@mhmdbrqi

M Magdi Albarqi

Ask me anything Follow
Ask @mhmdbrqi

Sort by:

LatestTop

Previous

http://ask.fm/mhmdbrqi/answer/112877644717 هبقي محرج جدا لما اكلم حد اجبني او حتي مصري زي بالانجليزي , معنديش ثقة في نفسي للاسف :D سؤال تاني بالمرة هو ينفع الواحد يتحول من شخص خواف عديم الثقة بالنفس لواحد شجاع واثق بنفسه؟ ولا ده كلام الناس بتقوله عشان يحسسو الناس دي ان في امل ؟

هو مش كلام بيتقال بس
لكن كل حاجة بتخاف منها طالما مش بتنهي حياتك بتخاف منها اول مرة بس
تاني مرة خوفك اقل
بعد كده بتصبح شيء عادي
زي لما كنت طفل و بتخاف من المدرسة
ولما بتخلص و تخاف من مواجهة العالم الواقعي و الشغل و المسئولية
كل المخاوف بتحس بالجبن قدامها بس بمجرد ماتعدي اول مرة خوفك بيقل لحد مايختفي فعلا
زي عمو اللي بيدرب الاسود و التعابين اكيد اول مرة خاف و كان جبان
4
Liked by: AMIN - أمين Basem Omar o.OO شمعة o.OO مصطفى محمود

انا كل العاملهم فولورز اجانب الا انت وكام واحد :D يعني بتعلم منهم وبتعامل معاهم, هحاول احسن من نفسي واعمل زي ما بتقول, هي في مشكلة تانية بس نفس الموضوع برضو, انت لما بتحب تكلم واحد عل حقيقة بالانجلش بتنسي برضو الكلام, بتنسي الجرامر والمعاني,يعني النت حلو انك بتاخد وقت عقبال متفكر في الاجابة انت فاهم

اه , ماهو عشان كده قلت انه الافضل تمارسه مع حد واقعي , صديق او اخ, على التلفون او وجها لوجه , عشان تتعود تتعامل مع الفترة القليلة اللي بيديهالك الموقف عشان تجاوب و تاخد و تدي في الكلام.... لو ينفع تعرف حد من الاجانب دول كلاما صوتيا بقى تلفون او سكايب هيبقى افضل , ...حاول تلاقي, الحل التاني مش بنفس لجودة بس بيدي نتايج شوية هو تقليد اللي بتشوفه في الافلام او الاغاني مثلا , مع نفسك, او حوار و ترده على نفسك
بس طبعا مع غيرك هيكون افضل حاول تلاقيه بقى :)
3
Liked by: AMIN - أمين o.OO شمعة o.OO Ghɑder.

محمد انا وزني 108 كيلو عندي صدري كبير جدا وفيه دهون ومترهل ونازل لتحت, طري كدة, انا مش عارف اعمل فيه ايه بجد,في ناس بتقولي بالرجيم والرياضة مش هيروح, هيصغر شوية بس او مش هيصغر, انا من تلت سنين كنت 96 وبقيت 81 كيلو جسمي كله خس, الا صدري بس كان صغير عموما, دلوقتي كبير اوي, اعمل ايه !

اخر مناطق و اصعب مناطق في النزول هي الصدر و البطن للاسف ...لو كنت جربت تمارين الصدر (زي الضغط , و الحديد و الكارديو) ومش بيأثر مع الفترات الطويلة , يستحسن تستشير دكتور يعرف حالتك بالضبط و هيفيدك اكتر مني ماتقلقش :)
3
Liked by: AMIN - أمين SoOo o.OO شمعة o.OO

Related users

ramzya962’s Profile Photo Ahmed Ramzy
Doctor_222’s Profile Photo manar
moumenhussain’s Profile Photo Momen Hussain
AyaAyya173’s Profile Photo Aya
IbrahimMagdi’s Profile Photo Ibrahim Magdi
Midhat20176ytqc_1418’s Profile Photo Mourad
trudycgudenkaufdq3398’s Profile Photo nono
Sandra_43821972_Kn7’s Profile Photo Menna
Jessica Schwaiger
Ridwan_1976_7432Y0’s Profile Photo فضفضه
Bashir2011’s Profile Photo Mohamed Youssri
MrPresidenteasySultan’s Profile Photo Ahmed Elhoseny
Snazzfabulousthing’s Profile Photo Zeinab Elsayed
WhiskyGingershellwicked’s Profile Photo Dina El Abyad
AbdulLatif_1979698RG9’s Profile Photo Ahmed Mady
PassentElnaggar’s Profile Photo Passent Elnaggar
ahmednorelden’s Profile Photo أحمدنورالدين
Omnia_Asem27’s Profile Photo ỜMηĩÏλĦ - ْأُمْــنِــيّـــة
eslam_taher’s Profile Photo Eslam Taher

