@Toma5oo5

Una Fénix

Ask me anything Follow
Ask @Toma5oo5

Sort by:

LatestTop

Previous

ازيك ياتوما .. يارب تكوني كويسة ، مفتقداكي :))

dinamagdykhalil’s Profile PhotoDina khalil
دينا
أنا عادي، ظروفي مش كويسة إطلاقاً الفترة دي و لذلك بعدت، بس أهو بتعايش و بحاول أتعافى.
وحشاني كثير.
إنتي إزيك ؟ طمنيني عليكي. (:
1
Liked by: Dina khalil

Related users

ali_khodeir1’s Profile Photo 私に
walkalone98’s Profile Photo Mustafa Allam
salmasemsem14’s Profile Photo Salma "الله يرحمك ي مصطفي"
leoadel’s Profile Photo Mohamed Adel
A7aaa36a’s Profile Photo SaD
nassermiracle2’s Profile Photo nasser miracle
moatazsayed7’s Profile Photo moataz sayed
aaboelnaga2804969’s Profile Photo no name
abdoelsaqa’s Profile Photo Abdo Elsaqa
xx____xx7457’s Profile Photo Meem Meem
ROKA133’s Profile Photo noname
sabrinaxoxo814’s Profile Photo Sabrina
janice_dupuis’s Profile Photo Janice

هوا ايه ده اللي حاضر؟ ما تشتميه وتخشي في خناقه عشان هو زهقان وفاضي وانتي كده بتعصبيه =)) ؟

Sara Abou El Fadl
بيقولي إني مستفزة ._.
عارفة إنتي لما كنا في حضانة و كنا علشان نستفز بعض و نعمل مشاكل نقوم شادين ضفيرة حد مثلاً و نفضل نستفز فيها لغاية ما الخناقة تبدأ ؟
أهو البرنس/البرنسيسة دول بيفكروني بأطفال الحضانة
1
Liked by: Sara Abou El Fadl

الناس الى بتسأل السؤال اكتر من مرة وبيتدخلو فى خصوصياتك رخمين اوى :\

فشخ.
يلا، خليهم يتسلوا، أنا كدة كدة لو مش عاوزة أرد على حد أو على سؤال معين مش برد و لو إتعاد 1000 مرة.
2
Liked by: Dina khalil Osama Ahmed

اتهيألي لو كنتي شغلتي إنتي مخك مكنتش بقيتي كدا اصلاً

ماشي حاضر.

عارفه قصه twilight حلوا وانا بحبه بس كرهتها لانها خيليه اوووي مفيش حاجه كده حتي لو البسطه ان حد يحب حد مفيش بردوا انا تعبت

أنا مش قرأت و لا إتفرجت على توايلايت، لنفس السبب و إنها رومانسية ملزقة زيادة عن اللزوم في سياق غير محله أصلاً.
لا، فيه حب و فيه ناس بيحبوا بعض بجد.
الحلو في الموضوع إن و أنا برد على رسالتك عرفت إن صديق ليا -كان متعقد من الحب و الزواج و الإرتباط بشكل عام بسبب تجربة علاقة فاشلة- إتزوج و هو بيعشق مراته فشخ من قبل ما يتزوجوا.
يعني، العلامات لطيفة. :)
1
Liked by: Sara Abou El Fadl

ع فِكره مش حاجه حلووه يعني مش اللي تخليكي تفتخري بنفسك وعايز اقولك ان اي حد كلمك عن الالحاد هنا خايف عليكي هوا مش هيستفاد حاجه فبطلي اللهجه اللي بتكلميهم بيها دي وانتي لو ربنا كتبلك عمر اكيد هتتوبي بس ساعتها هتندمي اوي وممكن تموتي قبل ما تتوبي عادي اوي

لهجة إيه ؟
أنا لا مسكت مسدس و قتلت إللي بيسأل و لا رحت خذتهم بالحضن، لو حضرتك شايف إن "الهنجربيء النو" ده اسلوب عنيف يبقى إنت عقلك إللي خلاه كدة علشان إنت عاوز تشوفه كدة، لإن الكلمة أصلاً مش ليها معنى و لا دلالة لا عنيفة و لا كوميدية
فـ إيه بقى ؟ نشغل مخنا شوية بدل ما نصدر أحكام على الفاضي و المليان ؟
حاجة كمان
لا، مش كل إللي سألوا خايفين عليا، فيه إللي عاوز يشبع فضوله و فيه إللي بيرخم مش أكثر و فيه إللي شتم و فيه إللي تمنالي الموت و و و، و بعدين يخافوا عليا من إيه ؟ ده مش سؤال قد ما هو إستعجاب.
4
Liked by: Dina khalil Moshira Sabry Osama Ahmed Sara Abou El Fadl

هو انتى ملحده عن اقتناع ولا بتقلدى صحابك الى ملحدين؟؟

الهنجربيء النو.

