@mhmdbrqi

M Magdi Albarqi

Ask me anything Follow
Ask @mhmdbrqi

Sort by:

LatestTop

Previous

Related users

ramzya962’s Profile Photo Ahmed Ramzy
Doctor_222’s Profile Photo manar
moumenhussain’s Profile Photo Momen Hussain
AyaAyya173’s Profile Photo Aya
IbrahimMagdi’s Profile Photo Ibrahim Magdi
Midhat20176ytqc_1418’s Profile Photo Mourad
trudycgudenkaufdq3398’s Profile Photo nono
Sandra_43821972_Kn7’s Profile Photo Menna
Jessica Schwaiger
Ridwan_1976_7432Y0’s Profile Photo فضفضه
Bashir2011’s Profile Photo Mohamed Youssri
MrPresidenteasySultan’s Profile Photo Ahmed Elhoseny
Snazzfabulousthing’s Profile Photo Zeinab Elsayed
WhiskyGingershellwicked’s Profile Photo Dina El Abyad
AbdulLatif_1979698RG9’s Profile Photo Ahmed Mady
PassentElnaggar’s Profile Photo Passent Elnaggar
ahmednorelden’s Profile Photo أحمدنورالدين
Omnia_Asem27’s Profile Photo ỜMηĩÏλĦ - ْأُمْــنِــيّـــة
eslam_taher’s Profile Photo Eslam Taher

كلمني عن طفولتك و حياتك ؟

طفولتي مغلقة تقريبا
كنت محب جدا للوحدة وماليش صحاب
كنت ببقى لوحدي اغلب الوقت
بافكر و افتش و افك اللعب
كنت هادي يعني ماكسرتش ايدي ولا اتعورت جامد خالص
كنت متفوق دراسيا و باخد شهادات تقدير كتير
و في سن 12 سنة بدأت اكتب
كانت بتجي لي احلام مضطربة, دي جا فو, جاثوم ,
وانا
cat person
3
Liked by: AMIN - أمين دعاء عبدالعظيم

سمعت أحد الروحانيين يقول أن الجاثوم هو فرصة للخروج من الجسد المادي والتحرك والطيران بالجسد النجمي، فقط بشرط أن الشخص يستسلم للجاثوم ولا يقاومه حتى يحظى بتلك التجربة ويكتشف أنه نعمة وليس مرض كما كان يظن، أنا عن نفسي لم اجرب الجاثوم ولا اعرف إن كنت محظوظ بذلك أم سئ الحظ !

لا انت محظوظ
و الحقيقة ان الروحاني ده حافظ كلمتين
الجاثوم لا علاقة له بالاسقاط النجمي
ولو استسلمت ليه و هو اصلا مجرد تجربةبتستمر دقيقة مش اكتر
هينتهي
و ستعود للاصابة به غدا
2
Liked by: AMIN - أمين

أنت شاركت الموضوع ده مع أهلك؟ كان رد فعلهم ايه؟ أنا بدأ يجيلى فى سن الجامعة و لحد دلوقتى مفتحتش الموضوع مع حد

فاتحتهم و كانت حلولهم العادية المعتادة
(اقرا المعوذتين- اذكار - اتغطى كويس و ماتشوفش حاجات رعب)
و النتيجة كانت ولا شيء
من مدة قريبة صارحتهم ان لازم اروح لدكتور نفسي
لكن الموضوع حساس شوية
و خصوصا اني كان اصلا عندي نسبة توحدية
فالخوف بقى بيصاحبهم من ان ايه الناس اللي ابنهم كل شوية بيروح لدكتور نفسي
طبعا انت عارف طبعا نظرة الناس للدكاترة النفسيين
3
Liked by: AMIN - أمين دعاء عبدالعظيم

eh el للجاثوم daa

الجاثوم او الجافون او الياثوم
هو شيطان كابوسي او رمز للكوابيس اللي بتكبس على النفس و تجعلك لاتستطيع الحركة او التنفس
بيجي في فترة الافاقة من النوم كحالة شلل مؤقتة
و حاليا هو مرض اسمه (شلل النوم) او الشلل الجاثومي - الاسم العلمي -
للتفاصيل اكثر
http://ar.wikipedia.org/wiki/%D8%AC%D8%A7%D8%AB%D9%88%D9%85
و اقتبس الجزء ده
طبيا، تعتبر هذه الحالة شلل موقت في الجسم، وتدعى الشلل النومي. وهي تجربة مرعبة عند البعض تحدث أثناء النوم. ويمكن تلخيص عوارضه في عدم القدرة على تحريك الجسم أو أحد أعضائه في بداية النوم أو عند الاستيقاظ. كما يمكن أن يصاحبه هلوسات مخيفة. تستغرق أعراض شلل النوم من ثوان إلى عدة دقائق، وخلالها يحاول بعض المرضى طلب المساعدة أو حتى البكاء؛ لكن دون جدوى، وتختفي الأعراض مع مرور الوقت أو عندما يلامس أحد المريض أو عند حدوث ضجيج.
وقد أظهرت الدراسات بأن 2% من الناس يتعرضون لشلل النوم على الأقل مرة في الشهر. وقد يصيب هذا المرض المرء في أي عمر. ويتعرض 12% من الناس لهذه الأعراض لأول مرة خلال الطفولة.

