@mhmdbrqi

M Magdi Albarqi

Ask me anything Follow
Ask @mhmdbrqi

Sort by:

LatestTop

Previous

شكرآ ع النصايح ومبسوطة انها عجبت حضرتك ^^

Sossaso’s Profile PhotoSooo
العفو :)
انا مش حضرتك قوي يعني
1
Liked by: Sooo

لو حصل ومرسى ا تنحى ...ممكن تنتخب ممين رئيس لمصر؟ولية؟

من الشخصيات الموجودة مش عارف و هنضطر نمشي باسلوب (احسن الوحشين)بس في رايي - اللي هو ممكن يكون صواب او خطأ - اقل الاشخاص ضررا هو البرادعي
رغم سلبيته النسبية
بس هو عنده قدرة توقع احداث بتعجبني, بس زي ماقلت مش هو الانسب هو الاقل ضررا و اتمنى مع الوقت يظهر شخص يكسب ثقتي
في جميع الاحوال اللي هأنتخبه او مش هأنتخبه سأجلس له في كرسي المعارضة لانني لا اؤيد رؤساء
1
Liked by: ashrkat galal

اعطنا امثلة للملايكة بالنسبة لك :)

دودي اولهم
الام تريزا
هيباتيا
و كان لي زميل في المدرسة اسمه مشعل كان منهم بس مش مشهور :)
1
Liked by: دعاء عبدالعظيم

Related users

ramzya962’s Profile Photo Ahmed Ramzy
Doctor_222’s Profile Photo manar
moumenhussain’s Profile Photo Momen Hussain
AyaAyya173’s Profile Photo Aya
IbrahimMagdi’s Profile Photo Ibrahim Magdi
Midhat20176ytqc_1418’s Profile Photo Mourad
trudycgudenkaufdq3398’s Profile Photo nono
Sandra_43821972_Kn7’s Profile Photo Menna
Jessica Schwaiger
Ridwan_1976_7432Y0’s Profile Photo فضفضه
Bashir2011’s Profile Photo Mohamed Youssri
MrPresidenteasySultan’s Profile Photo Ahmed Elhoseny
Snazzfabulousthing’s Profile Photo Zeinab Elsayed
WhiskyGingershellwicked’s Profile Photo Dina El Abyad
AbdulLatif_1979698RG9’s Profile Photo Ahmed Mady
PassentElnaggar’s Profile Photo Passent Elnaggar
ahmednorelden’s Profile Photo أحمدنورالدين
Omnia_Asem27’s Profile Photo ỜMηĩÏλĦ - ْأُمْــنِــيّـــة
eslam_taher’s Profile Photo Eslam Taher

https://www.facebook.com/photo.php?fbid=189658424524721&set=a.178716498952247.1073741836.149074068583157&type=1&relevant_count=1 ممكن تقولي رأيك ؟ :)

Sossaso’s Profile PhotoSooo
1- انا شيرتها على البيج بتاعتي بعد اذذنك
2- الصورة مع اسلوب كلامك الكيوت ده الطريقة عاجباني بصراحة ,
3- عجبني استخدامك لريفرنسس من الاعلانات و الافيهات , بس من غير زيادة في الابتذال , خليكي كده
4- بخصوص مشكلة البوست نفسها ,دعي شبشبك يتحدث مع المتحرشين
5- عرفتي رغم صغر الموضوع تخلي الادوات البصرية و الكلامية تخدم فكرتك ده كويس
استمري في العمل الجيد
https://www.facebook.com/mhmdbrqi/posts/135333459993301
1
Liked by: Sooo

هل انتخبت الاخوان ؟ بصراحة

ولا الاخوان ولا محمد مرسي
اعتقد لما نثور على نظام ماينفعش نختار اي فلول منه
هتقول لي هو الاخوان فلول؟
هأقول لك بل هم اكبر الفلول , اولا منطقيا لو هم عدو فعلي للنظام تفتكر زمانهم فضلوا لحد الان؟
لو اتسجنوا لانهم في سبيل الله يعملون و عارضوا مبارك ..جابوا منين تمويلهم و فلوس رجال اعمالهم؟ في السجن؟
هات لي اي تشكيل عملووه ماكانش فيه جزء مما ندعوهم فلول مبارك!!
فكرني كده اول قرار خده مرسي, عمل ايه مع طنطاوي, محاكمات القتلة, كل من شوههم الاخوان الامس يضعون يدهم في يدهم الان اليوم..
كلمة فلول بتعريفها المتفق عليه ضمنيا من الشعب لاتنطبق اصلا سوى على الاخوان
7
Liked by: نوالـ دعاء عبدالعظيم جِهَاد ،، Eman Gamal MaRo Saeed فهيمة محمود الله يوفقك اعطيك لايك رده

