@mhmdbrqi

M Magdi Albarqi

Ask me anything Follow
Ask @mhmdbrqi

Sort by:

LatestTop

Previous

انا عايز اتعلم الكتابة, تنصحني مين يعلمني؟

عايز تتعلم الكتابة؟
اكتب و اكتب ثم اكتب وبعدها اكتب
اكتب لحد ماتدمي ايدك, و تحترق عينك بالدموع
اكتب لحد ماتخسر كل اللي تعرفهم
اكتب لحد ماتبقى وحيد فريد
اكتب لحد ماتموت ولا تحيا الا في الدفاتر..
ساعتها بس هتبقى بتكتب
2
Liked by: AMIN - أمين دعاء عبدالعظيم

مش انت كنت ربوبي؟

اه
موضوع اللاكتراثية دي زاد بما اني لا اطيق فكرة الزن على نفوخ الناس ولا عشان اتغاظ انهم مش زيي
1
Liked by: AMIN - أمين

انت ازاي بترد كده؟

المنطقية يا سيدي الفاضل
بتهزم الافكار المسبقة
و الوجدان الجمعي
و التعنت
و الجهل بالفكرة
و المسلمات
المنطقية بتكشف لك قد ايه في حاجات انت بتتعامل بيها كل يوم مش صح و مالهاش علاقة بالواقع غير انها بتريحك من التفكير
2
Liked by: AMIN - أمين

Related users

ramzya962’s Profile Photo Ahmed Ramzy
Doctor_222’s Profile Photo manar
moumenhussain’s Profile Photo Momen Hussain
AyaAyya173’s Profile Photo Aya
IbrahimMagdi’s Profile Photo Ibrahim Magdi
Midhat20176ytqc_1418’s Profile Photo Mourad
trudycgudenkaufdq3398’s Profile Photo nono
Sandra_43821972_Kn7’s Profile Photo Menna
Jessica Schwaiger
Ridwan_1976_7432Y0’s Profile Photo فضفضه
Bashir2011’s Profile Photo Mohamed Youssri
MrPresidenteasySultan’s Profile Photo Ahmed Elhoseny
Snazzfabulousthing’s Profile Photo Zeinab Elsayed
WhiskyGingershellwicked’s Profile Photo Dina El Abyad
AbdulLatif_1979698RG9’s Profile Photo Ahmed Mady
PassentElnaggar’s Profile Photo Passent Elnaggar
ahmednorelden’s Profile Photo أحمدنورالدين
Omnia_Asem27’s Profile Photo ỜMηĩÏλĦ - ْأُمْــنِــيّـــة
eslam_taher’s Profile Photo Eslam Taher

انا مشقادر افهم سر كرهك للبشر

- كائنات مدمرة و مخربة و معظم انتاجاتها غير قابلة للتدوير طبيعيا
- اكثر الكائنات اللي انهت على انواع اخرى بالصيد و البناء و التوسع العمراني
- كائن جشع جدا و مش بيهمد و بيتكاثر بطريقة عشوائية بتنهك الكوكب
- بيخلصوا الموارد بسرعة جدا
- واكتر حاجة بتضايقني اني من الكائن ده و محسوب عليه
عااااااااا :(
3
Liked by: AMIN - أمين أثير.

هو فعلا النجوم بتبعد عننا؟ يعني النجوم اللي بنعرف بيها الطرق في السما دي هتيجي وقت و تختفي؟

تدريجيا اه
نظرا لان الكون بيتوسع كل شوية الحاجات بتبعد عننا
بس ماتقلقش الموضوع ده مش هيحصل في خلال سنتين ولا حاجة لان الارض و المجرة كلها بتتحرك برضه و بتتوسع فالموضوع بطيء
و غالبا هيحصل في خلال الاف السنين او الملايين هيكون الجنس البشري اتطور لحاجة تانية او انتهى و ريحنا :)
2
Liked by: AMIN - أمين

بجد انت انسان جميل و مش ناقصك غير ان ربنا يهديك

لو ناقصني اني ربنا يهديني عشان ابقى انسان جميل يبقى حكمك خاطئ وانا مش انسان جميل
و لو انا جميل فعلا يبقى هدي ربنا لا ينقصني ولا شيء لاكون انسانا جميلا :)
و الثانية هي الحقيقة :)
الانسان جميل لما يكون خير و طاقة ايجابية بغض النظر عن معتقده
2
Liked by: AMIN - أمين alqahtani ..BBM?

If you became a multi-millionaire overnight, what would you buy?

