@mhmdbrqi

M Magdi Albarqi

Ask me anything Follow
Ask @mhmdbrqi

Sort by:

LatestTop

Previous

محمد انا كل صحابي مسلمين واعرفهم من زمان ايام الحضانة غير انهم عارفين عنوان بيتي..المشكلة اني مش عارف اخد راحتي باني اقول رأي في حجات مش ك بوستات وكدة..اني اعلق عند صفحة شخص او في صفحة وكدة..وانا لو عملت اكونت تاني وودتهم فيه..كدة الاولاني هيبقي فاضي :D انت شايف ايه :/

اعمل الاكونت التاني و اتوكل على الله
1
Liked by: AMIN - أمين

ايهما الصح انا شوفتاك بتتكلم ع العقاب الانتقامي و الصلاحي

العقاب الإصلاحي*
وانا اميل له , ان مش الغرض من العقوبة الانتقام من الفاعل على قد ماهو الغرض تكون بتقومه و ترجع للمجتمع شخص افضل
انا شايف العقوبة الانتقامية في 99% غير اخلاقية
4
Liked by: Basem Essam Alaa Elgendy AMIN - أمين

ايه الفرق بين اذا و إذ ؟ ايه الاختلاف بينهم في المعني؟ وياريت بمثال

إذ شرطية تجزم فعلين
(تقدم نحوي إذ إنتهى عمله)
إذا معناها الفجائية أو الربطية
بتربط بين جملتين او كمان تشرط
اما لو قصدك إذًا و هي الكتابة الصحيحة لإذن
و ممكن تستخدم جوجل هتلاقي شروح طويلة و امثلة
3
Liked by: AMIN - أمين

Related users

ramzya962’s Profile Photo Ahmed Ramzy
Doctor_222’s Profile Photo manar
moumenhussain’s Profile Photo Momen Hussain
AyaAyya173’s Profile Photo Aya
IbrahimMagdi’s Profile Photo Ibrahim Magdi
Midhat20176ytqc_1418’s Profile Photo Mourad
trudycgudenkaufdq3398’s Profile Photo nono
Sandra_43821972_Kn7’s Profile Photo Menna
Jessica Schwaiger
Ridwan_1976_7432Y0’s Profile Photo فضفضه
Bashir2011’s Profile Photo Mohamed Youssri
MrPresidenteasySultan’s Profile Photo Ahmed Elhoseny
Snazzfabulousthing’s Profile Photo Zeinab Elsayed
WhiskyGingershellwicked’s Profile Photo Dina El Abyad
AbdulLatif_1979698RG9’s Profile Photo Ahmed Mady
PassentElnaggar’s Profile Photo Passent Elnaggar
ahmednorelden’s Profile Photo أحمدنورالدين
Omnia_Asem27’s Profile Photo ỜMηĩÏλĦ - ْأُمْــنِــيّـــة
eslam_taher’s Profile Photo Eslam Taher

انا مش فكر قولتلك ايه :D.. انا نزلت Pdf حوالي تلت صفحات كدة ومش متأكد هو ده البتقول عليه ولا لأ..والنقد مش موجود.. www.iasj.net/iasj?func=fulltext&aId=30779 هو ده اللينك

ارسطو لافلاطون نقد http://ar.wikipedia.org/wiki/%D9%85%D8%B3%D8%AA%D8%AE%D8%AF%D9%85:Hasanisawi/%D9%86%D9%82%D8%AF_%D8%A3%D8%B1%D8%B3%D8%B7%D9%88_%D9%84%D9%86%D8%B8%D8%B1%D9%8A%D8%A9_%D8%A7%D9%84%D9%85%D8%AB%D9%84_%D8%A7%D9%84%D8%A3%D9%81%D9%84%D8%A7%D8%B7%D9%88%D9%86%D9%8A%D8%A9
اما نظريات افلاطون فهتلاقيها في كتابه الجمهورية
و محاورات افلاطون
هيبياس الكبرى
هيبياس الصغرى
إيون
بروتاغوراس
دفاع سقراط
كريتون
ألقبيادِ
خارميدِ
مينيكسينِ
مينون
أوتيديم
كراتيلِ
فيدر
ثيثيوس
بارمنيدِ
السفسطائي
السياسي
الجمهورية
كريتياس
فيليب
القوانين
طيماوس
2
Liked by: Islam M. Abd El-Raouf AMIN - أمين

يعني ايه كلمة * اطلاقا * ؟ ابدا ولا طبعا؟ وكلمة *علي الاطلاق* ؟

على الاطﻻق معناها ابدا
اطﻻقا معناها ابدا غالبا و احيانا طبعا حسب السياق
2
Liked by: AMIN - أمين ســارآ |1997"

