ايه اكتر كتاب قريته او قريتيه عجبك ؟ وايه اكتر كتب سمعت/ى عنها انها كويسه وبتفكر/ى تقراها او تقرأيها ؟
فيه كُتب كثير قرأتها و عجبتني بس ممكن أقولك أول كام حاجة تيجي في بالي النبطي بتاع يوسف زيدان، كانت بداية للقراءة و نِعم البداية فعلاً ثاني كتاب جاه على بالي إليعازر بتاع حُسام دياب، فشيخ فعلاً في الوصف و تصوير المشهد للقارئ. ده غير القصة و الفكرة و إختيار الشخصيات عموماً و كمان The Alchemist by Paulo Coelho من الكتب إللي سمعت إنها كويسة و ناوية أقرأها نقطة النور بتاع بهاء طاهر -بالفعل بدأت فيه إنهاردة- و عزازيل بتاع يوسف زيدان و ثلاثية غرناطة + الطنطورية بتوع رضوى عاشور
انا الى كنت سالتك على الهجرة فى اى اخبار جديدة تقدرى تفدينى بيها ؟؟ معلش رخمه انا ..
مش فيه والله رخامة و لا حاجة و أنا إللي معلش، مش عارفة أجيبلك معلومات جديدة لغاية دلوقتي علشان مش عارفة أتواصل مع مامتي أو بابايا لبعض الظروف و معلش كمان لو إتأخرت، مش دخلت إمبارح خالص أعذريني فعلاً، و إديني كمان كام يوم لغاية ما الظروف تتعدل شوية إتفقنا ؟ :)
بجد متشكرة اوى معلش حاولى تفدينى فعلا ومعلش اخر سؤال لحد ما اجى بكرة مكاتب الهجرة دى بيقولو انها بتنصب فا رشحيلى المكتب الى انتى روحتيه بقى
مش فيه إزعاج و لا حاجة أنا لما قدمت كان من السعودية، لمكتب إسمه كندا ٢٠٠٠ المكتب ده دلوقتي إتقفل علشان ليه كذا تجاوز بالنسبة لقوانين كندا بس النصب مش أحد تلك التجاوزات يعني هحاول أعرفلك برضو إيه الحاجات إللي كويسة و مضمونة في مصر و أقولك :)
ولو كندا مينفعش قوليلى الى تعرفية ؟
أعرف إن السويد بيقبلوا الهجرة و اللجوء السياسي بسرعة و أعرف إن لو قدمتي على لجوء سياسي لكندا و إترفضتي هتتمنعي تدخلي كندا و أمريكا لأي سبب من الأسباب حتى لو سياحة عندي عم في إيطاليا هبقى أسألهولك على إللي يعرفه :)
طب انا عايزة اسافر كندا اهاجر فى اى مكان اى حتى قوليلى اول خطوه اخدها ازاى بجد انا بتكلم بجد بليز ساعدينى ؟؟
أول خطوة تروحي لمكتب هجرة في مصر و تقدمي على هجرة مش عارفة بالظبط إيه إللي مطلوب غير طبعاً إثبات شخصية و الكلام ده و في مرحلة ما بعد القبول بيبقى لازم يكون عندك حساب في البنك بـ 10.000 أو 100.000 دولار كندي تعالي ثاني بكرة هكون جمعتلك كُل المعلومات إللي عاوزاها و هقولك :)
If you could go back in history, who would you like to meet?
طيب، أنا مُدركة حقيقتين بس في حياتي 1. مش فيه حاجة إطلاقاً ثابتة أو بتفضل على حالها غير القاعدة دي 2. إني مش ملاك و عيوبي كثير جداً، و أنا شخصياً عارفاهم فـ لو حضرتك بتحكمـ/ـي عليا من تويتس أو بوستس على تمبلر و فيس بوك و غيره فقط من غير ما تعرفني/تعرفيني كويس، فـ ممكن جداً يكون حُكمك غلط بس أشكرك مرة ثانية :)
اكتر شخصيه من فيلم او تمثيليه حاسه انها تشبهلك؟؟ وليه؟؟
Michael Clarke Duncan role in The Green Mile و مش حابة أقول السبب.
What drink do you prefer when you’re thirsty?
Water
شكلك موصلتيش للمغزى من السؤال ، طيب هسألهولك بطريقة تانية
إنتي ممكن تلجأى للإلحاد ؟؟
ده سؤالك من الأول يعني ؟ طب ما من الأول تقوله بالصيغة دي !الصراحة حلوة على فكرة بس أنا مش هرد، و السبب في الإجابة إللي فاتت "دي علاقة بالرب، علاقة أنا مش ليا إني أتدخل فيها" و من رأيي، إن برضو إنت مش ليك إنك تدخل في معتقداتي بس يا سيدي