هأشتري مصر و اطرد منها الاسلاميين و جبهة الخراب و بتوع ادي له فرص و عاصري اللمون
و ابنيها من اول وجديد
2
Liked by: AMIN - أمين

ايوة يافندم انا لقيت الكلمة اتكررت كذا مرة ف اليوميات فقولت مابدهاش باة لازم اعرف معناها :)

ashrkattt’s Profile Photoashrkat galal
و ها أنا أجلس كالحنكليس احاول ان اقرا الاسئلة على اسك و اجابتها كأي حنكليس يحترم نفسه
في احتمال يكون معناها الثعبان
2
Liked by: AMIN - أمين ashrkat galal

في رواية نائب عزرائيل البطل اتعرضت عليه كذا حياة لناس غيره يختار منها الى يعجبه تخيل لو انت مكانه كنت تختار حياه شكلها ايه

بما اني وغد متوحد كثيرا ما اشتكي من حياتي فغالبا ماكنتش هاختار غيرها
بس كنت هأستمتع بدور ملاك الموت اللي بيقبض ارواح الناس جالسا ليستمتع برؤية حكمة الاختيار من سلسلة ردود الافعال المترتبة على تدخله
2
Liked by: AMIN - أمين دعاء عبدالعظيم

الا هو" الحنكليس" دة اللى هو بيعبر عن اية :))

ashrkattt’s Profile Photoashrkat galal
حيوان خرافي ( لو كنتي جبتي الكلمة من يومياتي)مالهوش معنى غير انه يخليكي تسألي السؤل ده :)
من ادوات جذب الانتباه في الادب الساخر اني احط لك شيء مش مفهوم محاولا جعلك تفكر فيه
3
Liked by: AMIN - أمين ashrkat galal دعاء عبدالعظيم

برقى صباحك هنا :) السؤال ده جالى من شويه وعاجبنى :) ممكن تجاوب عليه من غير ما تبص عندى :) كلميني أكتر عن احساس العنوسة اللي يخلي واحدة عاملة اسوار لنفسها ومش من بتوع ممكن نتعرف ومش من البنات العاملين فيها لامؤاخذه أنها تجري ورا واحد عارفة انه مرتبط مش دي برضه اللي اسمها العانس

صباحك سكر
الحقيقة يا اسمه انا رافض اولا التعريف العالمي لكلمة عانس "بانها البنت اللي عدت سن معين - يتراوح بين ال30 لما تكون مامتك مطنشة و18 لو مامتك مجنونة- ولسة ما اتجوزتش "
لان فكرة الجواز هي الغاية من وجود البنات دي فكرة بتفقع مرارتي اصلا.
ده غير ان اللي لسة ما اتجوزتش سواء عندها 18 او عندها 99 سنة ليها اسم واحد (انسة) و ده من باب التمييز التعريفي مش من باب التصنيف.
بعدين حسب ما فهمت من السؤال هو البنت ماقدمهاش غيرطريقين لو عنست؟ يا اما تعمل سور على نفسها و مش من بتوع ممكن نتعرف؟ و الله اغلاق الشخص على نفسه رغم انه مش صحي او غير مرغوب لكن هو حقه.
يا اما انها تجري ورا واحد عارفة انه مرتبط؟
و بعدين لو فاقدة الامل للدرجة دي و متلهفة ع الجواز ماتجري ورا واحد مش مرتبط
او تجري ورا واحد ليه؟ ماتسيب نفسها عادية للدنيا و ممكن تعرف شخص مناسب حتى لو اتاخر شوية و تتجوز او ترتبط بيه!!
وبعدين لو هو عارف انها بتجري وراه و هو مرتبط المفترض ينبهها
لكن مش كل دول اللي اسمها عانس
دي الافكار الزفت اللي عايز الوجدان الجمعي للمجتمع يلزقها في العانس
لانها رفضت تدخل في منظومة الفشل الاسري المصري فلازم تبقى وحشة و عايزة حاجات عيب؟
طالما رفضت عم زنهر الفكهاني اللي بيلعب في صوابع رجله تبقى مش تمام
لعنة الله على الفهلوة
من اكتر الفئات المظلومة في مجتمعنا المتأخرات في الزواج و المطلقات

View more

8
Liked by: AMIN - أمين Heba Galal shaimaa tawfiq دعاء عبدالعظيم ashrkat galal Mayar Mohamed

ليك في تمبلر؟

اعرف الموقع و اكتشفت انه للناس الكسلانة اللي مش بتعرف تتعامل مع بلوجر او ورد بريس و ثقيل جدا و دعمه للعربي زفت و مكان للاخوة اللي بيحبوا يرفعوا صور فقط
الكسالى بقى ليهم تجمع !
خد الكبيرة شركة ياهو هتشتري الموقع , اسوأ مقدم خدمة بريد الكتروني هتشتري اسوا موقع تدوين
هع
2
Liked by: AMIN - أمين دعاء عبدالعظيم

يعنى انت لو فشلت فى توصيل قناعاتك للسائل بشكل موزون و غير منتقد دا مش معناه ان فيه حاجة غلط ؟؟ .. اما فى الفكرة نفسها او فى فهمك ليها!!