View more

3
Liked by: AMIN - أمين ÄŝḾaằ AhḾèd

فاكر أول مرة اتعرضت للجاثوم؟

كان عندي 7 سنين ساعتها و من ساعتها وانا باحلم بيه بشكل روتيني
2
Liked by: AMIN - أمين

هقولك حاجة بصراحة انا كان بيجيلي الجاثوم دا بشكل متكرر ويخوف طبعا ماكنتش اعرف هو ايه دا او عبارة عن ايه المهم ان امي قالتلي تقرأ قراءن وتقرب من ربنا لأني كنت ساعتها بعيد شوية ولما عملت كدا مبقاش يجيلي نهائي بعدين لما قرأت عنه ملت لفكرة انه جن!_انا عارف انك هتستهزق او مش هتقتنع بس انا بقول وجهة نظري

لا هي وجهة نظرك و احترمها :)
بس برضه الحالة اللي عندي تفاعلي معاها هو اللي مخليني رافض انها تكون جن
يعني مبني على القياس مش رفضي لفكرة الجن نفسها..
جربت نفس الحل ما استفدش
لكن غالبا هو حالتك كان سببها هو فعلا الضغوط النفسية و لما ارتحت منها راح الجاثوم
بس هو فكرة الجن مش قابلها لسبب بسيط سواء حالتك او حالتي لانه اكيد مش هيسيبك بالسهولة دي
2
Liked by: AMIN - أمين

في رأيك ايه سبب الجاثوم ؟

أغلب الخبراء يرجعوا الجاثوم لأسباب نفسية كالضغوط و القلق
لكن بما إنه بيجي لي عمال على بطال فأظن انه مش بس القلق و الضغوط
ربما يكون اللاوعي بيستحضرها او تكون حالة مرضية
محبي الميتافيزيكس بيحكوا عن الجن اللي بيغتصب النائمين و الكلام ده بصراحة مع احترامي كلام ما يأكلش عيش
2
Liked by: AMIN - أمين

تحبوا تكون الحلقة الخامسة من برنامج إبداعات العلم بتتكلم عن أيه التعامل بصورة عامة بين البشر التعامل مع الجنس الاخر كيف تسعد زوجتك كيف تسعدين زوجك

DarkerBloodyhell’s Profile Photoeslam ramadan
التعامل بصورة عامة بين البشر
2
Liked by: AMIN - أمين eslam ramadan

tyb 7adrteak shayf ba3d lma nemoot hnroo7 feen walaa hnrga3 torab

قلقك من ان ادراكك هينتهي و جسمك هيتفتت
هيخليك تخترع قصص خيالية عن الموضوع و رؤى و اختلافات و تقتل ناس على اساسها؟
على العموم لما نموت هنفتت و ندخل في تركيب نباتات و النباتات هتاكلها حيوانات اكلة نبات و تحط عليها حشرات تنقل حبوب لقاح
و الحيوانات اكلة اللحوم هتاكل اكلات النباتات
و اللقاح هتنبت نباتات جديدة تتاكل و هكذا
ده طبعا بخلاف هجرة جزيئات جسمك الطبيعية (جسمك من 15 سنة مش هو نفس جزيئات جسمك دلوقتي غالبا كلها اتغيرت بجزيئات جديدة و القديمة هي من تكوين شيء اخر دلوقتي)
انت حاليا اكيد فيكي جزء من شخص تاني
دايرة الحياة
مش هتقف عندك ولا عندي عشان خوفنا و فضولنا من موضوع العالم هيعمل ايه بعدنا
لاتهتك يا صديقي ادراكك هيقف غالبا
1
Liked by: AMIN - أمين

