by: AMIN - أمين Sara

كلامك منطقى جدااااااا وبجد انا مبسوطه انى اتعرفت عليك وبتابعك يا استاذ برقى ومن غير برقوقه :D

YasMine
تسلمي يا سوما انا مبسوط من كمية الانبساط اللي انتي فيها واتمنى تفضل :D
1
Liked by: AMIN - أمين

طيب انت لو شفت واحده ببكينى ومثيره جداا مش هتبصلهاا وتتمناها كرجل ؟؟! وياريت ترد بصراحه

الرغبة الانسانية جوة واحد لازم تكون محكومة شوية مش في حالة تفعيل دائم
لكن لو حصل اني شعرت برغبة ناحية حد يبقى لازم يفضل جوايا
ماتترجمش الرغبة لتصرف خارجي (تحرش - معاكسة - حتى الاطراء او المجاملة مرفوضة عشان ماتتفهمش غلط)
رغبة الانسان بالجنس الاخر مش جريمة, بس اجبارك لشخص عليها باي مسمى هو اللي جريمة
3
Liked by: AMIN - أمين دعاء عبدالعظيم Sara

معنى كده انك مع ان اي واحدة تلبس بكيني مثلا

في حاجة اسمها موقع الحدث و نمطيته..
يعني ايه
البكيني نفسه لو في مدينة ساحلية فيها بحر هيبقى مش مشكلة لانك في مصيف, اكيد الناس مش هتلبس دروع لسعادتك
بس هيبقى شكله غريب جدا و غير مقبول في مدينة داخلية!
3
Liked by: AMIN - أمين دعاء عبدالعظيم Sara

انت ضد النقاب ولا معاه؟

رغم اني ضده لاسباب كتير منها الحق المجتمعي لمعرفة شخصك و رمزيته السودا لاستعباد النساء وانه اصلا مالوش علاقة بالاسلام في شيء بس ماعلينا
اه انا ضده لكن زي ماقلت قبل كده مش من حقي امنع حد عن حاجة
طالما مش بتضرني بشكل مباشر
لو هو عارف انها بتضره و مصمم ,للاسف هو حقه
3
Liked by: AMIN - أمين دعاء عبدالعظيم Sara

وايه اللي بيمنعك انك تمارس الجنس مع اختك و امك طالما من غير دين؟ من بلا دين بلا خلق

- مش هأتكلم في موضوع ملحد و اجنوستيك دي كتير لاني تعبت
- الاخلاق لا علاقة لها بالدين الدين لم يخترع الاخلاق الانسان هو من طور الاخلاق و انا اللي بيمنعني اخلاقي و انسانيتي
وليس وجود الدين من عدمه
- من بلا خلق بلا دين, في مشكلة عند العرب لها علاقة بالتناغم السمعي
rhyming
بتخليهم يحبوا جملة معينة و يعتبروها في غاية الحكمة لمجرد انها متناغمة دون النظر في مدى مصداقيتها او منطقيتها
الجملة دي بغض النظر عن انها فيها غلطات منطقية زي الافتراض المسبق و التحجيم الموضوعي و التبعيض و حاجات كتير بس اغبى مشاكلها العنصرية ده طبعا بخلاف انه اي دين هو الدين الخلوق؟؟؟
الموضوع مشابه لـ "من تمنطق فقد تزندق" الجملة في غاية انعدام الحكمة لكنها متناغمة فبقت مقبولة
- نقطة اخيرة , لو دماغك كل اللي شاغلها ممارسة الجنس مع الامهات و الاخوات حاول تتعالج, لو اللي بيمنعك مجرد حاجز قشري مما يسما بالدين...يبقى انت ضعيف قوي !

View more

6
Liked by: AMIN - أمين دعاء عبدالعظيم Sara

الحياة وهم كبير وسراب .. اية اللى ممكن يخلى الانسان يعيش غير طبيعة غريزتة البقاء ،الخ من الاحتياجات الموجودة بغير ارادتنا .......؟

ora
اقتناعك الغريب بانك احق بالوجود من غيرك
السر وراء الحروب و الابادة و الشعور بالرغبة التقدمية و العنصرية
1
Liked by: AMIN - أمين

مش مهم هى هتبقى لحظه شجاعه هتنهى بيها كل شئ وترتاااااااااااح باللاوجود

مش عارف حقا هو اللاوجود راحة؟
انت عايز تخلص من مشاكلك عشان وجودك يشعر بالراحة
لكن انعدام الوجود مش راحة :(
مش عارف بس ما انصحكش تنتحر
حاول اكتر
3
Liked by: AMIN - أمين دعاء عبدالعظيم ora

ممكن تتمسك بالحياه عشان شخص؟؟

ممكن بس الشخص ده فعلا يخليك تتمسك بالحياة؟
لانه لو بيهملك هتترمي من السما تخبط في الارض تموت في النهاية
2
Liked by: AMIN - أمين YasMine

ايه رأيك فى الانتحار؟؟ ياترى شجاعه ولا هروب وضعف

الانتحار اعقد من كده بمراحل
بس انا باوصفه بانه الهروب
الذي يحتاج قدر لابأس به من الشجاعة
اوعى تفتكر انه سهل تنط او تمسك مسدس و تحطه في بؤك او تبلع سم
مش سهل ابدا!
3
Liked by: AMIN - أمين دعاء عبدالعظيم YasMine