لو فشلت في توصيل قناعاتي للسائل بشكل موزون و غير منتقد يبقى في حاجة غلط
في الفكرة او في فهمي فيها او في الغالب الفكرة صحيحة و فهمي صحيح لكن اسلوب تعبيري قد لا يفيد او المتلقي ببساطة لم يفهم القناعة (لاسباب عدة ممكن الافتراضات المسبقة او عدم قدرة للتخيل او عدم رغبة...)
بس عندي تعليق على غير منتقدة لان المفترض ان كل فكرة قابلة للنقد واعادة التفنيد حتى لو وصلنا لنفس النتيجة مافيهاش مشكلة
2
Liked by: AMIN - أمين دعاء عبدالعظيم

هو كريمات تفتيح البشرة بتجيب سرطان في الجلد؟

اعتقد ان كثرتها مضرة من باب الكيماويات الكتير
بس مش عارف موضوع السرطان ده اسال دكتور يكون افضل لاني مش بحب الفتي بدون علم
2
Liked by: AMIN - أمين ألعُتيبـي.

عايزين ظهورك في رمضان يكون اكبر

الحقيقة كنت عاملها مفاجأة بس في سلسلة جديدة في رمضان هتكون حلقة كل يومين تقريبا او مرتين في الاسبوع
اسمها " داخل رأسي"
حلقات مرعبة
ده غير ان رمضان هيكون في اخره صدور كتاب هاش تاج
طبعا بالاضافة لحلقات يومياتي العادية و الراديو
ماتخافش الشهر معبأ :)
6
Liked by: AMIN - أمين دعاء عبدالعظيم ashrkat galal رَضْوىَ

فى رايك مصر محتاجه ايه علشان تخرج من ازمتها الحاليه

معجزة تخلي 90% من شعبها يتخلى عن عنجهيته و يقبل الاختلاف و يفوق و يدوس على كل حاجة عشان يشتري كرامته و يبطل خنوع لاب دقن او بيادة
يا اما جرم سماوي يخبط فيها يمسحها من على وش البسيطة اكرم لها
4
Liked by: AMIN - أمين Sara دلوش ♔

نصيحه متخليش كبريائك يبعدك عن حد انت لسه بتحبه

مافيش حد انا لسة بحبه
في حد انتهى و كبريائي داس عليه بالشوز ^_^
و في حد انا بحبه حاليا و معاه مش بعيد عنه
4
Liked by: AMIN - أمين mohsen luumei Alsubaie

لو بتحب حد ولد أو بنت حب إنساني بتقوله/ها؟ ولا بيكون فيه اعتبارات تانية تخليك متحفظ في التعبير؟

حب انساني يعني مش حب رومانسي
اعتقد طالما بحبه يبقى متفهم الاختلاف بين المعنيين حتى بتشابه اللفظ :)
فاه بأقول له انا بحبك بدون تحفظ لان دي الحقيقة
1
Liked by: AMIN - أمين

لوكان لك أن تكون نصف حيوان و نصف إنسان، فما الحيوان الذي تختاره النّصف الآخر؟

الفراشة
لانها اكثر الكائنات سلمية
بس لو مش عاجباك ممكن العقرب لاني معجب بتكوينه
1
Liked by: AMIN - أمين

ينفع تحب بجد وتنسي وتبدأ حب جديد؟

لو سبب انتهاء الحب الاول حتى لو بجد خيانة او سوء من الطرف التاني
صدقني النسيان مش صعب
النسيان بيبقى واجب
هتفتكر حد جرحك ليه او تبقى عليه ليه؟
اه الجرح بيوجعك شوية بس بتتخطاه
دي ميزة الانسان
و بتيجي لك فرصة تانية تحب, و هتحب و جروحك تلتئم
1
Liked by: AMIN - أمين

