@mhmdbrqi

M Magdi Albarqi

Ask me anything Follow
Ask @mhmdbrqi

Sort by:

LatestTop

Previous

لو اكتشفت انك في طريقة تخليك حي للابد, هتستخدمها عشان ماتروحش الاخرة؟

بص موضوع الاخرة و شكلها المحدد ده مش متأكد منه
بس خليني أقول لك حاجة مهمة هو انت بتموت ليه
بس علميا
مش فلسفيا
حضرتك معدل انقسام الخلايا بتاعك بيقل تدريجيا عن معدل موتها مع الوقت
لحد ماتوصل لسن معين المعدل اقل من الموت فتبدأ تشيخ
ثم يا اما يتوقف قلبك او تتوقف رئتك او يتوقف عقلك
الخلود مش فكرة خيالية قوي لعلمك
في حيوانات كتيرة خالدة فعليا, منها اللابستور (الكركند)او الاستكوزا بالمصري , ببساطة معدل الانقسام فيه ثابت
بمعنى أوضح, الاستكوزا مش بيموت غير لما تصطاده او تقتله غير كده هو هيفضل عايش
انا بقى ماعنديش اهتمام اعيش للابد بجد مؤمن بحتمية موتي الشخصية لاني شخص ملول مش هأستحمل بصراحة اقعد في الكوكب ده اكتر من كده
2
Liked by: AMIN - أمين

ههههههههههههههه هقولك حاجه ... الخليج بينطقوا (ق) (ج) ... يعني قميله قدا قدا يعني جميله جدا جدا ...... بس انت ممكن تهاجرالكوكب فعلاعلشان قدن ( جدن ) دي ياخسارة الشنطه الي بعجل فيهم هههههههههههههههههههههههه

لا تعالا اوريك التفصيل
الاخوة الكوايتة بينطقوا الـ ك (ش)
و السعوديين مصممين ان اي ج في الكوكب يا اما اصلها ق و لو اي ق مصرية بتتنطق أ
فطبعا النتيجة كارثة لغوية تؤدي لانتحار جماعي بين سيبويه و ابو الاسود الدؤلي و مينا موحد القطرين
1
Liked by: AMIN - أمين

Related users

ramzya962’s Profile Photo Ahmed Ramzy
Doctor_222’s Profile Photo manar
moumenhussain’s Profile Photo Momen Hussain
AyaAyya173’s Profile Photo Aya
IbrahimMagdi’s Profile Photo Ibrahim Magdi
Midhat20176ytqc_1418’s Profile Photo Mourad
trudycgudenkaufdq3398’s Profile Photo nono
Sandra_43821972_Kn7’s Profile Photo Menna
Jessica Schwaiger
Ridwan_1976_7432Y0’s Profile Photo فضفضه
Bashir2011’s Profile Photo Mohamed Youssri
MrPresidenteasySultan’s Profile Photo Ahmed Elhoseny
Snazzfabulousthing’s Profile Photo Zeinab Elsayed
WhiskyGingershellwicked’s Profile Photo Dina El Abyad
AbdulLatif_1979698RG9’s Profile Photo Ahmed Mady
PassentElnaggar’s Profile Photo Passent Elnaggar
ahmednorelden’s Profile Photo أحمدنورالدين
Omnia_Asem27’s Profile Photo ỜMηĩÏλĦ - ْأُمْــنِــيّـــة
eslam_taher’s Profile Photo Eslam Taher

ايه ررايك في الحجاب و النقاب؟

الحجاب:
"و ليضربن بخمرهن على جيوبهن"
لما نعرف ان تاريخيا المنطقة العربية كانت اللغة الارمية هي المكتوبة و الاكثر انتشارا فيها وان العربي كان يادوب في مرحلة الكتابة المبكرة (و الدليل انهم ماكانوش اخترعوا التنقيط) تعرف ان كلمة الخمر هي أحزمة, كانت ترمز للانسانة العفيفة او للعفةوماكانش بتخلعه غير المومسات
ركز بقى على ترمز, في الديانات كلها في حاجة اسمها الرمزية
موجودة في المسيحية و اليهودية و الأسلام
نص معين ليس مقصود حرفيا بل المقصود رمزية الحدث فيه للحث على شيء اخلاقي
زي العنب في الرهبنة المسيحية و قصة الغفران و ابن الاله و الصلب
مش المفترض ان الموضوع يكون حدث فعلي على قد ماهو رمزي
و هنا لازم نتفق على انه الرمزية قد تفقد الحاجة إليها و قد تتطور مع الوقت
يعني حاليا اللبس المنمق هو رمزية العفة
يبقى الحزام اللي تم تفسيره غلط بالحجاب هو في الأساس رمزية العفة والمهم فيه هو ان يرمز لعفاف الشخصية
و ده المعقول من إله عالم لانه اكيد مش هيسن حاجة حرفية و يهتم بقطعة قماش و هو أكثر العالمين انك ممكن تلبسها و تصبح عاهر!!
اما النقاب فهو كان لباس جزء معين من المتطرفين اليهود و لحد الان بيلبسوه في مدارسهم الداخلية و تم تمريره للاسلام عن طريق علماء الوهابية, يعني مالوش من الاسلام اصل ولا حاجة واستند في كلامي لكلام الرحالة ابن بطوطة عن نساء مكة
هنا أحب ألفت نظرك للمفارقة بتاعة "إحنا مش هنقلد اليهود القردة الخنازير" فيما يتعلق بالطرحة السبانيش واللي فعلا كوفية يهودية نقول لا دي تشبه باليهود, وفيما يتعلق بالنقاب, سبحان الله فجأة بقى زي إسلامي؟
:)

