@BayanhAli

بيان علي

Ask me anything Follow
Ask @BayanhAli

Sort by:

LatestTop

Previous

ودي اتعرف عليش شخصيا , واقدر احظى بشرف معرفة بيان في الواقع ,بعيدا عن الاسك و توييتر انسانه رائعة ماشاء الله موفقه عزيزتي

الله الله بالغتي شويه وديتيني العلالي وأنا أبسط من كذا ❤️هههههه
يسعدني والله، موجودة في الجامعة في كل مكان ههههه
شكرًا جدًا

اعطيني نصائح للتركيز في المحاضرة واثناء المذاكرة احس بتشتت و ما اركز عدل !! واجد بنات اسمعهم يقولوا : اذكر لدكتورة قالت بالمحاضرة كذا و كذا وكذا ... واذكر سمعت هالشيء بالمحاضرة ! اني ماحس نفسي اتذكر من المحاضرات نفسهم .. احس نسبه تذكري اقل واجد :"(

لازم تحددين مصدر التشتت حقچ
هل هو القلق؟ هل صديقاتك في الكلاس يسالفون ويلعبون؟ الجوال والإلكترونيات؟
لما تعرفين أيش الخلل اللي قاعد يصير تعالجين مصدره
لو القلق، لازم تتعلمين تتحكمين في قلقك، لو مصدره خوف من النتايج قناعاتك لازم تتغير، تعتمدين على الله وتحطين لج خطة دراسية تخليك تفكرين انه اوه انا ماشية صح
لو صديقاتك، في القاعة قعدي بعيد عنهم عادي، لو كنتِ تقعدين ورا في القاعة جربي قدام التركيز يكون أعلى قدام
لو مثلًا إلكترونيات، طفي جوالك ، او حطيه في غرفة وذاكري في غرفة ثانية وحطي لك وقت انه مااشيك عليه الا الساعة الفلانية
المسألة علمة والجواب عام عارفة، بس في البداية لازم تفكرين ايش الشي اللي الكل يسوي وانا عندي مختل فمو قادرة اركز، بعدها نقدر نحط خطة علاجية للمشكلة .
1
Liked by: خالد العنزي

تعريف الشخص الناجح بمفهومك؟

صعب شوي
بس الشخص الناجح أعتقد اللي يوصل لأهدافه ويحقق طموحاته وهو مؤمن باعتقاداته
بدون الإضرار بالآخرين.
1

People you may like

adstfej’s Profile Photo m7mad
also likes
Abdurahman26’s Profile Photo Abdurrahman Samy
also likes
Dooooorh’s Profile Photo Dareen Alhanaya
also likes
picture11595’s Profile Photo لحظة
also likes
HananShawky854’s Profile Photo Hanan Shawky
also likes
GTFreek’s Profile Photo Ameer Ahmad
also likes
Want to make more friends? Try this: Tell us what you like and find people with the same interests. Try this:
#food #basketball #rock #dating #hiphop #electronicmusic #cars #student #games
+ add more interests + add your interests

شخبارك اليوم كان في ملتقى التعريفي عندي سؤال لو دخلوا ١٠٠ طالب نجحوا بالشروط هل الباقي٢٠طالب ياخذوهم ع حسب الاقرب من الشروط ام يسحبوا عليهم؟ وشكراً لك وعسى الله يعين

خالد العنزي
اهلًا
في الحقيقة الأشخاص اللي مايطبقون الشروط اساسًا مايقدرون يحطون رغبتهم
مثلًا انا جايبة في كل المواد c+
وفي الانجليزي B
بعد النتائج يطلبون منكم ترتيب الرغبات في الموقع
انا مابيطلع لي الا طب أسنان وصيدلة وعلوم طبية وتمريض اقدر ارتبهم ، خيار الطب اساسًا مايبين لأني مو مطبقة الشروط
او لو فرضًا أنا جايبة في كل المواد A لكني في اختبار المهارات اليدوية والمقابلة لطب الاسنان ماعديت
الرغبات اللي اقدر ارتبها وتظهر لي هي: طب، علوم طبية، تريض، صيدلة فقط.
اتمنى وضحت الفكرة
مااعرف هل بعدين يتيحون الفرصة لو كان العدد المطبق للشروط قليل جدًا او لا
1
Liked by: خالد العنزي