متى سيصدر كتابك هاش تاق

هاش تاق؟؟؟
يا هلا ومرحبا
هاش تاق يا الاخو بتلاجيه عندك بالسوق قبل ماتهب من جلستك انت والربع في البر :)
2
Liked by: دعاء عبدالعظيم Sooo

اكتر شخصية كرتونية تشبهك

وانا صغير جازورا :D
وانا كبير رشدان

انا بحب اكتب جداااااااااااااا حضرتك تنصحني بـ ايه عشان اطور من نفسي ؟؟ :))

اولا تقرا كتير و تتعرف على انواع و كل ما تسمع عن كاتب اقرا له
ثانيا عبر عن كل صغيرة و كبيرة في حياتك بالكتابة , مش لازم تخرج للنور بس اكتبها
ثالثا وانت بتقرا ماتبقاش زي القارئ العادي, لازم تتعمق في اسلوب اي كاتب و تفهمه
رابعا اسلوبك هيكون في البداية مجمع من كتاب تانيين و في النهاية هيبتدي شخصيتك تبان و يبقى ليك نمطك و طريقتك
خامسا اهتم بالنقد و السيء و العنيف منه خصوصا
سادسا good luck :)
2
Liked by: ashrkat galal Nada

بص يا سيدي الفاضل.. لما اتعرفت على مدونتك من فترة أظنها ليست بالقصيرة كان حظي سيئ إني طالعت أول ما طالعت "دواوينك" وكان أسفي شديد لأني شُفتها لا علاقة لها بالشعر في معظمها.. حبيت بس أقول إن سعادتي كبيرة لأني رجعت لاكتشاف كتاباتك الأخرى. أحييك

تقريبا ده هو نفس اللي عملته لما بصيت عليها, انا نفسي مش حاببها :)
فعشان كده اصلا نص شعري اعدمته و النص المعقول شوية تركته
وانا اصلا بانصح الكل يسيبه من الشعر و يركز في كتاباتي التانية الشعر مرحلة سيئة من حياتي

ليه بتحب تتفلسف

نظريا طريقة نظرتك لاي امر او حلولك او تربيتك او نمطيتك او المحور اللي قررت تكون حياتك عليه مهما كان بسيط, فهو فلسفة في حد ذاته
ماتتعاملش مع الفلسفة على انها شيء منفصل عن الحياة, لانها الحياة نفسها!
2
Liked by: دعاء عبدالعظيم ashrkat galal

و هل اتعرضت للنقد الموجه لكل الحداثيين و اتهامهم بالكفر؟

المشكلة اننا حولنا اصلا صفة لاتهام
اه اتعرضت لاني يتقال لي كافر دي كتير و عادي سم هاو ات ايس ترو

post- modernist ???

مابعد الحداثة الحداثة الجديدة
الى الممات حداثي يا رفيق

ايه الهدف من الحياة؟

الحياة في حد ذاتها ترس بيلف في فراغ مالهوش هدف
لكن الاجمل ان انت اللي بتختار هدفها, انت اللي بتقرر عايز يبقى لك بصمة ولا تفضل ترس دخلت و خرجت
مش عارف الناس بترعبهم الفكرة دي , لانهم مصممين ان لازم حد يدي لهم هدف علشان يحققوه , لكن ما يقدروش يستولدوا أهدافهم بنفسهم
2
Liked by: دعاء عبدالعظيم Maha AL-tamimi

هوا لازم يكون المرتبطين متشابهين فكريا ؟ يعني مثلا علي درجة واحدة من الثقافة والاطلاع ولا ممكن يكونو مختلفين ؟

اعتقد (و ليس إلزاما) انهم الاحسن يكونوا مختلفين, عشان دايما يحسوا انهم بيكتشفوا حاجات جديدة و مايعرفوهاش في بعض. و لا بأس بإنهم يكونوا برضه متشابهين في حاجات, رايي الشخصي ان التشابه التام بين الشخصين بيحسسك نوعا ما إنك بتكلم نفسك, و دي مش حاجة لطيفة طول الوقت
1
Liked by: دعاء عبدالعظيم

ايوة مانا فهمت .. كويس علشان اخد بالي بعد كدا علشان التمويه يعني :D ومفيش داعي للاسف حضرتك يعني كفاية اني اقتحمت الاسك وسألت من غير احم ولا دستور ولا سابق معرفة :)