انا قرايت كتب انا حره لاحسان عبد القدوس بس النهايه بتاعتوا انا استغربته لانوا جه لاخلثها في قصه حب انا الحريه والحب مش بيجتمعوا لغبطي لدرجه انني مش بقيت عارفه يعني الحريه انتي مفهومك عن الحريه ايه بس مفيش شك انوا كتب حلوا

مش دايماً الحب و الحرية بيجتمعوا.
أوقات كثير جداً الحب بييجي و يجيب معاه قيود كثير فشخ.
زي إللي بنشوفه بيحصل الأيام دي. الإثنين مرتبطين و البنت بتعرف الولد إللي مرتبطة بيه كل كبيرة و صغيرة في حياتها و تسمع كلامه من غير تفكير و الباسوورد بتاعها معاه، و غيرها من أشكال التخلف.
ده غباء فشخ.
أنا مش قرأت الكتاب لسة، بس أعتقد إن النوع إللي بيتكلم عنه إحسان عبدالقدوس هو إن العلاقة دي بيبقى فيها إلتزامات، سواء من ناحية المشاعر بحيث إن الحب ده مش يكون غير للي مرتبطة بيه، أو الناحية بتاعة التصرفات بحيث إن فلانة لازم تبقى ليها حدود مع الأولاد الثانيين و كذلك الولد و هكذا.
العلاقة بتيجي بإلتزامات بشكل عام.
مفهومي عن الحرية إني أبقى بعمل حاجة أو بقول حاجة حاباها و أنا مرتاحة سواء قدام نفسي أو قدام غيري.
1
Liked by: Sara Abou El Fadl

عارفه انا بقالي مده بكام نفسي مش عاﻻفه حاسه اني هتجنن او ده جنون بس انا بحس ان في شخص جوايا بتكام معه وساعات بيديني افكر حاجه غريبه صح

ﻻ ﻣﺶ ﻏﺮﻳﺒﺔ، ﻃﺒﻴﻌﻲ ﺇﻥ ﺍﻹﻧﺴﺎﻥ ﻳﻔﻜﺮ ﻣﻊ ﻧﻔﺴﻪ ﻭ ﻳﺤﺎﻭﻝ ﻳﺴﺘﻮﻋﺐ ﺃﻱ ﺣﺎﺟﺔ ﺑﻴﻤﺮ ﺑﻴﻬﺎ ﻭ ﻳﻔﻜﺮ ﻓﻴﻬﺎ ﻛﺜﻴﺮ.
إللي مش طبيعي ﺇﻧﻪ ﻣﺶ ﻳﻔﻜﺮ ﻭ ﻳﻘﻌﺪ ﻳﺘﻜﻠﻢ ﻣﻊ ﻧﻔﺴﻪ ﺃﺻﻼً.

انا عايزه اقولك اني انا كمان بغلط فيهم كتير وبعمل حاجات ضايهم بس بضر اعمل كده عشان احسسهم بيا انا عارفه انوا اسلوب غلط بحاول ابطلوا

لما تبدأي تبقي صريحة معاهم و تعرفيهم إنتي عاوزة إيه و مش عاوزة إيه و أسباب زعلك و و و، هتلاقي نفسك من غير ما تحسي بدأتي توقفي ده.
علشان هو فعلاً اسلوب غلط فشخ في التعامل مع الأُمور.

خلاص مش في مشكله نتكلم هنا وانا بتدات احاول اني لو مش حبه اعمل حاجه مش هعملها بس المشكله انهم بيلحوا في السوال اوووي ليه مش عايزه ليه وانا اقول مش عايزه وخلاص بس بييزعلوا ويمشوا مقمصين كدا

الحل في الصراحة زي ما قلتلك.
و تفسير منطقي، علشان مش فيه حاجة إسمها "كدة و خلاص" في الدنيا.
كله ماشي بالمنطق.
طبيعي إنهم هيحسوكي متضايقة من غير سبب لو إنتي نفسك مش راضية تقوليلهم على سبب منطقي لضيقك ده.

انتي عندك ياهو ممكن نتكلم في لاحسن انا فتحت هنا لما مش عرفت اكلمك علي التمبلر وكنت ناويه اكلمك من الفيس بس قولتي انك قفلتي اانا مش بفتح كتير انا فتحت الوقت ده عشان اكلمك واتوصل معاكي لو انتي موفقه اكتبلي الياهوا وانا ابعتلك