نفففسسسسي ادخل طب اسنان والحين انا ادرس مسار صحي ومره قاعده اشتغل على نفسي لكن الفيزيا عقدني وكل الي حولي يقولون لي الاسنان ما يدخله الا اهل الواسطات او معدل ٤.٩ وانا احس لو ايش اشد حيلي ما اقدر اجيب ٤.٩ وخايفه ما يتحقق حلمي اعطيني نصيحه تفيدني ارجوك :'( لاني جداً متحطمه وخايفه

الناس المثبطين تركيهم عنج
انا طب أسنان ولأه فيه معانا بنات اقل من ٤.٧ حتى!! من وين جايبين هالمعلومة المضروبة؟
يمكن يزيد المعدل المطلوب بس رجاءً شخص مو متأكد من المعلومة ليش يثبط غيره
توكلي على الله وسوي اللي عليك، انا اقول لك انه هالكلام مو صحيح
والواسطات في كل مكان
ولسه الناس عايشة وتنقبل، كل شخص له على قدر تعبه والله مايضيع تعب أحد.
1
Liked by: خالد العنزي

مساء الخير بيانة، ممكن تتكلمي عن اختبار المهارات بالتفصيل الممل❤

صباح الخير
كلية طب الأسنان تشترط للقبول فيها النجاح في اختبار المهارات اليدوية + اجتياز المقابلة الشخصية.
اختبار المهارات اليدوية عبارة عن مخروط ناقص من الجبس -حسب ما أتوقع انه نوعه كذا- ورسمة على ورقة بمقاسات عبارة عن شكل مفتاح.
يزودونك بقلم رصاص، مسطرة واداتين نحت.
خلال ساعة يفترض تقومين بنحت الشكل على المخروط، بحيث يكون الشكل هو الجزء المفرغ من قطعة الجبس.
تقدرين تطلبين قطعة ثانية لكنهم ما يمددون الوقت.
الاختبار جدًا سهل في البداية بتتوقعينه صعب، بس بعد مرور أول ربع ساعة، العملية تتم بسلاسة. يحتاج بس دقة لضبط القياسات والزوايا
أنا من كثر ما استمتعت كدت أزيد العمق أكثر من المطلوب ههههه
بعدها تسلمونهم وتتوجهون للمقابلة الشخصية- أو أحيانًا تسوون مقابلة.
اذا اجتزت/ي المقابلة والإختبار، بيظهر حرف D-Done- بجانب "skills" في صفحة درجاتك للمواد في الجامعة.
بعدين يشيلونها .
هذي الصور هو الشكل اللي يعطونا اياه، وشغلي

View more

1
Liked by: Afifa Salman

الضرر إلي سمعته ما أتذكر ايش هو بالضبط لكن أذكر أنها تجربة : يحطو كورن فليكس بكيس مع ماي وينفخون الكيس ويسكرونه بعدين يحاولون يذوبن الكورن فليكس بالماي بعدها ياخذون مغناطيس ويلزقونه بالكيس ويمرروه من أعلى لأسفل ولاحظوا التصاق كمية من برادة الحديد بالمغناطيس من داخل الكيس.. بس شكلها خربوطة فاضية p:

لا أكيد خرابيط :/
كولي رانتِ مستريحة يا ستي ❤️هههههه
1

كيف اخترتي تخصصش ؟ وكيف قررتي ان هذا الشيء اللي تبغيه ؟؟ اسفه لو كان سؤالي مكرر بس اعطيني رابط الاجابة , ** مرة محتارة واحتاج نصائح **

أخترت التخصص عشان كثير شغلات
أول شي عندي تجربة شخصية خاصة مع طب الأسنان أثرت فيني كثير ركانت أحد الأسباب.
ثانيًا طبيعة العمل تناسبني، أحب الشغلات الطبية، لكني أحب الشغل باليد، أحب أعطي شخص تغيير واضح ممكن هو يلاحظه وأنا ألاحظه ويخليه شخص أجمل وأكثر ثقة بنفسه. أنه تغيير واضح مؤثر.
وحاطة في بالي المنصب اللي بكون فيه، مدة دوام العمل ، القيمة المادية.
كلها أشياء تساهم في هالموضوع.
فأول شي عرفت أيش أحب أيش ما أحب،تصوري عن كيف باشتغل بعدين وكيف باحدث تغيير وما أكون شخص عادي
أيش طبيعة الدراسة ومحيطها ومدتها، وطبيعة العنل ومدته وتوفر الوظائف.
دورت شي أشوف نفسي فيه تقريبًا وأقدر أضيف له شي وما أكون شخص عادي فيه.
2
Liked by: Afifa Salman خالد العنزي