اشمعنا اختارت افلاطون؟ انا درست الاخلاق عند كانط وشافتسبراي والمنفعة العامة والاجتماعين الوضعين..كانو مختلفين في تعريف الاخلاق بس كلهم كانو مقنعين في حجات وحجات لأ..وكان في نقاد بينتقدوهم..افلاطون في نقاد انتقدوه؟ ليه اختارته هو؟

في نقد كتير جدا حصل له وده الافضل لانك كل ما هتتوسع في الانتقادات هتتوصل لنظرية خاصة بيك غالبا خليط بين النظريات دي كلها
زي برضه تطورة نظرية العقاب من العقاب الانتقامي للعقاب الاصلاحي
1
Liked by: AMIN - أمين

أنا مش عايزك تريحني وأنيد مش كلمتين اللي هيريحوني .. بس الموضوع بالنسبالي مش بسيط والله تخيل بقالك 20 سنة مسلم ولسة مفتح عينك على موضوع الالحاد ده من فترة وحصل عندك بعض الشكوك .. القرار عمره ما كان سهل .. علشان كده بكلمك مش من باب الجدال والله بس من باب المعرفه .. وياريت تقوللي ايه اللي خلاك تاخد ال

الموضوع ببساطة مقارنة المنهج المنطقي الاستقرائي للعلم و الفلسفة الاخلاقية
بالحاجة اللي انت بقالك 20 سنة بتشربها
اقرا عن بداية الكون من الناحية العلمية و عن نظرية التطور, عن تاريخ الاديان الاخرى و الحضارات القديمة و التشابه الغريب بين قصصها و قصص الدين اللي بتتبعه
مثلا زي رحلة جلجاميش و قصة نوح كبداية
الموضوع هيفتح قدامك بالتدريج
اتمنى انك تجد مايريحك مهما كان اختيارك :)
1
Liked by: AMIN - أمين

نظرية الاخلاق لمين؟ سقراط ولا افلاطون ولا اريسطو..الليستا كبيرة..اديني اسم الكتاب باسم الكاتب

افلاطون
1
Liked by: AMIN - أمين

وجهة نظر :D دي تودينا بقا لحتة الدين .. ﻷني لو مقتنع ان في اله وبيؤمرني بكده هنفذ لأن دي العبادة ,حتى لو مقتنعتش ببعض الأشياء .. أنا بقا عايز أدور وأبحث في الأديان علشان أعرف أنا على الحق ولا ﻷ تنصحني بايه .. علشان الموضوع فيه نار وعذاب وكده ,مش بسيط يعني :D

لو عايزني اريحك؟
الاحسن انك تروح النار ولا انك تتفاداها بايذاء و قتل غيرك
عامة ممكن تبتدي بنظرية الاخلاق
و قراءة اي كتب عن المنطق (انصح بالمغالطات المنطقية)
و بعدها عيد قراءة الكتب الدينية الاشهر
1
Liked by: AMIN - أمين

http://ask.fm/mhmdbrqi/answer/114034095277 طيب هناكل ايه يعني؟ ولا لحوم ولا فاكهة ولا خضروات..امال ايه الهيتاكل؟ ولو النباتات اقل ضررا..بالنسبة للحوم..هناخد البوتين منين؟ احنا كدة ممكن يحصلنا امراض وفي الغالب هنموت والاكل مش هيبقي له طعم حتي من غير لحوم

هو السؤال عن اخﻻقية الشيء مش عن ضرورته...انا باكل لحوم هاعمل ايه يعني؟
1
Liked by: AMIN - أمين

تمام كلامك .. بس انت مبتحطش السيف على رقبتهم .. اللي أنا فهمته من قراءتي في المجال ده ان مع فتح البلاد بيبقى في 3 اختيارات .. اما الاسلام والاقتناع بيه .. واما الجزية مقابل حمايتهم بردو ودخولهم تحت كنف الدولة واما الحرب .. يعمي مش الاختيار الوحيد هو الاسلام وطبيعي أي دولة بتمد نفوذها وده الاختيار ال

كويس هل انت شايف انه اخلاقي او شيء كويس ان دولة تمد نفوذها غصب؟
و انه ده يحصل بتخيير الشعوب بين الطاعة او الدفع او الحرب؟
هل هتوافق و تكون بنفس الموقف لو حصل لك ده دلوقتي لنفرض مثلا من اسرائيل؟
2
Liked by: AMIN - أمين $♡

أبرقي :D مش السياسات بتتغير من مرحلة لمرحلة ؟ والدعوة بتتطلب في بدايتها دعوة الناس بالحسنى .. وكل الأديان كده .. ولا انت مش مؤمن بالأديان أصلاً ؟!