يافندم الاسك للجميع, براحتك في اي وقت :)
1
Liked by: اللي يبيني يجيني ب هالصفحة 

يا نهار إحراج يعني :D .. هوا مش باين اني متخفيه ولا ايه :))

اسف بس هو بيبان من اللايك :)
1
Liked by: ★ wǝḑн

انا سألتك او عرفتك بالصدفة اصلا :D .. بس سعيدة بأسلتي ليك وإجاباتك :).. وان شاء الله ربنا يملي فراغاتنا ويرزق كل واحد باللي يستاهله وفرصة سعيدة بجد يعني ^^

العفو يا استاذة سارة, يشرفني هذا و اتمنى مايكونش اخر اسئلة ^_^

انت كتبت مرة حاجة لاهوتية عايزة اقرهالك

ثلاثية اللاهوت البرقيستاني
الملك يشعر بالوحدة الجزء الاول
http://brqistan.blogspot.com/2013/03/blog-post_21.html
الملك يشعر بالوحدة الجزء الثاني
http://brqistan.blogspot.com/2013/03/blog-post_23.html
اللعب مع جنية الاسنان
http://brqistan.blogspot.com/2013/03/blog-post_25.html
كلها بتناقش الاله و الاعتقاد و الفلسفة بشكل مبسط و خفيف
1
Liked by: دعاء عبدالعظيم

لو مرتبط وعندك حد يشاركك الوقت الفاضي اللي بتسميه حق كل واحد ف انه يكون وحيد .. هيفضل رأيك زي ما هو بردو ولا هتحس ان وقت الوحدة دا مش من حقك وبقي من حقها وملكها ؟:)

لو مرتبط ده بيفترض الحب و التفهم هنا هأقول لك
انها اكيد هتتفهم حقي في الحصول على بعض الوحدة, عن نفسي اه هأشوف ان حقها وقت الفراغ اللي عندي
بس لازم هيجي وقت تطلب فيه حقك في الوحدة , بس بشروط و هي ان يكون الطرف التاني مش بيمر بظروف محتاجك فيها, وانك طبعا مش هتخونه او هتعمل حاجة تضايقه في الوقت ده , انت فقط عايز تبقى لوحدك , مش عشان زهقان من ولا اي حاجة ,, لكن لانك بتميز الوحدة, فاكيد الشخص المرتبط بيه هيتفهم انك عايز تبقى لوحدك , طبعا هيحاول الاول عدة مرات يعرض تدخله وانه يعرف هل انت متضايق او محتاج وجوده, ساعتها هتفهمه بحب انك سعيد بتدخله, و انك فقط تحتاج الجلوس مع نفسك
1
Liked by: دعاء عبدالعظيم

عجبني مفهومك للوحدة :) .. بس الواحد بيكون اوقات كتير عاوز يحس ان عنده حد فاهمه او بمعني ان ليه تواصل بناس مؤثرين ف حياته .. يعني ايه فايدة وجود الناس مع الاحساس بالوحدة ؟!

اعتقد الناس اتوجدوا عشان نحس بالوحدة
لولا وجود من لا يفهمنا لما فهمنا فكرة ان نكون "وحدنا"
البحث عن الناس اللي بتفهمك ده صعب و في الغالب الناس اللي بتفهمك فعلا يا إما بيظهروا في حياتك فجأة
يا إما بيفهموك فعلا لو كنت متوحد و يسيبوك لوحدك!!
احيانا احنا مش عايزين ناس تفهمنا, احنا عايزين ناس نفهمها احنا ايه..
و يا حبذا لو كانوا على الطرف الاخر مننا
في اقصى الكون :)
2
Liked by: دعاء عبدالعظيم Sooo

ايه الحل ف الوحدة .. او الاحساس بالوحدة بالرغم ان حواليا ناس مش لحدي يعني ؟! مش تفاهة والله بس ممكن تكون فاهمني يعني :)

لما بتكون لوحدك بس حواليك ناس ده معناه ان التواصل بينك يا اما مش بيحصل زي ما انت حابب يكون
يا اما الناس انت بتحبهم بس مش عندهم الصفات اللي كنت تتمناها في مرافقينك
يا اما تفكيرك او كلامك او وجودك اتعرض لنقد كتير يصل للرفض
الفكرة برضه ان الوحدة مش باخدها على انها مشكلة, احيانا بنحتاجها , وده معناه انها مش مشكلة , هي شيء من احتياجات بعض البشر بنحتاج لاشباعه بس الافراط فيه بيتقلب عكسيا..
في ناس بتغمس نفسها في الاجتماعيات قوي عشان تتهرب من اعترافها بالاحتياج للوحدة
فاعتقد ان لو مالقيتش بديل اشخاص افضل من الوحدة, فالوحدة حل في حد ذاتها :)
مع تحيات اشهر متوحد في التاريخ
2
Liked by: دعاء عبدالعظيم Sooo