بالنسبة للنظام الصحي: العبوة تبع الماي بلاستيك صح؟. قرأت معلومة من قبل عن خطر إعادة تعبئة البلاستيك فهل هالشي صحيح ولا؟ + كمان الكورن فليكس قرأت عنه أيام رسايل الإيميل أنه كثير مضر فهل فعلًا كلامهم صحيح ولا لأ :|

ايه بلاستيك قوي.
امممم ما أعتقد بصراحة، كونها مصممة لهذي الشغلة بالذات فما أتوقع بيصممونها مضرة وهي خاصة بهالشي!
ما أعرف ما اؤمن كثير بهالسالفة لأني للآن ما قرأتها من مصدر موثوق.
٢) الكورن فليكس مضر!! ليش شفيه؟
لا أبدًا مو مضر ولا شي.
ممكن بعض الأنواع قيمتها الغذائية مو كلش عالية، او مليانة سكر
بس فيه كثيير أنواع مليانة ألياف ومفيدة.
ما أدري شالضرر اللي سمعتيه عنه لأن ماادري أحس شممكن فيه مثلًا؟؟
1

ما شاء الله بيان بالنسبة لمشروع ١٤ كل تدوينة أحلى من الثانية ❤️، قرأت تبع الكتابة باليد اليسار + النظام الصحي في الأكل وإن شاء الله في يوم أتصفح مدونتك أكثر :).. عندي بس كم سؤال أبغى أتأكد منهم.

شكرًا جدًا غدير
يسعدني مرورك على المدونة جدًا جدًا والله
شكرًا مجددًا
2
Liked by: *F

طيب اش طبيعه دوامكم لاني انا جتني خاله نفسيه من الدوام الى الساعه ٥ العصر واش طبيعه دوام الطب البشري

بتدخل/ين تخصص عشان دوامه؟؟؟
عمومًا الطب يبدؤون بدوام طويل - أحيانًا لأربع وكل سنة يقصر أكثر
أحنا العكس نبدأ بدوام قصير وكل سنة يطول
السنوات الجاية ممكن يوصل إلى ٤-٥
فكر/ي من جديد لو بتحكم/ين على تخصص من دوامه!
1
Liked by: خالد العنزي

تتوقعين اش اصعب طب بشري ولا طب اسنان .!!

. ما بجاوب الجواب التقليدي" مافي شي اسمه صعب وسهل " لأنه جواب عالمي ومع ذلك لسه أشخاص يسألون هالسؤال.
الطب وطب الأسنان الشخص لما يقرر يدخلهم لازم يدخلهم برغبة وحُب، مو على أساس سهل وصعب.
الشخص لو دخل طب بدل طب أسنان
أو طب أسنان بدل طب عشان أسهل، فهو أرتكب ذنب في حق نفسه!
الطب مو سهل أبدًا، وطب الأسنان نفس الشي!
ربما فيه فكرة أنه طب الأسنان أسهل عشانه بس متخصص في جزء معين، لكن عن تجربة سنة! أبدًا!
وفي نفس الوقت طلاب الأسنان لازم ما يعاقدون الطب أسهل!
طلاب الطب ممكن دوامهم هالسنة أطول
لكن أحنا شغلنا يكون في البيت أكثر!
كل شخص وحسب طبيعة دراسته.
الدراستين مختلفين ولو كان بينهم رابط مشترك!
طب الأسنان فيه شغل يد أكثر، وخيال أكثر. والطب متشعب أكثر ومرتبط في نفس الوقت.
طبيعة الشغل تختلف، نظام الدراسة يختلف، مدة الدوام تختلف. المسألة عميقة أكثر من سالفة " أصعب"
وأخيرًا أختمها بالجواب التقليدي" مافي شي اسمه أصعب" الشخص لو ناوي على مثل هالتخصصات مفروض مايتوقع أنه فيه شي سهل لازم يقرر هو حاب الشي أو لا.
بالتوفيق

