@mhmdbrqi

M Magdi Albarqi

Ask me anything Follow
Ask @mhmdbrqi

Sort by:

LatestTop

Previous

Related users

ramzya962’s Profile Photo Ahmed Ramzy
Doctor_222’s Profile Photo manar
moumenhussain’s Profile Photo Momen Hussain
AyaAyya173’s Profile Photo Aya
IbrahimMagdi’s Profile Photo Ibrahim Magdi
Midhat20176ytqc_1418’s Profile Photo Mourad
trudycgudenkaufdq3398’s Profile Photo nono
Sandra_43821972_Kn7’s Profile Photo Menna
Jessica Schwaiger
Ridwan_1976_7432Y0’s Profile Photo فضفضه
Bashir2011’s Profile Photo Mohamed Youssri
MrPresidenteasySultan’s Profile Photo Ahmed Elhoseny
Snazzfabulousthing’s Profile Photo Zeinab Elsayed
WhiskyGingershellwicked’s Profile Photo Dina El Abyad
AbdulLatif_1979698RG9’s Profile Photo Ahmed Mady
PassentElnaggar’s Profile Photo Passent Elnaggar
ahmednorelden’s Profile Photo أحمدنورالدين
Omnia_Asem27’s Profile Photo ỜMηĩÏλĦ - ْأُمْــنِــيّـــة
eslam_taher’s Profile Photo Eslam Taher

برقي ساعدني مطلوب مني مقال في المدرسة وانا مبعرفش اكتبه وﻻ هعرف وعاوزة حد يساعدني عشان اعمال السنة انا 2 ث والمقال ده عن الحياةفي 2060 وتوقعاتك ليها وفيها موجات فوق صوتية وحاجات كده تعرفي تساعدني الهي يجبر بخاطرك ؟ :(

add me , الاكونت في الانفو
الاسك مش هينفع
1
Liked by: AMIN - أمين

بطلت مقالات ليه ؟

مابطلتش بالضبط
الفكرة اني حاليا باكتب قصة قصيرة تانية و في نفس الوقت باجهز كتاب
الكتاب ده شبه هاشتاج مجموعة مقالات بس هتكون اكثر جدية و فيها بعض الكوميديا الخفيفة خالص
و طبعا هيكون في مقالات كتير اتنشرت فلازم يكون فيحاجات جديدة في الكتاب مايكونش كله حاجات طلعت قبل كده
4
Liked by: AMIN - أمين Mahmoud.Ben.Saad Mohammed SaeeD ♔

http://ask.fm/mhmdbrqi/answer/111720169389#_=_ والجواز المدني احسن من الجواز الشرعي في ايه؟ والمدني ده بيضمن حقوق الرجل والمرأة ازاي؟

احسن انه مافيهوش التزامات خرافية اتبنت من الطقس الديني و اضاف عليها كل مجتمع بظروفه لدرجة انها توصل في مكان زي السعودية ان الراجل بيشيل كل حاجة بمعنى الكلمة و في بعض المناطق لازم يجيب لاختها نفس مقدار الذهب...و البنت بتيجي ع الجاهز تدخل حياة ماساهمتش فيها باي حاجة...
احسن في انه بيسمح للناس اللي حابة بعض و من طوائف مختلفة انهم يتجوزوا بدون اعتراض من شخص تاني..
و بيضمن حقوق الراجل و المرأة اصلا (حتى ماتسميه الجواز الشرعي) هو الجزء المدني في الجواز ده اللي هو قانون الدولة و المحاكم و الاتفاق على تقسيم الاملاك بالنصف حالة الطلاق , و تفاصيل الحكم في قضايا الانساب و الولد و الدي ان ايه مالهوش اصلا علاقة بالشرعي...يعني لو مافيش دولة واتجوزت شرعي, وحصل خلاف, لما تعوز حقك هنقول لك اخبط دماغك في الحيط
3
Liked by: Mahmoud.Ben.Saad AMIN - أمين Ahmed Alkomy