اممم ممكن توضح أكتر :))) ليه المرة دى ممكن تكون صح لانها رسمى ولا لانك كان عندك تجربة استفادت منها وغيرتك ؟؟ ولو التجربه دى غيرتك ليه مرجعتلهاش تانى بدل الفراق ووجعه

لا المرة دي مش رسمي رغم اني ضد فكرة المفهوم بتاع رسمي دي
واه انا استفدت من التجربة الاولى في حاجات على الاقل لو في حاجة في حياتك ما نجحتش
على الاقل استفيد من دروسها
ليه مارجعتش تاني لان الفراق رغم ألمه كان هو الاختيار الصح
لان اللي حصل كان خيانة منها و كان في بوادر انا اتغاضيت عنها و دفعت الثمن
فكان لازم الموضوع ينتهي و ماينفعش يرجع
المرة التانية الاصح لاننا اتعرضنا لكذا اختبار اثبت صدق المشاعر دي :)
1
Liked by: AMIN - أمين

ايه الى ممكن يدفعك لعلاقه ابديه مش معروف مصيرها المسماه زواج؟

انك تقرر انك لقيت الشخص المناسب فعلا و اللي عايزه يفضل معاك للابد
فتقرر انك تنقل العلاقة لمرحلة الزواج اللي ملامحها هي تحمل المسئولية المشتركة و انشاء اسرة
2
Liked by: AMIN - أمين دعاء عبدالعظيم

انت مستقل عن أهلك؟

بعض الشيء يعني مش بشكل متصل
نظرا لان في ظروف بتضطرني ابقى معاهم عشان مايكونوش لوحدهم فيها
1
Liked by: AMIN - أمين

طب لو نظرية التطور طلعت غلط؟

رغم اقتراب ده من الاستحالة لان اللي بتسقط هي الفرضيات مش النظريات
لكن لو ظهرت نظرية اخرى بتقدم تفسيرات ادق او بتحلل الموضوع و تفيدنا اكتر
يبقى اهلا و سهلا
الفكرة ان العلم مش ديموقراطي مش هافضل متعلق بفرضية رغم اثبات خطأها لمجرد ان في حد انا باقدسه قال لي عليها او انا بحبها لهدف شخصي
زمان مثلا كنا معتقدين ان الارض مسطحة دلوقتي اثبت عمليا انها بيضاوية خلاص مش هتبت في مسطحة بالعافية!
3
Liked by: AMIN - أمين دعاء عبدالعظيم

ربنا يكرم حضرنك ع رأيك دا بس هو حضرتك عرفت منين أن أستاذه دينا بتابعنى (عشان عملالى لايك يعنى ؟ ) :D وغير كدا ياريت حضرتم تتابعنى كمان دا شرف كبير ليا :) موضوع الحةار فاان نفسى بحبه وأتهيألى أنا متأثره شويا بأحمد مراد لانى تقريا الحاجة الكبيرة اللى قراتها كانت ليه وهى الفيل الأازرق وانا دلوقتى فى

اوكي هاعمل لك لايك بالبيج بتاعي (محمد البرقي)
التأثر بالكتاب التانيين شيء جميل و انصحك برضه القراءة للاجيال الاقدم شوية لان ده بيعمل صقل للاسلوب و بيديكي افكار جديدة
1
Liked by: AMIN - أمين

حضرتك أستغليت وحدك صح .. تحياتى بجد ليك :))) أنا بكتب بس لسه صغيرة قووى فى الكتابه يعنى :) وبقرأ بس مش كتير ممكن بقى تدينى نصايح شويا وممكن تقولى رأيك :)) فى اى حاجة هنا :) https://www.facebook.com/yasmine3bdallah

انا قرأت كام حاجة من المقتطفات الصغيرة اللي كاتباها حلوين بتفكريني بطريقة اسمه غزال (بنت من مصر)
و بعدين كفاية ان الاستاذة دينا عماد بتتابعك يعني
ما تتبعيش دايما اسلوب الحوارات بين اتنين - رغم انه حلو - بس بيحصرك لازم تجربي حاجات تانية
الكتابة باللغة المصرية صعبة مش سهلة صدقيني عن تجربة انا لما جربت اعمل رواية عامية تعبت جدا و قعدت فيها 8 شهور
اسلوبك بقى لما تقراي لناس تانية و اشكال تانية هيبتدي يوضح
و طبعا انتي اللي هتحددي مسار كتابتك عايز يبقى فين
رايي في قصة بركان هاسيبه لك في المدونة نفسها :)
2
Liked by: AMIN - أمين

Next

Language: English

4.1

1,266,418 reviews
© Ask.fm 2024