ما رأيك بمقال باسم يوسف عن الإلحاد وحد الردة؟

رغم محاولاته لتبسيط الوضع و تصنيع التسامح
الا انه برضه تعامل مع الموضوع على انه مشكلة محتاجة لحل
و الالحاد او اللادينية ليست مشكلة تحتاج لحل
لكن لا انكر ان الحلول اللي نقدها للناس فعلا بتكشف سوء تفكيرهم وانهم ماعندهمش حل لاي حاجة غير مداراتها
يعني انا نصف متفق مع المقال و نصف لا
اما حد الردة فكل ما بنكلم عنه نلاقي الاسلامي بياخدك في حتة تانية بتاعة انه ما اتطبقش اصلا
طبعا ده على اساس ان حروب الردة ماحصلتش ولا حاجة
لا اصل دول طبقناه عليهم عشان الدولة تفضل متماسكة؟
الله مش كان من شوية مش متطبقة و دلوقتي اتطبق؟ و بعدين مادخل تماسك الدولة في دين مواطنييها؟
الدولة اللي ماتتماسكش غير وهي على نظام المواطنين الممسوخين من جلدة واحدة دي دولة ماتستحقش تتوجد ولا بد ان تسقط
هتلاقيهم بيبعدوك عن ان حد الردة موجود بشكل صريح في الاسلام و بتعد واضح على حرية الاعتقاد اللي بيدعوها و اللي بيستمتعوا بيها و ينادوا بيها في الدول العلمانية لما تكون في صالحهم و يحاربوها لما تكون ضدهم
لعن الله مفاوضات التشتيت و الخنزير و الحاخام
(دي اسماء انواع من المفاوضات الكلامية ممكن تجوجلها عشان تعرف معناها ايه)

View more

2
Liked by: AMIN - أمين دعاء عبدالعظيم

سؤال غبي ... بس انت مصري أصلا يا محمد ؟

QalamSara’s Profile PhotoSara
انا مصري...و اصل العائلة من جذور ليبية
والسؤال مش غبي...لو مش عارفة يبقى المعلومة مش مفهومة بالنسبة لك عادي جدا :)
2
Liked by: AMIN - أمين Sara

am lost !! i don't like any religion bas ana f nafs el wa2t msh 3aref atla3 mn fkrt en there's no God !! w msh 3aref a2raaa ehhh !! ay eqtra7at ?!

ماهو اي دين مش هيعجبك ده طبيعي لو فكرت هتلاقي ان كلها بتشوه انسانيتك بشكل او بآخر
فالنهاية كلهم قمعيون
و ده شيء خاص بخلاف بقى هل هناك اله ولا لأ ده شيء تاني خالص لان ده بحث منطقي و علمي و قد تلجأ في النهاية للي يريحك
فقد لا نتفق على ان هناك اله او لا (يعني هتبقى ربوبي او ملحد او لا اكتراثي او متشكك)
لكن سنتفق في ان الاديان للاسف ليست خير كامل 100% كما يدعون بل بها شرور
1
Liked by: AMIN - أمين

هو لية اغلب المجتمع جاهل و احياناً بيحارب العلم و ازاى نحل المشكلة دى

لانه بيسيطر عليه افكار خرافاتية
و تأسيس التشريع بتاع الدولة بني اساسا على احدى هذة التخاريف و هو المفترض يتبني على قانون محايد
يتبنى التعليم القسري للناس و يسهل و سائله بحيث يقضي على الامية و يشجع الثقافة
بينما عندك بيغيروا وزير الثقافة بشخص مجمل اللي عمله في حياته مقالتين و كتاب
(سوري انا في حياتي كتبت 25 مقال و 4 كتب و ده لا يجعل مني مثقفا ولا يعطيني حق ان اكون وزير ثقافة)
و هو يتبع جماعة ليس لها مساهمات ثقافية فلا واحد منهم رسام ولا مغني ولا فنان ولا كاتب مفكر فعلي...كلهم نسخة من خروف كبير قطبي مش اكتر
نحلها بان المثقفين ينتقلوا للمشاركة الفعالة في المجتمع و تطنيش الجهلة و يقاوموا و يبذلوا شوية دم عشان الدولة تعتمد اساس محايد للحكم و تدعم التعليم و الثقافة المفتوحة الغير مقننة
و كل واحد بقى حر في خرافاته الخاصة لاحد يتعدى عليها ولا يتعدى على حد
2
Liked by: AMIN - أمين

إلى اين يقودونا العلم مع هذا التقدم المرعب

Amr Yassin
حسب إستخدام البشر
العلم سلاح ذو حدين
تقدر تقدم بيه خدمات عظيمة للبشرية
زي ابحاث الوراثة و علاج الامراض بالخلايا الجنينة (تقدم مرعب)
و تقدر تعمل بيه تفجيرات ارهابية و قنابل ذرية
الاختيار دايما اختيارك
3
Liked by: AMIN - أمين Amr Yassin