اللإكترآثيين طريقةة جوازهم ايه

مدني..
انا عارف ان الكﻻم الجاي مالوش دعوة بالسؤال..بس فكرة الزواج فكرة عجيبة ... انا عارف ان دي قرينتي و هي عارفة ايه اهمية الجزء بتاع معرفة الحكومة..ممكن ده بسبب اني رافض فكرة الحكومة...مش بمعنى فوضوي لكن بمعنى ان الانسان المتفوق او الارقى اللي بنحاول نوصل له مش محتاج طبقة تحكمه بل يقدر يدير شؤون نفسه بنفسه و شؤون المجتمع ... بس طبعا بنظرة واقعية حاليا محتاجنها
4
Liked by: AMIN - أمين Ahmed Alkomy دعاء عبدالعظيم amr

مقتنع ان في جنةة ونار

الجنة و النار عملناهم لما كنا مش قادرين نتقبل حقيقة الموت.. و حقيقة انك اتظلمت و ماجاش حقك قبل ماتموت ... يبقى انتهى..فعملنا الجنة كنوع من التعزية لنفسنا ...و النار لتخويف اللي بيظلمونا...
فرغم قسوة حقيقة انهم مش موجودين لكن ﻻزم نتقبلها
3
Liked by: AMIN - أمين Ahmed Alkomy دعاء عبدالعظيم

بما أن وجودنا ف حد ذاته لاغائي. .. ده. معناه انك تتفق مع انتحار شخص لأنه مش شايف أنه بيضيف حاجه للحياة؟؟.

لا لانه بيإذي نفسه...(لان ببساطة 99% من المتحرين هم ناس فاقدين للامل او مش عارف يعمل ايه في حياته و خايف ينتحر اساسا و بيجيب لنفسه عاهة مستديمة)
انا افضل انه يدور على حاجة يضيفها احسن طبعا
3
Liked by: AMIN - أمين دعاء عبدالعظيم Hadeer Mohamed

رأيك فى الفيل الازرق؟

ده نسخة من الريفيو بتاعي ليها في الجود ريدز
---------------------------------------------
جن...شريف ممسوس يالبنى؟؟؟
- الرواية انتهت بنهاية ملتوية جدا زيادة عن اللزوم تكاد تكون قلبت القاريء على طريق سريع..انتقال التفسير لضرب المتفيزيكس وجو الشيوخ اشبه بان يكون احمد مراد مستوحي الرواية من منتدى فتكات او انا السلفي.
- ايقاع الرواية متوسط و الكاتب خفيف الظل و مقدر انه مبتديء و ممكن يتمرس و يبهرنا بشيء افضل مستقبلا.
- بعض الحاجات اللي ضايقت غيري ماضايقتنيش زي الانجليزي المتداخل في العربي انا فهمت ان المقصود منه توضيح اسلوب الدكاترة في الحديث و زي الوصف الجنسي اللي احيانا كان غريب شوية بس ﻻبد نﻻحظ ان شخصية يحيى المقصود منها سكير خبير في شؤون النساء و لغة الجسد فهيبين كده من غير استعراض ازاي؟.
- على ذكر الاستعراض فمعلومات الكاتب عن لغة الجسد تكاد تكون بدائية لاتخرج عن المشهور عن الموضوع (بيهرش في منخيره كداب ؛متوتر بيهز رجله) استطيع ان اكذب دون ان يطرف بصري وﻻ تهتز لي شعره.
- سلبية مهمة هي اسلوب احمد خالد توفيق ببعض مزاياه ، زي التشبيهات و الجمل الاعتراضية الوقحة المرحة و سرد الرواية الساخر..و كل عيوبه من قولبة الناس و الشخصيات و حب استعراض المعلومات بشكل يخرج عن النص احيانا.
بس 3 نجمات عشان ما اكونش متجني او ظالم ...بالتوفيق للكاتب مستقبلا...