View more

7
Liked by: AMIN - أمين SalmaRamzyGhaith nasfodolia دعاء عبدالعظيم Mayar Mohamed Sara عطيتك لآيك رجعه فديتك ♥

يعني ماعندكش مشكلة ان حد يبقى ملحد؟؟؟!!!!

بص يا سيدي طالما بتحترم معتقدات الاخرين و ممارستها و حريتهم
بتحترم قانون و ممتلكات الدولة
و بيني وبينك علاقة طيبة مثلا
فماعنديش مشكلة تبقى ملحد او مسلم او سني او شيعي او ارثوذوكسي او بروتستانتي او سيخ او بوذي او شينتو او حتى بتعبد القرود الفضائية المجنحة
معتقدك الايماني و الفلسفي يخصك
1
Liked by: AMIN - أمين

و دي بتمارسها فين و ازاي ولا ايه بقى؟

بتمارسها جوة نفسك
بانك تكون خلوق محترم
تطبق افكارك على نفسك
تحترم معتقدات الاخرين و حريتهم في اعتناقها و تغييرها و ممارستها
تحث على العدالة و الخير
اما لو معبد او الدعوة ليها فأنا لا ادعوك لانها مش صفحة بتجمع لايكات
هي بكل بساطة اختيار
2
Liked by: AMIN - أمين دعاء عبدالعظيم

ماهو انا مافهمتش برضه موضوع لا اكتراثي ده

ماهو يا فندم انت عايزني اختصر لك حياتي تقريبا في كام سطر
مش بخلا عليك بمعلومة ولا تكبر لا سمح الله
انا فقط بأشجعك على البحث
لكن لو مش عايز تتعب نفسك بانك تنسخ الكلمة و ترزعها في محرك البحث؟؟
تبقى كسول لدرجة خطيرة عليك
3
Liked by: AMIN - أمين دعاء عبدالعظيم رونه

135 - رحلتي من البيت إلى الدكان دي واضحة ان فيها قلش على رحلتي من الشك الى الايمان بس جامدة اصلا

الحلقة دي سخرية اجتماعية من نشاطات الحكومة اللي بتبدأ و مش بتخلص
من الناس اللزجة اللي بتحشر نفسها في حياتك
و فيها حميمية للتفرقة بين كراهيتي للطريق رغم حبي للهدف
2
Liked by: AMIN - أمين ashrkat galal

طب انت ليك مكان رسمي بتقول فيه افكارك ولا انت على الاسك بس؟

لا طبعا الاسك ده حاجة متأخرة جدا :)
مدونتي الرسمية برقيكبيديا
http://brqi.blogspot.com/
صفحة المعجبين على الفيس بوك المنبر الرسمي
https://www.facebook.com/mhmdbrqi
حسابي الشخصي على تويترشخصي مش رسمي يعني باتكلم فيه عن حياتي الخاصة و بارغي مع الناس
https://twitter.com/brqi
1
Liked by: AMIN - أمين

فقدت حد قريب ليك قوي؟

و انا في السعودية اتعرفت على شخص و مع الوقت قربت منه قوي
ولما نزلنا مصر بعدها بشهر جاله لوكيميا
و مات في خلال 6 شهور
1
Liked by: AMIN - أمين

كلامك ده دعوة للعري

انا مش ماشي اوزع
pornography
في الشارع
انا باقول لك خليك محترم و انسان و ماتعاكسش...في دعوة العري في كده؟؟؟؟؟؟؟؟؟؟؟
1
Liked by: AMIN - أمين

عمرك حد وقفك او اتعرف عليك في الشارع؟

مرتين في الجامعة و اتصوروا معايا
مرة وانا في السعودية
و في حاجات متفرقة بقى اللي هي لما يعرفوني على حد جديد و يكون سامع عني قبل كده
2
Liked by: AMIN - أمين دعاء عبدالعظيم

اقنعتني

الفكرة ببساطة يا سيدي الفاضل اننا مش بنطيق اننا نشوف حد مش نسخة طبق الاصل مننا
في سفور و تدخل غريب في حياة الاخرين ظاننا ان في معتقد او سلطة او دين بيديك الحق في كده!!
لكن أنا بأقيسها بمقياس بسيط
طالما بيعمل حاجة مش بتإذيني أو تضر ممتلكات الدولة او تإذي غيري
انت حر
في حالة ايذاء نفسك او ايذاء غيرك بانصحك و قبول النصيحة او رفضها راجع ليك
2
Liked by: AMIN - أمين دعاء عبدالعظيم

