@Toma5oo5

Una Fénix

Ask me anything Follow
Ask @Toma5oo5

Sort by:

LatestTop

Previous

مش هيفرق معايا بس يهمني أعرف السبب مش تدخل في حياتك بس فعلا عايز أ‘رف السبب ياريت تفهمي اني مش برخم عليكي فعلا ومحتاج أعرف إجابه ف بلاش انتي كمان تعامليني بالطريقه دي

"أعاملك بالطريقة دي" يا إبني أنا أعرفك منين أصلاً علشان أعاملك أو مش أعاملك بطريقة معينة ؟
يهمك تعرف، بس مش يهمني أنا أقول ليك أو لغيرك الحقيقة. فكك بقى.

مش عايز أعرف حاجه شخصيه عرفيني أسباب شوفتيها في الدين خلاكي تلحدي عايز أعرف الدليل على ان مفيش إله وان الدين أفيون الشعوب زي ما بيتقال

مش وجهة نظري حاجة شخصية و ألا أنا بيتهيألي ؟
عامةً، مش هتفرق معاك في حاجة تعرف ألحدت ليه، و لا هتفرق معاك -أو مع غيرك- برضو إذا أنا -أو غيري- من الأساس ملحدين و ألا لا.

وسط الاسئلة الكتير الرخمة دي .. حابب اقولك انك جميلة :)

شكراً جداً يا أنون. :) ممتنة لمشاعرك دي.

Related users

ali_khodeir1’s Profile Photo 私に
walkalone98’s Profile Photo Mustafa Allam
salmasemsem14’s Profile Photo Salma "الله يرحمك ي مصطفي"
leoadel’s Profile Photo Mohamed Adel
A7aaa36a’s Profile Photo SaD
nassermiracle2’s Profile Photo nasser miracle
moatazsayed7’s Profile Photo moataz sayed
aaboelnaga2804969’s Profile Photo no name
abdoelsaqa’s Profile Photo Abdo Elsaqa
xx____xx7457’s Profile Photo Meem Meem
ROKA133’s Profile Photo noname
sabrinaxoxo814’s Profile Photo Sabrina
janice_dupuis’s Profile Photo Janice

ممكن أعرف ألحدتي ليه وعلى فكره انا مش برخّم انا فعلا عايز إجابه من غير تريقه ولا هزار

و أنا لا بهزر و لا بتريق، لا مش ممكن.

طيب مين الي في بالك؟

مش هقول أكيد، بس لو إنتي عاوزة تيجي تتكلمي على الفيس بوك عادي أنا هتكلم عادي و مش "خناق" أو إنتقاد و كدة.

انا بنت مش ولد

طيب إنتي غالباً إللي في بالي، بس إشطة أنا مستعدة أناقشك عادي.

المشكلة اني مش حد قريب منك علشان تتقبلي منه الاسئلة دي مش خوف منك بس خوف من اني اخسرك بجد

مش هتخسرني و لا حاجة، أنا بقول نتناقش مش نتخانق ؟

علي فكرة الاسف مش حاجة عيب بالعكس

ما أنا عارفة إنه مش عيب، و علشان كدة مش بقولك حاجة و مستعدة أكلمك عادي.

انا نفس الشخص الي سالتك امبارح .. وده مش معناه اني حد متناقض بذم فيكي امبارح واشكر فيكي النهاردة بس فعلآ انا حبيت اتاسف علي اسئلة امبارح لاني فعلآ اقتعت ان المعتقدات دي حرية شخصية وكل واحد هيتحاسب علي نفسه الفكرة اني فعلآ اتصدمت اني حد اكون بحبه واكتشف انه الحد كانت فكرة صعبة اوي

طب ما تظهر اليوزر و نتفاهم ؟ أو تعالى فيس بوك ؟

ليه بطلتي تكتبي فرانكو وليه قصيتي شعرك وليه عمري ماشفتك بتكتبي هههههههه في تعليق او حتي رسالة علي حاجة بتضحك وتكتفي بالرد ب :) ليه دايمآ بحس الناس بتخاف تكلمك في حاجة لان ردودك صادمة ليه بتقفلي الاكونت مع اغلب مشاكلك بصي دي علامات استفهام في شخصية بالنسبة لي وعارفة ان ردك هيكون صادم