View more

3
Liked by: Sara AMIN - أمين دعاء عبدالعظيم

إحنا اتخلقنا ليه،، من وجهة نظرك؟؟

وجودك في حد ذاته ﻻغائي (لاغاية له ) ... انت اللي بتختار انك تضيف للحياة و تضيف قد ايه... اما اتخلقنا فده ادعاء بلا دليل..
السؤال على بعضه بيدي معنى انك مملوك وانك اتعملت لتخدم شيء تاني والعﻻقة دي بتربط عابد (مستضعف) بمستعبد (ضعيف يحتاج ما يخدمه)
3
Liked by: AMIN - أمين دعاء عبدالعظيم Samar Sharaf

هو ايه الفرق بين اشتراكي و شيوعي ابارقي

برقي*
الاشتراكية : نظام اقتصادي بيعتمد الملكية الاجتماعية لوسائل الانتاج, و بيدافع عنه عن طريق الاشتراكية الاصطلاحية او الاشتراكية الثورية
الشيوعية: هي الاليدلوجية االفلسفية ,اللي برضه بتعتمد على اقتصاد مشترك في وسائل الانتاج , و تسعى لالغاء الطبقات و ليها طبعا تفسيرات و تفريعات للنظرية الماركسية نفسها بعواميدها الثلاثة.. تتروسكية و لينينية
الاشتراكية هي المرحلة الانتقالية للشيوعية...و طبعا الاستزادة ممكن تجيب كتب او مقالات و تقرا بقى...و طبعا لازم تقرا للنظرية المقابلة عشان تفهم المقصود اللي هي الراسمالية (ادم سميث)
4
Liked by: AMIN - أمين Ahmed Alkomy دعاء عبدالعظيم دبورفسكي ★☭

طيب انا هريتك اسئله انهردا و عاوزين نعد معاك قعده عرب مش هتعمل ندوات قريب ؟ و روايه 2020 هل موجوده في مكتبه الف فرع مول العرب ؟

قعدات و ندوات لما تستقر الامور في الجامعات
عشان بافضلها...او ممكن نتفق مع حد تاني يستضيف صالون
2020 زي ماقلت مش ببيع حاجة بكتبها في بتتحمل من goodreads
ربحي هو الاعﻻنات في المدونة بتاعتي
3
Liked by: دعاء عبدالعظيم AMIN - أمين ghada

ماشي البشريه نضجت .... هتعرف تعامل بعضها كويس من غير الحاجه لدين دا رايك طيب علاقتها بربنا اللي خلقها ايه اللي هينظمه ؟ انا عارفا انك حقك متردش على سؤال الجاي بس انت مؤمن ب مين ؟ سؤالي فضولي مش اكتر مش هياثر بحكمي عليك لانه مش من حقي اصلا اني احكم على حد

مؤمن بالحاجة اللي يمكن اثبات وجودها بشكل قاطع... فعﻻقتها بربها اللي خلقها ﻻ تهم لانه ﻻ اثبات عليه...لكن في نفس الوقت من حق اي شخص يعتقد بالرب او الاله التعددية او الالهة القديمة .... لكن ﻻ يبدو ان فيه اثبات او حتى اتفاق على كنه الخالق ده ومع ذلك الناس عايشة و الكوكب مستمر
5
Liked by: Ahmed Alkomy دعاء عبدالعظيم AMIN - أمين cute♡ حط 50 لايك بالرابط يجيك 100

يمكن سؤال اتسألته قبل كدا او متسألتوش معرفش بس اسمك محمد ومبتؤمنش بالأديان أو فكرة الدين ؟؟ مش غريبة شويتين ؟ معلش انا لسه متابعة جديدة

ﻻ مش غريبة الاسم حاجة و التفكير حاجة تانية
الاسم حاجة اختارها اهلك عشان يميزوك عن باقي الناس..دي وظيفته..احنا الي حملناه حاجات مالوش عﻻقة بيها زي ان يكون يدل ع الدين او العرق.. و دي حاجة شايفها غريبة برضه
8
Liked by: soly Ahmed Alkomy دعاء عبدالعظيم سوسن رشوان aya mohamed AMIN - أمين Ozil.