عايز تفهمني انك عمرك ما عجبتك واحدة بلبسها؟

الاعجاب - جوة نفسك - شيء طبيعي
ده محور الاختلاف اصلا في اشكال و انواع اللبس
اكيد منطقيا اللي هتلبس طقم لايق على بعضه مش ملخبط يهمها ان الناس ماتبصش عليها تقول ايه البهدلة دي
نفس الموضوع للرجال لبسي منمق عشان يظهر كويس
بس مش معنى كده اني عايز الناس تفرض رايها عليا او تتدخل جسديا معايا عشان لبسي مش عاجبها,
بمعنى اصح لو لبس واحدة مش عاجبني بأعمل زي اي واحد محترم ما بيعمل
"مش بأبص عليها"
فقط لا غير :)
3
Liked by: AMIN - أمين ashrkat galal

ماهي لو لبسة حاجة ضيقة يبقى عايزة تتعاكس يا معلم

- انا مش معلم
- اللي عايزة تلبس ضيق او واسع دي مش مشكلتي انا انسان محترم يهمني ملابسي فقط
- الملابس و جاذبيتها بتعبر عن حاجة الناس للالتفات لينا, مش التحرش بينا
- لو لابسة علامة مكتوب فيها "الرجاء التحرش بي" المفترض ماتتحرشش لانك انسان عندك ضمير و دوافع و عقل و تفكير و تمييز بين الصح و الغلط مش حيوان
29
Liked by: Momen Hussain Meursault nono Basem Essam Ahmed Yehia AMIN - أمين waleed alaa Esraa Mahmoud Manar Ahmed manar hassan

ما شاركتش ليه في الكوميدي ويك في يوتيوب؟

تخيل انا بفيديوهاتي
و مود باعماله الثورية
و نروح نصور فيديو كوميدي
#هع
1
Liked by: AMIN - أمين

مانزلتش حلقة الراديو و الاسبوع فات وانا مستنياها :(

معلش والله المادة بتاعتها جاهزة و انا مشغول جامد ده غير ان الوقت الفاضي يا اما بأعمل فيه تدوينة او بأجهز في كتاب هاش تاج
بس الاسبوع الجاي بمشيئة الانتخاب الطبيعي هأكون فاضي و أسجل الحلقة عينيا حاضر
1
Liked by: AMIN - أمين

هتنزل كتاب بجد؟

اه و ربونا و هأنزل كتاب كل شوية ماتقلقوش هأعوض ما مسحته من تاريخي الشعري :)
2
Liked by: AMIN - أمين ....

بتحب تسمع مين؟

أنا هأعتبرها من الموسيقى لان السؤال عام قوي
اوركسترا و اوبيرا و كلاسيك:
فيفالدي
باخ
بيتهوفن
لايوسيل
بوب:
مصطفى قمر
عمرو دياب
ايزي و كانتري و شال اوت:
عكس السير
كاريوكي
ستينج
ار اند بي هيب هوب راب:
امينيم
احمد مكي
فيفتي سنت
ار كيلي
الروك :
ستينج
فورتي فوت إيكو
راي و عربي:
شاب مامي
شاب خالد
رشيد طه
كاظم الساهر
مارسيل خليفة
شيخة مريم
حميد بو شناق
1
Liked by: AMIN - أمين

انت شيوعي؟

لست شيوعي و لا رأس مالي
بس مضطر اعيش في مجتمع كبيتاليزمي برجوازي متعنطز
و الكومينيست اللي عندنا عايزين يتضربوا في خلاط, متشبعين بجاهلية البروليتاريا الاولى
و بين هؤلاء مع نفسي بأقترح افكار و العياذ بالله اقتصادية حداثية تحاول اصلاح ذات البين بين المعسكرين
زي لجنة التسعير, رقابة النقد, توصيف التدخل الحكومي
ادعي لي بقى :)
1
Liked by: AMIN - أمين

ليه ماطبعتش كتاباتك او طلعت على التلفزيون ليه مكتفي بالتدوين؟

لإني مؤمن تماما إن افكاري من حق الانسان العادي
تتناقش و تتغير و تتطور
و انها مش شيء اتربح من وراؤه
لا احب تقاضي اجر على عرضي للمشكلات و كمان عاشن اتكلم براحتي بدون ماحد يوصي عليا قوانينه
ولا تحركات سياسية تبع اي اتجاه
و عشان يبقى ليك كامل الحرية تتابعني او تتركني و شأني
3
Liked by: AMIN - أمين ashrkat galal shaimaa tawfiq

Next

Language: English

4.1

1,266,418 reviews
© Ask.fm 2024