@BayanhAli

بيان علي

Ask me anything Follow
Ask @BayanhAli

Sort by:

LatestTop

Previous

تحسين مع تغير الخطة سنة ٢ هي اللي بتصير اصعب شي ولا زيكم اصعب شي ٣؟

ما عندي احساس.
السؤال يقول: ليش تحبون تقررون ان سنة صعبة قبل ماتجربون؟
حتى سنة ثالثة المشهورة أنا قلت انها مو بالصعوبة اللي الكل متخيلها.
3
Liked by: Sí Eng

People you may like

adstfej’s Profile Photo m7mad
also likes
Abdurahman26’s Profile Photo Abdurrahman Samy
also likes
Dooooorh’s Profile Photo Dareen Alhanaya
also likes
picture11595’s Profile Photo لحظة
also likes
HananShawky854’s Profile Photo Hanan Shawky
also likes
GTFreek’s Profile Photo Ameer Ahmad
also likes
Want to make more friends? Try this: Tell us what you like and find people with the same interests. Try this:
#sport #movies #anime #summer #electronicmusic #dance #hiphop #books #indie
+ add more interests + add your interests

بيان من فين اشوف اسمي من المتفوقات في موقع ينزل ولاشي؟

في جامعة الدمام؛
لو معدلك التراكمي ٤.٥ وفوق فأنتِ من المتفوقات.

جاء يوم ندمتي فيه على اختيارك للاسنان وايش السبب وتراجعتي عن الندم والا لسا باقي؟

كثير تجيني أفكار وقت الضغط والاختبارات، خصوصًا سنة ثالثة. لكنها أفكار غيرعميقة، وعادةً تنتهي بانتهاء الضغط.

السلام عليكم ممكن تسردي تجربتك مالت سنة رابعة؟؟؟

وعليكم السلام
تجربتي بتكون في المدونة ان شاء الله
متى بالضبط ما أدري.

الحين بطب الاسنان .. لما اخلص و ابغى اخذ البورد وش اختبر؟ و يختلف اذا بورد امريكي؟ و ايش اسماء الاختبارات اللي لازم اخذها و متى موعدها؟

لست ذات خبرة كافية

اول سنة تخصص طيب ؟

يا حبة عيني حسب الكلية وحسب المادة
وحسب نظامها
مافي قاعدة لسنة محددة.
- عمومًا في كليتنا سنة ثانية ما يدخلون على مرضى اساسًا

عموما اسأل .. توني تخصصت اسنان

همن ما فهمت
كل مادة لها طريقة اختبارها.
أكو مواد اوسكي، واكو مواد على مرضى
حسب السنة، حسب المادة، حسب النظام

الحين اخر السنة نختبر ب cases ؟ زي اختبار الاوسكي ؟ اللي يدخلون غرف و يشوفون مريض و يشخصونه و كذا

شكلج مضيعة عيوني.
منو تبين؟ أي تخصص؟ أي مادة؟

في نقطه مهمه بالنسبه للزياره بجامعه ثانيه، اذا درستي بجامعه ثانيه تنضاف لك ساعات المواد انك اجتزتيها بس مايرتفع المعدل يظل نفس ماهو

-

ايش هو طلب زيارة في جامعة اخرى؟ يعني اروح ترم ادرس بمكان ثاني؟ و يصلح للطب البشري و طب الاسنان او لا ؟

ما أعرف.

محل صالون حلو لصبغ الشعر؟ خاطري اغير لون شعري و متردده اخاف يطلع شيء مايناسبني ":

اذا عرفتي خبريني ?❤️?

صاير وقت الليل في شهر رمضان قصير :" كيف نستغل الوقت للي نبي نسويه و هم نجلس مع الاهل؟ شرايك؟

لكن بالمقابل النهار طويل؛
الشخص لو وده الشي يقدر يسويه بدون أعذار بالوقت.
الفجر، الصباح، بعد المغرب. ما أكو دراسة الواحد مشغول ليش الشخص مايقدر يقسم وقته؟

اهلين بيان كيفك؟ مبارك عليكم الشهر الفضيل ?❤ كيف نظامك في شهر رمضان؟

علينا وعليكم ?
أبد والله، معركة المطبخ نهارًا، والعائلة ونفسي ليلًا.
ماكو شي مميز الى الآن للاسف.