View more

3
Liked by: Afifa Salman خالد العنزي Zahra Almutawa

اختبار لاب الفيزيا صعب؟

لا
احنا اصلًا اختبرناه نظري على ورق
عطونا نوتز خاصة باللاب ذاكرناها
فيها رسم وحسابات
بس ماكان صعب -بالنسبة لي على الاقل
1
Liked by: Afifa Salman

زين تذكرين كم المعدل اللي وقف عليه الطب وطب الاسنان؟ احس جاوبتيه بس متعجزه ادور عليه

للأسف الجامعة ماصرحت على كم وقفت المعدلات ومارضت تقول مااعرف السبب
فما في اخد يعرف
1
Liked by: Erum Ali

تتوقعين في امل يزيدون المقاعد بكلية الطب ؟ حق دفعتنا المسار الصحي الحاليه

بصراحة فعلًا مااتوقع كونه من زمان جدًا جدًا ومقاعد الطب ١٢٠ بنات / مااعرف بالضبط اولاد
وماتغير على دفعتنا
لكن كل شي وارد مااحد يضمن شي
1
Liked by: Erum Ali

كيف قدرتوا تلتزمون بالجدول اللي سويتيه انتي و صاحباتك للمذاكرة؟ هل من اقتراحات علشان انا بسوي زيكم و احس بطفش ومابكمل :(

اول شي لازم تتفقين مع صديقات لك فعلًا يلتزمون
يعني احنا "شلتنا" كبيرة نوعًا ما
لكن انا وبنتين بس اللي التزمنا
حتى سوينا لنا قروب فرعي للمذاكرة
ونذكر بعض فيه ونهدد بعض ونكافئ بعض
يعني الدعم والتهاون كان أكبر شي يساعدنا
كنا نضغط على بعض لو وحدة تحججت ماذاكرت اليوم
: انتِ بكرة بتذاكرين جزئين
ها خلصتي
يلا بسرعة
حتى لو قراية حتى لو مذاكرة خفيفة تنفع
اهم شي الهمة والصحبة الكويسة والاعتماد على الله
2
Liked by: Erum Ali خالد العنزي

How can I get your list 'Buy me this' ?

هههههه يوه لا استحي
كتبت التويتة وانا مو في وعيي هههههه

أهلًا فيك يا لطيفة ❤️ يوم السبت بالليل جاني فضول على هالرواية وجلست أشوف اراء الناس فيها بقودريدز + شفت ع اليوتيوب مقابلة مع أحمد المرزوقي ع قناة الجزيرة تصدقين المذيع قرأ بعض المقاطع بالرواية وكان طول الوقت ماسك نفسه لكن بعدين نزع النظارة وقام يبكي أثر فيني هالشي حيل بالذات مقطع اللقاء مع أمه مبكي

ايه كنت مقررة أشوف الحلقات بس مع الدراسة ماكان عندي وقت ل٩حلقات أظن وكل حلقة ساعة
اتوقع مابقدر اشوفها بس بحاول، على الحزن اللي يجيني منها بس ودي اشوفهم :'
1

جاي على بالي اقرأ رواية تزممارت *.* .. ايش رأيك فيها وشنو ملاحظاتك عليها :))؟

اهلًا اهلًا
كتبت مراجعة عنها بعد ان انهيتها غير أني كسول. لم أتفرغ لأدخل القودريدز عبر المتصفح لإضيفها.
على اي حال هذي نبذة بسيطة
موجعة، حقيقية، ومدهشة.
موجعة للحد الذي تتمنين لو كتب على غلاف الكتاب " هذه الأحداث غير حقيقية واي تشابه فيها مع العالم الواقعي فهو محظ صدفة"
حقيقية، لأنها وثيقة تاريخية عن حقيقة مغيبة، كل ماكتب فيها ليس فيه من المبالغات الجمالية والتلاعب بالمشاعر. حقيقية في توصيل الصورة واضحة لمقبرة تزممارت.
مدهشة لأنها تعطي انعكاسًا لأي مدى يمكن للإنسان أن يمتلك ذلك النور الألهي الذي يجعله يصبر كل تلك المدة، وكيف يتمسك بأنسانيته في أشد الظروف ويؤثر غيره على نفسه. كيف استطاع أحمد المرزوقي اكمال حياته بعد تزممارت. ومدهشة في الإتجاه المعاكس لأنها تكشف عن حقيقية وحشية للإنسان، ولأي مدى يمكن لقلبه أن يكون اسودًا مغلقًا.
ملاحظاتي هي أن تستعدي لرحلة مؤلمة مدتها ٤٤٤صفحة. عني استغرقت وقتًا طويلًا لإنهائها لأنها اصابتني باكتئاب ، لم استطع في بعض الأحيان أن اكمل القراءة.
في النهاية أنصحك أن تقرئيها وانتظر انطباعك عنها.