بس انا حاسه انى مكروهه من الكل ومفيش اى مبرر يخلينى اتمسك بالحياه دى حتى الحب خذلنى ومفيش اى امل ان بكره حتى يبقى كويس ... واقع مميت

الحب هيخذلك و الاصدقاء هيخذلوكي و هيكرهك كتير
تمسكك بالحياة دافعه انتي فقط
ضعي الاخرين وراء ظهرك و حبي نفسك و انطلقي
اللي يحبك زي ما انتي اهلا وسهلا
مش عايز حقه
مافيش شخص الناس كلها مجتمعة على حبه
3
Liked by: AMIN - أمين دعاء عبدالعظيم

انا بنت ومش عارفه اتعايش مع اهلى دماغهم وتفكيرهم غيرى خالص وع طول فى صراع معاهم ومشاكل ومحدش واقف معايا حتى امى واعتراضهم عليه بيبقى بالضرب والاهانه مع العلم ان تصرفاتى مفيهاش حاجه غلط انا اعصابى ونفسيتى تعبت بجد وقرفت من الحياه كلها وحاسه بوحده فظيعه ومش عارفه اعمل ايه :(

في مرحلة في حياتنا بنبقى مش قادرين نبين حقيقتنا او نعيش بالطريقة اللي بنحبها
لازم نلعبها بالسياسة و نبين اننا مسايرينهم
حتى لو كذب لحد ما يبقى عندنا القدرة نبعد او نغير الوضع و ساعتها بنتقلب عليه و عليا وعلى اعدائي
دي نصيحتي تفاديا انك تتعرضي كل يوم لاهانة حاولي تخففيها عشان تلاقي نفس تحشدي قواكي للثورة
3
Liked by: AMIN - أمين دعاء عبدالعظيم riham lotfy

يعنى انت مقتنع بالحب من على النت ؟

انا مقتنع ان النت زي العمل زي الحديقة العامة زي الكلية ممكن تقابل ناس عليه و تتعرف بيهم في الحقيقة و ترتبط بيهم
لكن مش مؤمن بالعلاقة الانترنتية فقط
3
Liked by: AMIN - أمين دعاء عبدالعظيم riham lotfy

رايك في الوضع في مصر

انا ضد السيسي و ضد مرسي و ضد اللي ضد السيسي و ضد اللي ضد مرسي
انا ضد الميدان الرابع
وضد التحرير و رابعة
وضد النهضة
وضد المعارضة
ياريت كلهم يولعوا بجاز
و ماحدش يولول على قتلاه تاني ولا يعمل ثورة بليز
2
Liked by: AMIN - أمين إثراء خالد

لا هو عرفها وارتبطو وكمان عرفته على قريبتى انهارده وقريبتى هى اللى قالتله اننا قرايب هو بيقولى شكرى فيا قدامى بس انا مش عارفه اقول ايه اصلا معرفوش وكان بيدخل يتكلم شات كتير وكنت بهرب ! مش عارفه اعمل ايه احسن تفهم انى بحبه مع ان بنت خالتى عارفه اللى فيها يعنى انى عمرى مهبصله لانها عارفه انى مرتبطه

ماتجيبيش سيرته لو مش هتعرفي ترفضي قصاده
حاولي تتهربي من الموضوع
1
Liked by: AMIN - أمين

اتحطيت ف موقف زفت ولد حبنى من الكليه ورفضته حاول يكلم بنات تانيه ورفضوه حاليا عرف صحبه قربتى وداخل يقولى وبيقولى انتى اختى ظبطينى معاهاا انا قلتله اوك وحاسه انى بكذب لانى لو هتكلم عليه هيبقى كلامى وحش انه نفسه يصاحب وبس بس قالى انه هيخطبها بس بحسه من زمان بتاع حوارت اقولها حقيقه ولا لاء ام تحسين

اللي ماعندهوش الاقدام الكافي للذهاب للشخص اللي بيحبه يبقى مايستاهلوش
1
Liked by: AMIN - أمين

انت ايه مجال تخصصك ودراستك ؟

دراستي علمي عام (رياضة +علوم طبيعية)
و درست الهندسة و التجارة
2
Liked by: AMIN - أمين

المنهج الاسلامي في حاجات حلوة بس للاسف مش مواكب للعصور هو اتعمل لعصرهم بس

بالضبط كان كويس لمنطقة معينة ولزمن معين
لكن مافيش ايدلوجية هتنفع للابد
لازم تتطور و تتواكب
لكن انت عشان مش عاجبك الزمن فعايز ترجعنا للزمن و الظروف اللي كان الاسلام ناجح فيها عشان تثبت انه ناجح بالعافية
مع احترامي ليك لابد انك تتفهم انه هيتحول زيه زي اي دين لمعتقد شخصي مارسه في حياتك
اكن القانون العام مايمشيش بيه
2
Liked by: AMIN - أمين

انا عامل فولو والله بس مش بيظهر حاجة على الهوم

مممممم ممكن تكون عامل فولو لناس كتير لدرجة ان اسئلتي مش بتلحق تفضل عندك !
1
Liked by: AMIN - أمين

مقتنع بنسبة أد ايه بدين الإسلام ؟ ورافضه بنسبة أد ايه ؟

للاسف لان في نقط كتير انا معترض عليها و شايفها تحتاج لتعديل فعلي و جدي
فمش هينفع اقبله بنسبة
مضطر ارفضه كاملا لحد التعديل
1
Liked by: AMIN - أمين

Next

Language: English

4.1

1,266,418 reviews
© Ask.fm 2024