اول نقطة اه كل الاديان كده
تاني نقطة اعتقد لما تحب تنشر للناس انك بتعبد اله رحيم و عادل , و انت حاطت على رقبتهم سيف مش هيكون مقنع للدرجة دي... والا ايه رايك
ثالث نقطة غاندي
1
Liked by: AMIN - أمين

هي حبيبتك ليه عاوزاك تخين؟ :D انا اول مرة اشوف بنت بتحب التخان..كل البنات دلوقتي يعجبها الولد السيكسي البيلعب حديد او جسمه رفيع عادي..اما غير كدة متلاقيش خالص..انت محظوظ :D

هي عشان ماتضغطش عليا و مراعاة لمشاعري
isn't she sweet ^_^
2
Liked by: AMIN - أمين shosha.

يعني ايه الناسخ والمنسوخ؟ انا شوفت فيديو واحد بيتكلم عن التناقضات ال في الفران,او الايات اللي نزلت في مكة غير ال في المدينة,زي مثلا لكم دينكم ولي دين ولا اكراه في الدين وايات مدنية زي افتلو الكفار باين من حيث وجدتموهم وايات تاني كدة تدعو للقتل والعنف,انا مش فاهم ايه علاقة النسخ والمنسوخ بالايات دي

الناسخ و المنسوخ او عملية النسخ هي الاية الاحدث اللي بتلغي حكم الاية الاقدم او تضيف عليه
الايات المكية تتصف بالعطف و التسامح لجذب الناس عشان ال13 سنة دول ماكانش عنده عتاد او ناس يقاتل بيهم فكان بيحضر معركته
الايات المدنية تتصف بالعنف و عدم التسامح لان مابقاش ليهم لازمة و تقدر تقاتل لتثبت وجهة نظرك
بإختصار هي معناها ان ربنا قرر يغير رأيه في اية و يلغي اثرها
بس هو مش صناعة بشرية على فكرة :D
1
Liked by: AMIN - أمين

رشّحلي 5 كتب فلسفة حلوين.

بص يا سيدي
- الجنس عند فرويد - سجيموند فرويد
- هكذا تكلم زرادشت - فريدريك نيتشه
- ماوراء الخير و الشر- فريدريك نيتشه
- كتب مراد وهبة حلوة عامة في نقدها للفلسفة و المجتمع
- نقد العقل الخالص - ايمانويل كانت
دول عامة مش لازم الافضل على الاطلاق بس بمجرد ماتدخل عالمهم هتفتح على كتب تانية و فلاسفة تانيين
1
Liked by: AMIN - أمين

ايه معايير الثقافة بالنسبة لك؟ يعني إمتى الواحد يبقى مثقف؟

بما ان في معايير كتير فأنا بأعتبر معايرين هم المهمين
- شخص متفتح على الاراء الاخرى بدون موقف مسبق هجومي ناحيتها
- شخص قراءاته و معلوماته بتأثر عليه في حياته اليومية و على عقليته في الممارسة العامة
اعتقد دول في رأيي الخاص اهم معيارين
1
Liked by: AMIN - أمين

إزي حضرتك يا أستاذ محمد، ايه إهتمامات حضرتك في العلم عموماً؟

بحب الاطﻻع العام على العلوم الطبيعية (شوية من كل حاجة) و بحب الفلسفة خصوصا
و الاقتصاد
1
Liked by: AMIN - أمين

ثورة 25 يناير هل اثرت فيك بشكل شخصي،بغض النظر عن السياسة والتفاصيل،لكن الثورة في حد ذاتها،وطبيعتها،هل اثرت فيك بشكل شخصي،حسيت انك تغيرت،وانك كنت شخص قبل تلات سنين او اربعة ودلوقتي شخص اَخر؟..

as123e’s Profile PhotoTarek
اعتقد ان ثورة يناير اكبر تأثير ليها على شخصيتي, هو فهمي لوجود شخصيات عمري ماشوفتها , وان التغير الاجتماعي مش بالضروري يمشي كما يقول الكتاب , و اعتقد انا قبل الثورة شخص غير بعدها فعلا اعتقد اكثر واقعية في تقييم الامور و اقل رومانسية ...اعتقد بنسبة 70% اثرت بشكل ايجابي فيا
3
Liked by: Samar Sharaf AMIN - أمين Tarek

Is it ethical to eat meat?