إيه ده، إنت عندي على الفيس بوك و أعرفك و بنتكلم يعني، مش قادرة أستشف إنت مين الحقيقة علشان نتناقش في رسايل على الفيس بوك -عندي تخمين بس فاكس-، هرد هنا و خلاص
ليه بطلت أكتب فرانكو ؟ علشان من زمان أوي الموضوع ده، و كنت صغيرة و فاكراها حاجة حلوة و بتاع، و لغاية دلوقتي على فكرة إللي بلاقيهم بيستصعبوا يقرأوا عربي بضطر أكتبلهم فرانكو. أنا شخصياً مش بحبه إطلاقاً، لكن مش فيها مشكلة يعني إني أسهل لحد موضوع قراءة كلامي.
ليه قصيت شعري ؟ كـ نوع من التغيير، زي ما فيه تغيير في حياتي حبيت أعمل تغيير في شكلي، و بما إني مش بحب الأڤورة فـ إخترت حاجة بسيطة، و هي إني أقص شعري.
ليه مش برد بـ "ههههههههه" و بكتفي بالسمايلي فيس ؟ علشان أنا بتغاظ من منظر الـ "هههههههه" و بحسها دودة كدة -مع إني كنت بكتبها زمان-، و كمان بحس إنها نهيق حمار بجد -معلش- فـ مش هي الدليل على إن الواحد بيضحك و يقهقه يعني.
بي إس: أنا ساعات بكتب "هاهاهاهاهاهه" لو الحاجة خلتني أقهقه فشخ.
بي إس إس: لو حاجة خلتني أبتسم ساعات بدل السمايل فيس بحط الـ :D ده عادي.
ليه بقفل الفيس بوك بتاعي مع أغلب مشاكلي ؟ علشان مش بحب إن حد يفضل يكلمني و أنا متضايقة و عاوزة مساحتي، الناس إللي يفضلوا يقولوا "مالك ؟ مالك ؟ مالك ؟" و يتقمصوا لو مش شرحتلهم المشكلة. ده غير إني كدة كدة لو حد كلمني في الفترة دي على الفيس بوك نادراً ما برد عليه، فـ إيه الفايدة بقى من وجوده عموماً في الفترات المشابهة ؟
ليه بتحس إن الناس بتخاف تكلمني علشان ردودي صادمة ؟ مش عارفة الحقيقة، ده إحساسك إنت و إنت إللي تقدر تفسره.
مع إنه صح و فعلاً فيه ناس بتتخض مني و بيخافوا يكلموني علشان ردودي صادمة و علشان في الأول مش ببقى بتكلم عادي، يعني تقدر تقول بتكلم بتحفظ جامد و ممكن إللي قدامي يحس إني مش طايقاه أو مش عاوزة أتكلم معاه، مع إن و لا حاجة من دول بيبقوا في بالي.

View more

بصراحة بجد ، رغم اختلافي معاكي في حاجات كتير بس بتجبريني علي احترام دماغك وبلاش تردي بطيب

شكراً جداً حقيقي. (:
*مش برد بطيب أهو :D

ونعم الادب والاخلاق .. عن فاطمة اتحدث

مش عارفة دي تريقة و ألا بجد، بس في الحالتين طيب.

في بنت تقول فشخ وبيض والحاجات الوحشة دي :D

فيه أيوة، بدليل إني قدامك أهو بقولهم.

طيب الاول عندك استعداد وكدا نتكلم شويه لو حبه اظهر اسم اليوزر مش عندى مشكله

أنا مش عندي مشكلة نتكلم خالص لا، بس أنا نازلة بعد شوية و مش هعرف أتناقش معاكي براحتي، فـ ممكن تبعثي و أنا هكلمك لما أرجع
سواء إنتي #مريم أو غيرها :)

فاطمه انا مش ليا دعوه بكل الاسك اللى تحت انا بنت وكنا تكلمنا شوية لو مفتكرة بتاع الالوان وقولتلك انى مش ضدك او معاكى بس بسئلك بهدف رؤيتك لكن مش بهدف تانى سؤالى هو يعنى ايه صدفه وامته تقولى ان ده صدفه ,لما يقع ف شروط ايه مثلا #مريم

أنا عارفة إنك مش إنتي إللي سألتي كُل إللي تحت ده (:
صدفة يعني إن حاجة تحصل من غير ما يكون متخططلها
و أي حاجة تحصل كدة تبقى صدفة، دقيقة أو لا، هي في الأول و في الآخر صدفة.