الدين مهم .... المتدينين هما اللي ولاد كلب بس طبعا اللي حافظين بس مش فاهمين .... خلينا متفقين في النقطة دي

هم المتدينين وﻻد..... دي اكيد
الدين مش مهم...انا شايفه شر لابد كنا نمر بيه بس البشرية نضجت بقى اعتقد
3
Liked by: دعاء عبدالعظيم aya mohamed AMIN - أمين

انته عايش منين يا برقى , هو سوال زبالة بس مش قصدى اكون سخيف ,بس هل بتعيش من كتباتك !؟ او بتكتب ف جرنال ولا ليك شغل بعيد عن الكتابة ..!

الكتابة هواية لا تدر الا دخل بسيط ﻻ اكلفه للقاريء..
ليا شغل غير الكتابة
3
Liked by: دعاء عبدالعظيم aya mohamed AMIN - أمين

طيب بتنتقد كل اغلب الناس اللي بحبهم زي كايروكي ومعزمسعود و مصطفى حسني ليه ايه وجه نظرك ان الناس دول ميستحقوش يكونو قدوة | و مين اللي عجبك و شايف من الفنانين و الرموز السايسيه و الثوريه و الدينه و شايف مين يستحق يكون قدوة ؟ سؤال طويل معلش استحملني اصلي شايلا منك كتير :)

نقدي هو راي شخصي محايد ده مش معناه اني مانع ان حد ياخدهم قدوة.. الموضوع ان انا مش شايفهم يصلحوا قدوة ...والاصلح منهم من يغيره النقد للافضل
في الرموز الثقافية بهاء ابو زيد و حامد عبد الصمد و شوية مؤمن المحمدي... السياسية ﻻ يوجد بجد ﻻ يوجد خالص عشان كده بنتدبس
الرموز الدينية المسيحية كلها بتمارس الانبطاح للسلطة
و الاسﻻمية باحاول اشوف ربما نﻻقي اظن اسامة الازهري جيد ..
البهائية و باقي المعتقدات لاسف بيتم فرمهم
للاسف احنا في فترة ماساوية و علينا قيادة ثورة تنويرية شديدة
7
Liked by: Ahmed Alkomy دعاء عبدالعظيم aya mohamed AMIN - أمين دبورفسكي ★☭ Mahmoud.Ben.Saad

رأيك فى باسم يوسف؟

وجود باسم هو شيء مهم من حيث ثقافة الفن الساخر و النقاش السياسي الساخر..هو ساعات بيبقى جريء و ساعات بيكش احيانا هجماته قوية و ساعات حلقاته بتبقى مش قد كده طبعا عيبه انه مش هيقدر يسخر من الثوار مثﻻ ﻻنهم جمهوره ... لكن انا شايف اهم دور بيلعبه هو تحطيمه للاصنام الاعﻻمية و اصنام الدولة وان كل شيء قابل للنقد
6
Liked by: Ahmed Alkomy دعاء عبدالعظيم AMIN - أمين 3amer 3adnan حسن سوسن رشوان

عجبتنى الحلقه جدا ..هو فيه غيرها؟؟ ولو مفيش فياريت تعمل غيرها =) دماغك الماظات ماشاء الله =))

لا القناة عليها غيرها كتير بس انا ماعملتش من فترة
2
Liked by: AMIN - أمين 3amer 3adnan

و الاتنين هيحاربوا بعض باي وسيلة بقن حرب اعلام حرب تجارة او حتي كام خناقة ع الماشي احنا دخلنا دايرة مقفولة