متى تنزلين مدونه حق سنه ٤؟

ان شاء الله نلاقي ردود التدوينة كثر الاسئلة عنها ?
حقيقةً؛ أكو شغلة شاغلتني حاليًا فمو قادرة أركز في موضوع التدوينة ولسه ما بدأتها.
الخطة العامة؛ خلال شهر رمضان/ چون.

عذراً ما وضحت أكثر، كنت أقصد "تحسب أنك جرم صغير" واتضح انه لمحي الدين بن عربي

أُختلف فيه، ونُسب للامام علي في أكثر من موضع.
وليس لي في علم الحديث ونسبه، ولا في علوم اللغة مايكفي من علم لأحكم أيها الصحيح.

عادي تشاركينا بجدولك الدراسي بسنة ٢؟ كم ساعة باليوم\الاسبوع، كيف قسمتي وقت بين مذاكرة الجديد والمدترمز والاسايمنتس بنفس الوقت .. جواب مفصل حتى لو هالشي يختلف من شخص لثاني

أنا السمستر الأول مو قادرة أتذكره، فشلون سنة ثانية؟ حبة عيني كلش ما أتذكر.
مُجددًا؛ استانسوا باجازتكمممم

المقولة اللي تكتبيها بكل مكان حقت علي بن أبي طالب، بحثت عنها لأنها اعجبتني كثير واكتشفت صدفة انه علي رضي الله عنه مش القائل!

أي مقولة؟
بحثت كل مكان ماشفت إني حديثًا كاتبة شي!

كيف أحدد إذا كِنت أصلح لتخصص ما دون غيره، عندي رغبة لتخصصين، بس مو عارفة نفسي وين بالضبط، بحكم دراستج شنو يتطلب يكون فيني عشان أختار طب الأسنان ؟

امممم السؤال حقيقةً صعب، لأنك ما كل مادرست التخصص أكثر كل ما تفهمه أكثر، ما أعتقد فيه طريقة تعطيك الصورة كاملة قبل ما تغامر.
أتوقع أهم المهارات الاجتماعية اللي يحتاجها طبيب الأسنان -وكثير منها يُكتسب طبعًا مع المحاولة والرغبة-؛
-حُسن الانصات
-طول البال/قوة التحمل/الصبر
-القدرة على العمل مع فريق
-القيادة
-حُب مساعدة الناس
-حُب العلم والتعلم
- القدرة على حل المشكلات، واتخاذ قرارات صعبة.
- قوة الملاحظة والتركيز
وأخيرًا أتوقع يحتاج تكون مستعد وحاب تشتغل بيدك وتقعد لفترات طويلة بجلسات غير مريحة تمامًا.
والنظر لطب الأسنان كحياة كاملة؛ مستقبل وظيفي، وضع مادي، مركز اجتماعي، فترة دراسة، اكمال التعليم ووو

الشخص اللي احبه واكلمه طلع يكلم وحده غيري وتغير علي شوي .. وطبعاً حلف انه مافي احد بحياته لكني دريت خلاص اغلب وقته صار معها ،،، انا خايفه يكون فعلاً حبها وهي الاساس وانا يتسلى فيني !

ليش تسأليني أنا هالسؤال؟ ?
أنا آسفة، بس تستاهلين!
حببتي حمدي ربچ انه سحب عليج وفكري.

رتبي الجامعات حسب الأفضلية؛ الدمام/عبدالعزيز/سعود/فيصل

ما أتوقع في جواب لهذا السؤال حقيقةً لأسباب عدة.

Next

Language: English

4.1

1,266,418 reviews
© Ask.fm 2024