ايه موقفك من البهائيين, الشيعة, الملحدين

نفس موقفي من اي معتقد
كل شيء اراه دائما مرتبط بانه له وجهتين نظر او اكثر, بالنسبة لموضوع الاله و الدين خلينا نكون واقعيين انه نفسيا مرتبط بشعور الانسان ان هناك قوة تسنده, وانه مش لوحده في الكون, انه محتاج يشتكي و يشعر بضعف و استقواء
كل ده انا متفهمه و مش كل الناس ليها خط واحد في هذا الطريق, فطالما انت بترتاح من معتقد معين فهو حقك,أنا موقفي ناحية أشخاص ارسمه من اخلاقهم و تصرفاتهم مش من معتقداتهم الفلسفية او الدينية
1
Liked by: دعاء عبدالعظيم

هو ايه "برقيستان" دى ؟

برقيستان
هو اسم مدونتي الرسمية
برقي هو اسم عائلتي
ستان تعني الارض او الدولة
على بعض دولة البرقي :)
1
Liked by: ashrkat galal

بانسبة للحجاب .. تخيل أن ربنا أمر لو أهل بيتك مش بيصلوا تأمرهم باللين وتدعي لهم !! ..

ز ما قلت حتى الاوامر الدينية فاني في كفتي حرية الاختيار, و أنا يا سيدي مش هأمر حد بالحجاب ولا هانهاه عن لبسه لا اهل بيتي ولا اهل بيت غيري,ده لان وجهة نظري في ان اخلاقهم مش بتحددها الحجاب او غيره,
بل بما يفعلوه من خير للناس :)
3
Liked by: دعاء عبدالعظيم ashrkat galal وٌداَد العطآوي

لاء والله برنس عشان دماغك وبرنس عشان تفكيرك في موضوع الكُتب المجاني دي :)

fahema’s Profile Photoفهيمة محمود
كان قلبي حاسس
يا مرحب يامرحب فهيمة بنفسها منورة صفحتي المتواضعة ^_^
1
Liked by: فهيمة محمود

ايه رايك في الحجاب

كما هو رأيي في ما يخص الاختيارات الشخصية للافراد
(حجاب- نقاب - مريلة- بنطلونات- فيزون- نظارات-)
مهما كان رأيي فيها شخصيا لا اجبر احدا على تبنيه
و ضد ان فرض احدهم او منعه
2
Liked by: دعاء عبدالعظيم Tasneem Abd Elwahab

الكتاب بتاعك هيبقى اسمه ايه

هيبقى هاش تاج
و هتتكتب كده
#هاش_تاج
استيحاء من تويتر, و هيبقى محمي الحقوق طبعا بس كعادتي هيكون مجانا من على جود ريدز
لاني مش حابب فكرة الاحتراف و الكسب من وراء حاجة بحبها
6
Liked by: دعاء عبدالعظيم ashrkat galal Tasneem Abd Elwahab Eman Gamal DONIA MAHRAN فهيمة محمود

ندواتك فين مقابلة اي حاجة واحشنا بجد :)

في صالون عند الصالة الرياضية في جامعة حلوان ايام الامتحانات ماعرفتش اختار معاد غير ده للاسف بس القعدة بتبقى حلوة و مفيدة و بتخرجك من مود الكهربا بتاع المذاكرة :)
يسعدني تشرفني هناك
1
Liked by: دعاء عبدالعظيم

ليه بطلت حلقات الراديو؟

بسبب الناس, و مش قصدي رد فعلهم المقصود رغباتهم..
هأشرحها لك , أنا باكتب 4 -5 حلقات في الشهر او مواضيع
زوار المدونة بيزيدوا في الشهر الواحد من 2000 - الى 2300
يعني ما يقارب ال500 مشاهدة لكل موضوع
حلقات الراديوا اكتر حلقة حققت 70 مشاهدة, و جهدها طبعا اكبر من جهد الكتابة في مقابل اقل
معنى كده ان الناس بتحب تقرا لي مش تسمعني صوتا..
على العموم في حلقة تانية بكرة بس هأغير شكل الموضوع مش هيبقى زي القديم
يارب تعجبكم

هي المذكرات او الخواطر دي مذكراتك بجد؟

اه هي الحقيقية صحيح مش بانشرها كاملة على الانترنت بس مافيش تحريف,
الباقي لو عايز تقراه استنى لما اموت

Next

Language: English

4.1

1,266,418 reviews
© Ask.fm 2024