معنديش :D صحابي مش كويسين في الانجلش خالص..وانا خايف اتكلم انجليزي مع حد واغلط في جرامر او استخدم معني خطأ, انا كلمت اجانب قبل كدة في منهم قالي الجرامر بتاعك وحش مع اني متعلم جرامر كويس المفروض, في لخبطة زي ماقولت, انا حتي لما بكلم واحد اجنبي بجتاج جوجل ترانسليت لان في معاني بتروح مني, مش عارف

ماهو لازم تغلط و تتعلم , لو فضلت خايف من الغلط هتقف في نفس المرحلة للابد,اتكلم مع اجانب شوف هم شايفين ايه كويس و شايفين ايه وحش , واشتغل عليه ده وظيفة التقييم انه يعرفك انت وحش في ايه و تعدله...معلش اغلط شوية عشان تعرف تصلحها هو متعب بس صدقني نتيجته هتبقى احسن , لان هي اللغة كده , انت كويس في المصري ليه؟ عشان بتمارسه يوميا ...لو مثلا بتتكلم لهجة تانية لمدة طويلة هتتحول لهجتك الام و هتنسى المصري اللغة استعمال
4
Liked by: AMIN - أمين SoOo o.OO شمعة o.OO Mahmoud.Ben.Saad

ازاي احسن اللغة الانجليزية عندي؟ انا اتعلمت جرامر وعارف معاني كتير بس المشكلة اني مجربتش استخدم الاتنين, لما بجرب بنسي الجملة, بنسي الجرامر وبنسي معاني الكلمات العاوز اكتبهم , ايه حل المشكلة دي؟

طالما عندك كلمات و جمل متركبة كويس ولما بتيجي تتكلم و او تكتب تحسه ضاع و متلخبط يبقى توتر الممارسة, عشان مابتمارسهاش كتير فبتحسها مش قد كده و تحس ان اللي قدامك هيحكم عليك, اتمرن مع حد ...صديق اخ صديقة ...اي حد يكون مستواه جيد و اتكلم معاه يومين مثلا في الاسبوع بالكامل انجليزي (انا باعمل كده) ده بيخلي اللغة متحركة في لسانك و في كتابتك ماتبقاش كانها امر طاريء هتتحول لامر عادي
4
Liked by: AMIN - أمين SoOo o.OO شمعة o.OO Mahmoud.Ben.Saad

هو ممكن يجى وقت تمل من اللى بتحبه ؟ ولييييه :(

ساعات بتمر بلحظات بتحس بتكررارية الايام معاه و الركود...ده طبع بشري ..محتاج تجديد في العﻻقة..مشكلة صغيرة ...حاجة جديدة تعملوها سوا هيخليكوا تكتشفوا بعد جديد للعﻻقة
7
Liked by: AMIN - أمين Basem Omar SoOo o.OO شمعة o.OO اعطوني شرطات ☹☹☹

ابلغها تحياتى. .بس السؤال وانت بتفضل تتخناق معها زى كل خلاف بيحصل بيتك وبين حد على التواصل الاجتماعي؟

انا اكسل من اني اتخانق مع حد اساسا...
اللي على النت اني بتناقش والنقاش بيتشعب على الواقع ينتناقش ونختلف وتغلطني و اسخر منها وفي الاخر تعزمني على بيتزا ونروح واحنا بنتفق على المقابلة القادمة
4
Liked by: AMIN - أمين crazy love دبورفسكي ★☭ ♥ A l i ♥

وبما ان السؤال مسئوليتى :) لما شوفت مقال كتابة على سليمان "علية السلام" ابتدى يتسرب احساس انها ملحدة بس ده ميفرقش معايا المهم رايك في كتابتها السياسية لانها واضح انها من النشطاء الى انت بتعرض على طريقتهم

معتقدها شيء يخصها ...المقال بيضرب الثوابت و ده شيء مهم كتابتها السياسية نابعة, من معرفتي الشخصية بيها انها انسانة طيبة جدا للغاية و من الناس اللي بتحاول تعمل معادلة و في سبيل ذلك ممكن تقع في اخطاء قاتلة مع ناس مش مستعدة للتعايش ...عادي ..هو مش كل النشطاء بأعترض على اسلوبهم, لكن في بعضهم سخيف و هتاش جدا, و اه احيانا باتفق معاها و احيانا لا اتفق, بس هو رايها و عليا ان احترم حقها في قوله
1
Liked by: AMIN - أمين

فعلا بتعقدنى احيانا بعد ما بقراء مقالاتها بحس انى عايز اركز زياده في كل حرف علشان افهمها؟بس ده عيب لانه مش هيبقي عندها قراء كتير مفكرتش تنصحها تبسط اسلوبها اكتر

هي ليها جمهورها الحقيقة , تغيير اسلوب الكاتب مش قرار سهل بس هأحاول اوصل لها الموضوع ده عشان تضم شريحة جديدة من القراء :)
3
Liked by: AMIN - أمين رضوي ،، YOLO ✌ Mish Abdalrahman.