إبعثيلي إنتي الياهوو بتاعك في سؤال و أنا مش هنشر السؤال.
بس بصي، الآسك أحسن طريقة نتواصل عليها للفترة إللي جاية، شهرين كدة أو حاجة، علشان مش بعرف أفتح غيره و كدة، تمام ؟
كمان، أنا قرأت باقي أسئلتك.
زي ما قلتلك، إنتي لازم تكوني صريحة مع إللي قدامك عن كل حاجة بتحسي بيها أو بتفكري فيها.
لو حاسة إنك عاوزة تبقي لوحدك، قولي كدة.
لو حاسة إنك عاوزة تضحكي و تهزري من غير أسئلة أو تدخلات مش ليها معنى من حد، عرفيهم ده برضو. الأمر مش صعب إطلاقاً.
و لو حسيتي إنه صعب هيكون علشان في الأول بس، لكن مجرد ما تتعودي عليه و هم يتعودوا عليه هيبقى الموضوع واقع و بسيط جداً و مقبول.
و مش تعتذري، مش أزعجتيني و لا حاجة.
:)

بصي انا اعرف بس شخصين في حياتي شخص عارفه من مده طويله وشخص من مده قليله بس الاتنين مش عارفه اتعامل معهم لدرجه اني بغلط واجرح فيهم وهما كمان ومش القي حل غير اني موقتا بتجاهل كل حاجه بيعملوها حتي لو انا السبب وممكن هما مش مقتنعين اني ساعات بتيجي علي فتره ببقي عايزه اعقد مع نفسي من غير ما اكلم حد

كوني صريحة معاهم.
عرفيهم ده.
عرفيهم إنك ساعات مش بيكون قصدك تجرحي فيهم، و عرفيهم كمان لما تكوني حابة تبقي مع نفسك بعيد عن أي عوامل خارجية.
الصراحة مش عيب. العيب إنك تيجي على نفسك علشان أي حد.
كمان، علشان إنتي مش عارفة نفسك، فـ بتختاري ناس غلط تعرفيهم، و ده كمان مش عيب و لا يقلل منك.
إعملي الحاجتين إللي قلتلك عليهم، و لما تحسي إنك عرفت نفسك بشكل كافي، روحي و حاولي تتعاملي مع الشخصين دول.
لو عرفتي تتعاملي معاهم، يبقى كُل إللي بيحصل دلوقي بسبب إنك متلخبطة و إنك مش عارفة نفسك و تايهة عنها، لو برضو مش عرفتي تتعاملي معاهم بعد ما عرفتي نفسك أكثر، يبقى هم إختيار و ناس غلط من أساسه.

انتي عندك حق في الي قولتهولي وانا احاول افهم نفسي واتعامل مع الي حوليا وربنا معاكي وتعدي الظروف الي عنتك علي خير

أشكرك جداً.
لو إحتجتـ/ـي أي حاجة ثاني، أنا موجودة.

انا اسفه اني بقرر سوالي تاني بس انا بحاول القي حل انا قصدي ان ممكن الانسان يعيش لوحدا الفرحه او السعاده دايما بتحب تشريكها مع حد ومش اي حد لازم يبقي قر يب كمان وانا حبه ابلقي لوحدي بس ساعات ببقي عايزه افرح مع حد

لا عادي، مش تعتذري.
بصي، صدقيني إنتي لو ركزتي حواليكي هتلاقي ناس تستاهل تشاركي معاها الفرحة دي.
مش تخلي همك الأول و الأخير إنك تلاقي حد ترتبطي بيه علشان تشاركي معاه حاجة.
خلي عندك إكتفاء ذاتي من غير عزلة.
يعني إيه ؟ يعني يكون بالنسبة ليكي نفسك كفاية و من حقها إنك تشاركيها أي حاجة، بس لو فيه حد حواليكي ينفع تشاركيه الحاجة دي -مامتك، أختك، أخوكي، صديقـ/ـة- مش تترددي إنك تشاركي مع الحد ده الحاجة دي.
الدنيا مش بتقف على حد نرتبط بيه يا جميلة. :)

تفتكري لو شخصيه مش عارفه نفسها تعمل ايه عشان تفهم نفسها لاحسن انا تعبت ومش بقيت بعارف حتي اتعامل مع حد بسبب ده

إقرأ/ي كثير.
أنواع كثير من الكتب، مش نوع واحد.
ده هيعرفك جزء كبير من نفسك و هو إهتماماتك و المواضيع إللي تحبـ/ـي تتكلمـ/ـي و تعرفـ/ـي عنها أكثر.
شوفـ/ـي أفلام كثير برضو.
لما تلاقي شخصية في فيلم شبهك و تحسـ/ـي إنك متعاطفـ/ـة بشكل كبير معاها و حاسس/حاسة بإللي الشخصية دي بتمر بيه شواء كويس أو وحش، ده هيخليكـ/ـي تتعرفـ/ـي على نفسك بشكل أفضل.
كمان، و ده مهم فشخ، تعاملـ/ـي مع ناس كثير. ركز/ي إيه إللي بيضايقك أو يفرحك أو يخليكـ/ـي متحمسـ/ـة أو أو أو من تعاملك مع الناس.
بالتوفيق. :)

Next

Language: English

4.1

1,266,418 reviews
© Ask.fm 2024