فلسفيا هل هو أخلاقي لانهاء حياة كائن حي للتغذي؟
للاسف الملام على هذا اسلافنا اللي بدئوا ياكلوا اللحمة فبقت بطبيعتنا
في الفلسفات الدينية اللي شايفة الانسان مركز الكون و الحيوانات مجرد مخلوقات درجة تانية مسخرة لخدمته فالامر اخلاقي و عادي, بس تعرضوا احيانا لطرق موتها مش اكتر ..
في اتجاهات تانية تميل إلى ان الموضوع غير اخلاقي بس هل هتاكل النباتات؟ هل برضه قطع جزء من النباتات اخلاقي برضه؟
على العموم الادنى ضررا النباتات و تقليل البروتين الحيواني اللي بيقتلك بسرعة و ادينا مضطرين لانها بقت في طبيعتنا
3
Liked by: AMIN - أمين نُور التَميمي ✿ورديّة المَشآعر

اشمعني فتوحات شمال افريقيا ؟؟

عايزك تتخيل نفسك بنت وسط 800 واحدة تانيين , وفي شوية ناس طيبين اطهار دخلوا بلدك و قرروا ينشروا افكارهم الرائعة فيها و بما ان بلدك خسرت المعركة فاتخدت اسيرة انت و 800 غيرك و اتنقلت زي الحيوانات لاقصى الارض عشان تتسلم لحاكم الدولة اللي احتلتك هدية عشان ينام معاكم :3
و بعد كده يفهموا ولادك ان ده رحمة و تكريم ليهم :D
3
Liked by: AMIN - أمين رد الأيك يجيك دبل

بتحب ربنا يا برقي؟

اقرا عن حرب البسوس
و الحرب العالمية الثانية
و فتوحات شمال افريقيا
و محاكم التفتيش
و انت تعرف اجابتي :)
1
Liked by: AMIN - أمين

ايه تعريفك للعولمة؟ وهل هي بالفعل جزء من نظرية المؤامرة اللي بيؤمن بيها اكثرية العرب؟

العولمة بتبقى إيصال منتج او خط انتاجي للعالمية , و ده بالضرورة بيحصل بسببه انتقال جزئي للثقافة بتاعة البلد اللي جاية منه (التنوع في البلدان شيء كويس و اثبت انه سبب مهم للتنمية)
لما بيوصل لحالة من التوحش المؤسسي (زي ماكدونلدز و ماشابه) بيبقى شيء مش حلو فعلا, بس نظرية المؤامرة دي شماعة قبيحة لتبرير فشل العرب مش اكتر
مافيش نظرية مؤامرة العربي لا يهم العالم في شيء , حضرتك عندك مورد مهم اسمه البترول و مابتعرفش تستغله لتنمية بلادك لانك محكوم من مجموعة من الاوغاد بيحكموا مجموعة من الاوغاد المتحجرين , بمجرد ان المورد ده ينتهي او يلاقوا له بديل ماحدش هيعبرك و نظرية المؤامرة هتبقى سخيفة جدا اكتر من سخفها الحالي
العرب ضد العولمة, ثم راحوا ياكلوا برجر كنج ثم ضد الايفون و دلوقتي بيشتروه و ضد كل ماهو حديث رغم انهم بيستغلوه
1
Liked by: AMIN - أمين

لاتنسى العاء لاخوانك في الشيشان , فرمضان قادم اللهم انصرهم على اعدائهم

اسكت!! مادريتش باللي حصل؟
مش اخواني في الشيشان سابوا الشيشان و بيقاتلوا في سوريا :D
اسكت مش اخواني الشيشانيين دول اصلا اتزقوا على الروس عشان يسقطوهم ولما روسيا دافعت عن نفسها واديتهم على دماغهم بقيت ظالمة غاشمة؟
هيييييييح خلاص ياعم مابقاش يتضحك علينا باخوانك المستضعفين دي خليهم مستضعفين ...يستاهلوا
1
Liked by: AMIN - أمين

https://www.youtube.com/watch?v=lGLsCe9tnKA ايه رأيك في الهو قالو ده؟ الفيديو 2 دقتين بس ومهتم اعرف رأيك في كلامه