رايك في كتابتها عموما؟ بعيد عن اللغة لانها واضح انها دارسة لغة كويس؟

لغتها جيدة و غنية
و بتخدم اصلا اسلوب كتابتها الملحمي في طرح القضية, و الاسقاط العميق, لان احيانا ممكن تقرا حاجة تحسها اسقاط على شيء و تقراها تاني تطلع اسقاط على شيء اخر
الاسلوب الملحمي القصصي احيانا ده استخدمته او قلدتها فيه في مقالين في كتابي الجديد, و هو اسلوب جميل بيعتمد على التشبيهات المعقدة احيانا و الفانتازيا
لكن هي كل مقالاتها بيه
ممكن تقول ماركة مسجلة ليها
1
Liked by: AMIN - أمين

اية رايك ف فهيمة محمود... خلود ايهاب ...

فهيمة محمود : العبقرية النجيبة ...انسانة جدعة و جميلة و دايما بابعت لها اي حاجة باكتبها قبل ماتنزل عشان بيهمني رايها ...و اسلوبها من الروائع اللي بحبها.
خلود ايهاب : دي كتكوتة حالص وطيبة لاقصى الحدود و من الناس اللي تحبهم من اول معاملة ... و كل حاجة بتكتبها بتحسسك ببرائتها.
الاتنين بصراحة ناس ﻻغبار عليهم
2
Liked by: Kholoud Ehab AMIN - أمين

http://ask.fm/mhmdbrqi/answer/112612586669طب انا شايفة كدة وشايفة انها حاجة في منتهى الاهانة للأنثى بس مش عارفة ليه ربنا حللها و حتى لو ليها اسباب مقنعة وضوابط ....اربعة كتير اوي وعدد ملهوش لزمة كأن الاربعة بيعادلو ذكر واحد والانثى ملهاش قمية مساوية للرجل،ليه مش اتنين مثلا كحد اقصىى و لو ان ده اهانة

استكمالا لمسلسل اهانة المرأة و ادعاء تكريمها...و ماتنسيش انه من حقه عدد ﻻ نهائي من ملكات اليمين ..يحل له وطئهن دون زواج ...
1
Liked by: AMIN - أمين

سؤال .. هو صحيح الملحد شايف من وجهة نكره إن عادي يعمل سكس مع اخته عشان على ايام ادم عليه السلام إتجوز قابيل وإابيل إخواتهم وتكاثروا وهكذا .. ف من الحته دي هو ملحد او هل النقطة دي سبب ف الإلحاد وإيه رأيك فيها؟

والله هو مافيش حد بيشوف ان الجنس مع الاقارب عادي الا شخص غير سوي
الامر بيصل اصلا في امريكا مثلا لدرجة بنات الخالة و بنات العم مثلا (اللي هو عندنا عادي هنا)يعتر محارم و بيسبب امراض وراثية باحتمال عالي جدا
فدي مالهاش علاقة بمتدين او ملحد او غيرهم
(تنبيه الملحدين عامة مالهمش دوجما موحده يعني وجهة نظرهم مش لازم تبقى بالمللي زي مثلا الاديان المنظمة ناحية الاشياء)
فكرة بقى زواج الاخوة من بنات ادم و من ثم تحريم الموضوع ده بعض كده هو تفسير غريب شوية لنشوء البشر , و الحقيقة التفسيرات للموضوع ده مابين ان الكلام ده مش موجود في القران فمنعرفش و مابين الناس اللي بتفصل التشريعات و بتقول ان زواج الاخوة في شريعة ادم كان حلال و في الاسلام حرام
زي سجود اخوة يوسف كان تعظيم حلال في شريعتهم حرام في الاسلام
- مش لازم قصة ادم بس لوحدها تكون سبب لشخص يغير رؤيته الروحية , لكن ممكن تكون واحدة من الاسباب
7
Liked by: Basem Omar AMIN - أمين Hend abu-elwafa Norhan Mohammed manar hassan عبدالسلام

مهو الموقف سلب مينفعش انها تروح لخراء ونسكت ونقول انا مشركتش ايه الي ممكن يتعمل بمشاركة للنزوح للناحية الاخري ؟

الظاهر ان الكلام مش واضح
هي رايحة لخراء سواء اي ناحية فيهم اي مرشح هو زفت, فعدم مشاركتك هو الشيء الايجابي الوحيد, اللي حابب يرشح المرشح اللي شايفه اقل زفتا فيهم في رايه اهلا وسهلا , لكن انا بالنسبة لي الاتنين زفت, فمش هأدي صوتي لحد فيهم
2
Liked by: AMIN - أمين