سيبك من الي بيسئل دا ،، فاكر نفسو فاهم كل حاجه وواخدو تحدي وهو اصلا ملهوش حق يحكم اذا فيه تحدي ولا لا ،، اعملي و اقتنعي بالي انتي عايزاه ،، انا مؤمن بوجود اله وان كل واحد له دعوة بنفسو وهو الي هيتحاسب قدام ربنا ،، على فكرة انا بحبك وبحترمك جدا و بحترم دماغك و شخصيتك اكثر من بعض المؤمنين الي اعرفهم:)

أنا سعيدة بجد إن لسة فيه ناس بيقولوا رأيهم بإحترام و هم بيدافعوا عن معتقدهم الخاص، بجد يعني.
أشكرك جداً حقيقي :)

الملحد دايمآ فاكرنفسه حر وهو ميعرفش انه من اكترالناس عبدآ للمبادئ بالتوفيق :)))) خليكي فاكرة كويس انك هترجعي مؤمنة اي كان باي ديانة بس هترجعي مؤمنة وبقوة وانا اكيد هفكرك وده تحدي واكيد هكسبه علشان محدش فاهمك قدي يا حلوة :))

و إنت بقى مندوب إلهك على الأرض و ألا إيه ؟
عامةً، زي ما أنا فاكرة نفسي حرة إنت كمان فاكر نفسك فاهم حاجة.
تحدي بالنسبة ليك، إنت حر، لكن أنا مش ليا إهتمام إيه بيعني إيه بالنسبة لعقلك الضحل إللي لسة ماشي بقانون "احكم على أي حد بيفكر غيرك بإنه غلط".
على العموم، تحدي نفسك.

بصي انا مش بوسخ صورة دين معين لاني مذكرتش ولا ديانة في كلامي انا انتقدت فكرة انك الحدتي فقط واكيد مش من حقي اني اتدخل في حياتك الشخصية ومعتقداتقك بس انا سالتك سؤال باحترام رديتي عليه بقلة ادب وانا قليت ادبي انتي ملحدة وغلطي وانابؤمن بالله وغلط وانا مدعتكيش لدين علشان اسيء اليه

طب خلينا نتفق بس إن إنت أصلاً مش من حقك تسأل حد في حاجة زي دي سواء بإحترام أو من غيره.
من ناحية الدين، بلاش دين يا عم، إنت كدة خلاص أقنعتني بوجود إله و إللي مقتنعين بوجوده دول ناس عقليتهم حلوة و كويسين و إحنا إللي كُخة.
كويس أوي إنك قلتها بنفسك "مش من حقي إني أتدخل في حياتك الشخصية و معتقداتك". نقطة.

طبعآ معندكيش اجابة فبتحبي تظيطي فيها بفشخ وبيض والجو ده انتي شخصية معقدة ومريضة وانصحك تروحي لدكتور نفساني علشان الي انتي فيه ده خطر علي نفسك وانشاء الله يحصلك موقف هتعرفي ساعتها ان فيه ربنا يا جاهلة وهتعرفي ان ربنا خط احمر وانه مش حاجة حلوة انك تتمنظري وتعملي شو لنفسك علي حساب ربنا يا جاهلة

من ناحية مش عندي إجابة، فـ أنا مش عندي إجابة لـ"حد غريب تماماً عني" جاي يتدخل في حاجة هو مش ليه علاقة بيها و لا هتضره أو تنفعه في حاجة إطلاقاً إنه يعرفها.
من ناحية إني جاهلة و هيحصلي حاجة تعرفني إن فيه ربنا علشان أنا "جاهلة و مريضة نفسياً و بعمل شو لنفسي"، فـ براڤو فشخ يا فندم. إنت كدة حقيقي أقنعتني أغير رأيي و أدخل في الإسلام باسلوبك ده.
هو مش الإسلام بيقول برضو فيما معناه إن ادعوا الناس بالحُسنى ؟
هو لو فيه حد بيوسخ صورة دينك فـ هو إنت. مش أنا و لا حد مسيحي و لا حد يهودي و لا بوذي حتى.
1
Liked by: Osama Ahmed

مافيش جواكي خوف ولو بسيط انك تكوني غلطانه و يكون ربنا فعلاً موجود ؟

لا مش فيه جوايا أي خوف الحقيقة
1
Liked by: Osama Ahmed

Next

Language: English

4.1

1,266,418 reviews
© Ask.fm 2024