RadwaMagdy2013’s Profile Photoرضوي ،، YOLO ✌
الصراع هيكون في كل المجالات (زي دلوقتي) اعلامي لغسيل مخ الاتباع , تجاري عشان يشتروا تسليحهم, و طبعا دموي عشان احنا لسة في عصور ماقبل التاريخ :)
4
Liked by: دعاء عبدالعظيم AMIN - أمين رضوي ،، YOLO ✌ تم الاختراق من قبل عنيدان هكر

هل تعتقد ان الخلافة ستعود؟

سوريا افغانستان و القائمة تطول
حتى لو قرر الميار و نص كلهم اعادة مشروع الخلافة هل تفتكر هيستمر في نفس فكرته الاستعمارية السابقة؟ هل نسيت نتيجة التجربة الماضية عشان تتمسك بيها قوي و تشوفها حل اصلا؟ المرة دي مش هتطول غالبا العالم هيتعلم الدرس بسرعة و يقرر يتصدى بالوقوف امامها (مش عشان دولة حق و الهري اللي بيتضحك ع الناس بيه ده)
عشان ده مصير كل المعاتيه اللي بيخططوا لاستاذية العالم و السيطرة عليه بشكل احادي
هتلر ستالين موسليني و كل من على شاكلتهم هيتوقف ضدهم في البداية و النهاية مهما انتصروا مؤقتا!
4
Liked by: دعاء عبدالعظيم AMIN - أمين Sara رضوي ،، YOLO ✌

هو انا قلت ان الحب وحش بس انا بتكلم عن اللي في مجتمعنا .. دا ميطلقش عليه حب

RadwaMagdy2013’s Profile Photoرضوي ،، YOLO ✌
احنا ماعندناش حب, ولا dating
اللي انيس منصور بيسميها مواعدة دي
ماعندناش نجرب و نغلط و نتعلم و نفهم الجنس الاخر
احنا عندنا فرصة واحدة يا صابت ياخابت واتدبس يا معلم و لازم تدفع دم قلبك ثمنا لهذة الكارثة اللي تجرأت و عملتها , بعدها تفرغ حقدك على شكل عنف على المتعوسة اللي اتدبست فيها :D
9
Liked by: 3amer 3adnan دعاء عبدالعظيم Merna Magdi AMIN - أمين Sara رضوي ،، YOLO ✌

ايه رايكو شكل مستقبل مصر هيبقي عامل ازاي ؟

RadwaMagdy2013’s Profile Photoرضوي ،، YOLO ✌
في 2013 كتبت رواية اسمها
2020
ملخصها ان هيحصل زواج بين الجماعات الدينية المسلحة و الطرف العسكري, في حالة من سقوط الدولة , الظاهر هو الصراع بين الطرفين , الباطن اتفاقات خبيثة
واعتقد ده اللي هيحصل في الواقع مع اختلاف السيناريو حبتين صغيرين
6
Liked by: دعاء عبدالعظيم دبورفسكي ★☭ AMIN - أمين رضوي ،، YOLO ✌ عطني لايكات وادبلها ي عيني:$ ~ Samar

تبا لهم جميعا .. بس الحق الشكل مدخل و بعد كدا التفكير هو الفيصل اما الحب و اللفلفة و الجو الفقيع دا يبقي فصلان ملوش لازمة .. ناس عايشة في الكوز اصلا 3:)

RadwaMagdy2013’s Profile Photoرضوي ،، YOLO ✌
الحب جميل بس لما نبقى فاهمينه, يعني نفهم يعني ايه مشاركة
اما الاخوة بتوع الكوز دول فسيبهم لنصيبهم
4
Liked by: دعاء عبدالعظيم AMIN - أمين رضوي ،، YOLO ✌ رد الايكات سعاده