مع أو ضد الجهاد في سوريا

سوريا الوضع فيها كالتالي
تجمعات من اشخاص بيعبدوا نفس الرب بس بطرق مختلفة
وعمالين يقتلوا في بعض
بعيدين كل البعد عن الثورة السورية
فهتروح تجاهد في سوريا يبقى مابتعملش حاجة غير الانضمام لاحد الاطراف و كلهم اوغاد
حزب اللات مجرمين و الجيش الحر بيعمل في المدنيين العلويين زي ما بيعمل بشار و يمكن العن
و بشار وغد ايضا
مع احترامي لمؤيدين اي من الفرق انا ضدهم جميعا
2
Liked by: AMIN - أمين Sara

ايه أفضل 5 كتب قريتها حتي الان؟

النبي - جبران خليل جبران
المغالطات المنطقية
عزازيل - يوسف زيدان
الطرائف العلمية
الجريمة و العقاب
4
Liked by: AMIN - أمين Amr Yassin Joka ♪

fy bent 3aksetak w law ah momken t2ol elmawqef el 7asal ma3ak ?

مرة كنت معدي قدام مدرسة بنات, كنت مضطر عشان شغلي جنبها...و كانت الطالبات طالعين
فجأة لقيت واحد بتمسك كتفي و بتقول لي
"حلاوتك...اركب الهوا"
واحنا صغيرين و مالناش في الحاجات دي يا بيه
4
Liked by: AMIN - أمين دعاء عبدالعظيم Joka ♪

مواقع مفيدة تعرفها و تنصح بها غيرك غير مواقع التواصل الاجتماعي و جوجل و اسك و يوتيوب ؟؟؟

ويكبيديا
http://ar.wikipedia.org/
جوود ريدز
http://www.goodreads.com/
موقع ناسا - مقالات علمية كتير
http://www.nasa.gov/
اليوتيوب مش كله ترفيهي فيه قنوات مفيدة
قناة دقيقة فيزياء
http://www.youtube.com/user/minutephysics
قناة ASAP science
http://www.youtube.com/user/AsapSCIENCE
V sauce
http://www.youtube.com/user/Vsauce
بتعرض حاجات علمية باسلوب الاسئلة العجيبة و تجاوبها و تديك مراجع
موقع كيف يعمل ده تقريبا بيوريك كل حاجة بتشتغل ازاي
http://www.howstuffworks.com/
2
Liked by: AMIN - أمين

وبما أنكم أصدقائي وكده وأحب أعرف رأيكم في .. شخصية رضوى -أنا- شايفنها إزاي؟ بعيوبها و مميزاتها؟ بسلطاتها و بابا غنوجها .. قولوا كل ما عندكم :D

رضوى اشرف؟
لا بجد انا ماشوفتش منك عيوب حتى الان فلا اعرف عنك غير كل خير
و كتاباتك مميزة جدا و انا شخصيا باحبها
وبدون مجاملات بجدده الحقيقة :)
2
Liked by: AMIN - أمين رَضْوىَ

هل تعتقد أن الارتباط عن طريق الفيس بوك طريقة ناجحة ؟

الفيس بوك زيه زي اي مقابلة او حديقة عامة ممكن تقابل شخص و تتعرف بيه و تحبه بس اكيد العلاقة هتنتقل للواقع اما انها تفضل فيس بوك ده بس غريب شويتين بصراحة
3
Liked by: AMIN - أمين Joka ♪ Naif Bin Fayez

رأيك ان احنا كاقليات فكرية في مصر عندنا فرصة نصلح المجتمع ؟؟

قدامنا مشوار صعب و ثقيل في إننا نعلم المصريين تقبل الاخلتاف و الاخرين
و قدامنا مشوار اثقل هو التفكير الحر و العلوم و الكفاءات اللي هتفيد البلد دي و انها تتاخد في مواضعها و طاقاتها تستنفذ
قدامنا مشوار مش مستحيل بس صعب و محتاج قوة و عزم
و محتاج اننا نقاتل عشانه
البلد دي بلدنا زي ماهي بلد كل المصريين واحنا عايزينها لكل المصريين مش لفئة او صنف بس
وعلى اللي يرفض كده انه هو اللي يمشي ..مش احنا
2
Liked by: AMIN - أمين

Next

Language: English

4.1

1,266,418 reviews
© Ask.fm 2024