View more

1

السلام.. كيف كان اختباركم الاكادمك رايتنق إذا اخذتوه العام.. وشكرً

وعليكم السلام
ماكان في اختبار اختبار الا اذا قصدك كتابة الاسايز؟
انه كنا كل اسبوع خلال ساعة نكت اساي، انترودكشن،٥براقرافز، كنكلوجن
احيانًا نروح اللاب عشان نستخدم الانترنت لأن لازم نقتبس اقتباسات وندعم كتابتنا واحيانًا لا
بس .
1
Liked by: خالد العنزي

،،، ممكن تفيدني ب ارسال صورة جدولكم اذا كان عندك او تعطيني لمحه سريعه(كيفية عمل تنظيم الجدول) و على فكرة بالاجازة سويت اللي قلتيه انهيت تكليف مادة البحث وشكراً على المساعده

خالد العنزي
هذي الصورة الوحيدة اللي لسه باقية عندي
شوف المواد اللي يحتاج لها كثير وحطها
والمواد اللي مرة خفيفة قبل الاختبار بكم يوم كافي لها
ولا تحط كمية كبيرة ماتقدر تنجزها فتتحطم وتتكاسل حتى لو جزئيات خفيفة
حتى لو على الاقل اطلعت عليها وقرئتها بتركيز اقل شي عشان وقت المذاكرة ماتكون في صدمة، لا انت عارف المادة
2
Liked by: زهراء ♥ خالد العنزي

السلام عليكم،،بيان عندي سؤال اتذكر ذكرتي بالمدونة كنتي تسوي مراجعة جماعية تتوقعي تنفع بهالدفعه ولا؟ النقطة الثانية:رغبتي بالدخول للمسار الصحي كان فيها ضغط من الاهل ،،، عشان كذا كل ما نصحني شخص اتعض منه لكن بعد اسبوع او كم يوم ما يصير تغير تتوقعي بسبب عدم رغبتي بالصحي،،او خلل عندي ؟ وشكراً لك،،

خالد العنزي
وعليكم السلام
عفوًا منك مافهمت سؤالك تمام
اللي سويته حسب اللي فهمته انه انا ومجموعة من صديقاتي خصصنا لنا جدول مذاكرة يومي، بحيث الكل يلتزم فيه ونسأل بعض عنه وبكذا ماتجي الاختبارات النهائية إلا احنا تقريبًا خاتمين اقل شي نص المنهج.
وبالنسبة لضغوط الأهل، صحيح ضغطوا لكنك دخلت في النهاية، ماتبغى تضيع شنة من حياتك وماتنجح فيه، كثيرة التخصصات في المسار الصحي اقرأ عنها ربما يشدك شي منها، مو كلها طبية بحتة، العلوم الطبية مثلًا فيها كثير خيارات. ممكن تشوف شي يناسبك منها.
حاول ماتفكر فيه كعذر تبرر فيه عشان مايكون هذا شي يدفعك انك ماتسعى ، اول ماتثبت هالعذر عقلك الباطن بيتشريها ويتصرف على اساسها، فكر في تخصص يعجبك في المسار، واصلًا هالمواد حق سنة اولى مالها علاقة بالتخصصات فعليًا فحتى لو مو رغبتك صحي، حاول تتقبل المواد، وتحط لك تخصص يعجبك ريما هالشي يحفزك اكثر.
اتمنى افدتك، واي سؤال حاضرين
2
Liked by: زهراء ♥ خالد العنزي

السلام عليكم لو سمحتي بيان عندك خلفية عن cpp أوcpc إذا عندك ممكن تفيديني؟؟

للأسف أرامكوا ماكانت رغبتي فما بحثت فيها كثير، كنت مسجلة سي بي سي عن العين والنفس بس والله :/

Next

Language: English

4.1

1,266,418 reviews
© Ask.fm 2024