بحب في الاخوة الميتافيزيقيين و المؤمنين بالماورائيات , انه معتمد في منطق كلامه على منطق غلط اسمه الخطة ب
"انا مش عارف افسر الظاهرة دلوقتي, فألجأ لجواب جاهز مالهوش اثبات,"
لانك عشان تطبق الماورائي ده لازم تثبته, و طبعا كلام الاخ معز هنا مافيهوش اثبات على كلامه هو مجرد اعتمد على اخر ما توصل له العلم لحد الحتة اللي هو قراها و قال مش لاقيين حل فخلاص انا نظريتي اللي ما اثبتهاش صح...
غلطة منطقية بشعة بيعتمدوها من قديم الزمن بحجة غريبة اسمها العلم بيتغير رماها علينا الشعراوي مرة و لبس 3 أجيال في الحيطة
على العموم
اعرف عن الفقاعة الكونية
و تحول الضوء لمادة
و النظريات الاحدث لما قبل الانفجار الكبير
و الازلية
و هتلاقي ان اخينا بيهري هري التنين و نصيحة اي نظرية علمية يجي واحد بتاع دين يقول لك "مابقوش بيعملوا بيها دلوقتي و ثبت خطأها" تروح زي الشاطر تقفل المقطع و تفكك من الاخ ده
لانهم قالوا كده عن التطور و حاليا هو النظرية الصح و فرضية التصميم الذكي فشلت قدامه
بس اهو نطاعة و مقاوحة و حشر منخير

View more

6
Liked by: AMIN - أمين karim.vip -:) لبيك يا أقصى ♥ صنـعآني | A7MD Õmář Śálàĥ (MÃ ŘÕ) يَـاربْ نخلص -_-

طب لو واحدة متاكدة ان واحد حبها اوي وعمل عشانها حاجات فوق طاقته بس فيه مشاكل مستعصية ومزمنة عنده وعندها تمنع انهم يكملوا وطلب انهم يسيبوا بعض عشان مش عارف يكمل ازاي انت كولد يعني شايف انه فعلا هينساها وانها تفقد الامل؟

بص الامل هو الحاجة اللي بتخلينا نتمسك بموقف مستحيل عقليا بس على امل انه ضعيف هيتغير يوما ما...
بس بتشوف بنفسك,هل هتقدر تكمل مع المشاكل اللي هتستحملها ولا البعد رغم صعوبته ارحم؟
بالنسبة ليك و بالنسبة لصلحة الطرف التاني
مافيش علاقة مثالية, بس انك تكمل بشكل خيالي زيادة عن اللزوم هيقتل العلاقة في النهاية بس متأخر و ساعتها هتحس انك ضيعت عمر كتير في ده
2
Liked by: AMIN - أمين

انا معنديش خبرة في التعامل مع البنات في الحقيقة , كله بيبقي نت كدة وكلام عادي غير ان انا خجول شوية وده مخليني معرفش اتكلم مع بنات , بحس بخوف وكدة وببقي مرتبك, وثقتي في نفسي مهزوزة شوية , لاني مجربش اتكلم مع الجنس الاخر , فا مش عارف اعمل ايه في الموضوع ده , تقريبا هفضل كدة علطول!

البنات يا صديقي مش كائنات فضائية ..ناس عادية زيك مختلفين عن بعض برضه..هم بس ليهم رينج تفضيلات و اختيارات مختلف عن الرجالة بس لو هيساعد اعتبر اللي قدامك ولد لحد ماتتخطى المرحلة دي و بعدها الارتباك هيروح
2
Liked by: AMIN - أمين Sara

ليه هي محتاجة جهد وتعب؟ انا بس مش عاوز اخش اي كلية تانية غير اداب انجلش او السن..وانا مش هعرف اجيب ال 46 من 50 في الانجلش..الكليات التانية ملهاش مستقبل وبعدين انا مش واثق اني هجيب حتي فوق ال 75..والسن الوحيدة التعتبر رخيصة وب 7 تلاف بس وهي مكلفة بالنسبالي..وهتخلينا مفلسين..مش عارف!

مش عارف, مافيش اختيارات تانية خالص؟ ؟؟؟
2
Liked by: AMIN - أمين مشآعل بنت محمد

محمد انا في تالتة ثانوي دلوقتي , ادبي, كنت بفكر ادخل كلية السن جامعة فاروس..ثمن الكلية 7 تلاف ,انا ضايع في الانجلش لاني مذاكرتوش من اول السنة+ اني صعب اجيب فيه 46 من 50 فا كدة مش هقدر اخش اداب أن,.مفيش غير السن خاص الس..انت شايف ان مستاهلة اخلي امي تدفع مصاريفها؟ اول سنة ممكن تقدر تدفع مصاريفها اما

انا شايف انك لو هتلتزم و تتعب عشانها تبقى تستاهل تدفع مصاريفها, لكن غير كده يبقى بلاش تدفع فلوس كتير على حاجة مش هتتعب فيها
3
Liked by: AMIN - أمين Sara

Next

Language: English

4.1

1,266,418 reviews
© Ask.fm 2024