طيب وبعد المقاطعه يعني مهو شكلها رايحة لخراء مخرة بخراء محشي خراء ؟؟

ماهو انا وانت عارفين انها رايحة لقطران, المهم اني ماساهمش في صناعة الزفت دي,و فشل نظام الفكرة الواحدة ده قادم لا محالة
1
Liked by: AMIN - أمين

ايه الي بيدور ف دماغك حولين الانتخبات وموقفك؟

بيدور في دماغي ماهي الدولة اللي يترشح فيها اتنين بيحاولوا يتمحكوا في عبد الناصر اللي هو اصلا مش حاجة عدلة, واحد عمل نفسه بطل عشان فض اعتصام و التاني مزفلط كده
ثم نختمها بمرتضى منصور....
انا مش هأدي صوتي لحد لحد الان مافيش حد استطيع اديه صوتي وانا حاسس اني عملت حاجة صح!
2
Liked by: Ali AMIN - أمين

ريك في حظر 6 ابريل؟

بص يا بيه ...الثوري اللي صنديد عتيد فريد و مش ناسي التحرير يا داخلية *** و في نفس الوقت مستعد تماما لتناسي السحل و الضرب و الفض و جبنة نستو يا معفنين و غسول و توبس و الهري ده من الاخوان , ثم يصدعني نص ساعة بمحاضرة عن ان المباديء لا تتجزأ مايلزمنيش
الحركة دي فيها اخوان اكتر من الاخوان نفسها :D
بس قشدة سلطة بتستهبل و معارضة بتستعبط
2
Liked by: AMIN - أمين دبورفسكي ★☭

طب ماهو في حيوانات مفترسة بتاكل اللي أضعف منها يبقوا برضه العن كائنات أصيبت بها الأرض؟

الحيوانات بتاكل غيرها لمجرد الجوع و بالطريقة الوحيدة اللي تعرفها..لكن الانسان هو الوحيد اللي بيقتل من نفس جنسه او غير جنسه للتسلية او اهداف شخصية
3
Liked by: Mohamed Mostafa دبورفسكي ★☭ AMIN - أمين

تعليقك ايه علي تعامل الامريكان مع الحيوانات بهذا الشكل ؟ https://www.facebook.com/photo.php?v=676236019103873

هو لو بتتابعني من زمان هتعرف ان رايي في الانسان عامة انه غلطة تطورية قبيحة سواء الفيديو - شفته قبل كده من سنتين- وﻻ حفﻻت الدبح بتاعة عيد الاضحى و ﻻ شركأت تصنيع اللحوم كلها رمزيات لمدى كون الكائن ده العن مرض اصيبت به الحياة على الارض
1
Liked by: AMIN - أمين

ما رائيك في القضاء المصري واحكامه الاخيرة؟..

as123e’s Profile PhotoTarek
انا سمعت عن حظر و اعدامات ...ماخبيش عليك حكم هيعجب كتير و مش هيعجب كتير ...بس احنا هندفع ثمن غالي للانهيار الديموقراطي اللي حصل بالانقلاب والفترة دي كانت متوقعة للاسف ربنا بيستر من اللي جاي
3
Liked by: AMIN - أمين دبورفسكي ★☭

تصدق انا لما بشوفك بتقول ان فض رابعة مأثرش فيك بتمنالك انك تشوف الى حصلهم ده قدام عينك فى الناس الى بتحبهم و بعد كده يحصل فيك

القضاء على ارهابيين مش بياثر فيا ...ﻻنك عملت ماهو اكثر فاتمنى براحتك ماتريد...اذا كان اهلي او انا ارهابيين فنحن نستحق الموت...اي شخص راح رابعة بكامل اختياره او بيدعمها ربنا هيحسبنا ع الاكسوجين اللي بيتنفسه
2
Liked by: AMIN - أمين Mahmoud.Ben.Saad

محمدانا اقترحت علي امي اني بعد مخلص السنادي ثانوية عامة اريح سنة ,لغاية موصل لجسم مناسب عشان اقدر اخش كلية الشرطة بعد كدة,رفضت وزعقتلي وقالتلي انت متخلف وتضيع سنة من عمرك وبتاع يعني حتي مفيش تحفيز او كلا حلو, حتي من فترة انا كنت بقترح عليها اني اخش معهد طبخ لو مجبتش مجموع كلية اداب, كان اقتراح زعقتل

نصيحة بجد..
اتاكد اذا ينفع تدخل الكلية بعد السنة دي و اعمل اللي انت عايزة انشالله غصب
1
Liked by: AMIN - أمين

Next

Language: English

4.1

1,266,418 reviews
© Ask.fm 2024