:) الشرف ليا اني عندك فى قائمة الصداقة الأختلاف بتاعي اختلاف ممكن يتحل ببساطة . بلال فضل قّدر يعمل مزج بين خط الشباب و الكبار فى نوعية الكتابه , الكاتب شخصية و هو قدر يفرض شخصيتة فى الكتابة ,أما علاء الأسواني فهو ميقلش حاجه عن طه حسن ولا إحسان عبد القدروس مع اني بختلف معاه ساسيً بس طرحه للمواضيع جيد

khaleDBakr’s Profile Photoخالد بكر
المزج بتاع بلال فضل مزج في صالح الكبار (او التفكير القديم عامة) بس بروح شباب ..
و مش ده اللي انا كمحمد راغب في رؤيته, احنا بنعاني من المفاهيم القديمة و عايزينها تتجدد ...بس مش تتجدد بمعنى اعادة طرحها بل اعادة مواكبتها للعصر...
اما علاء الاسواني , فكاسلوب ادبي ماختلفش معاك انا شايفه جيد ..يمكن مش جيد لدرجة طه حسين (رغم اني شايف طه حسين نفسه اصلا متمرد وقف عند مرحلة التمرد) بس دي بقى خاضعة للاراء البحتة :)
و طبعا اختلافي معاه سياسي و فلسفي
7
Liked by: دعاء عبدالعظيم AMIN - أمين خالد بكر Roz.. NOD★. saud-mufc ♛aC.maillan.=

فالخلاصة الشكل بيجذب و التفكير هو اللي بيسبب بقاء العلاقة :) .......... هو دا اللي عايزة اسمعه #RESPECTED

RadwaMagdy2013’s Profile Photoرضوي ،، YOLO ✌
المنفرات بقى الاخوة بتوع الرجالة كلهم خاينين و البنات كلها لامؤاخذة و الحب مات بسبب البنات و انا مش هاحب تاني...الناس دي لازم تتردم :D
7
Liked by: دعاء عبدالعظيم دبورفسكي ★☭ AMIN - أمين Sara رضوي ،، YOLO ✌ حط 25 لايك وخذ 1000لايك كل يوم

ايه اللي بيلفت نظركوا اكتر الشكل و لا التفكير ؟؟

RadwaMagdy2013’s Profile Photoرضوي ،، YOLO ✌
عشان ما امثلش عليكي كتير
و من وجهة نظرة تطورية بحتة
الشكل بيلعب دور مهم جدا في الانجذاب, و ده بيفسر سبب استمرارهم في الوجود, الناس بتفضل الجينات الاجمل ,و الشكل الاحلى فرصته في لقاء شريط حياة اكبر...
بس استمرار العلاقات بيتحدد بالتوافق و المرونة في التعامل مع المشكلات,
و ده بيبقى مالوش علاقة بالشكل قوي !
فالخلاصة الشكل بيجذب و التفكير هو اللي بيسبب بقاء العلاقة :)
6
Liked by: دعاء عبدالعظيم AMIN - أمين Sara ~انَثٌئ بُنَڳَهّهّ عّآبُرًهّ~ رضوي ،، YOLO ✌ نـوتيـلايه ؛ *أحبني*

و انا احيي في حضرتك صراحتك .. بس برده دا وصف متناقض اجاباتك بتقول انك حد واثق من نفسه يبقي ازاي بارانويا البارانويا دي للي معندهومش ثقة في نفسهم مش راكبة

RadwaMagdy2013’s Profile Photoرضوي ،، YOLO ✌
البرانويا بتصاحبني في العلاقات الاجتماعية مش في باقي الاوضاع :)
5
Liked by: دعاء عبدالعظيم AMIN - أمين رضوي ،، YOLO ✌ ✽ضحكتي وبكآي|• ردو لآيكآتي :$~ حط 25 لايك وخذ 1000لايك كل يوم

Next

Language: English

4.1

1,266,418 reviews
© Ask.fm 2024