@BayanhAli

بيان علي

Ask me anything Follow
Ask @BayanhAli

Sort by:

LatestTop

Previous

هل تعرفي اذا طالبات سنة خامسة دوامهم بالكلية أو راح يكون بمستشفى الأسنان؟

غريب السؤال، ليش؟ يعني بدأ الدوام وانعرفت هالأمور للي يحتاجها.
عمومًا، في الكلية وعيادات الكلية. المستشفى حاليًا للأولاد فقط.

تذكرين متى بدأتوا بوب كويزز في سنه ٣ السمستر للاول ؟

بوب كويزز؟
ماكو وقت معين حسب المزاج بس اللي اذكر على طول ? بعض المواد من بعد اول محاضرة وبعضها من بعد ثاني محاضرة.

يصير التحويل من جامعة الحفر لجامعة الدمام.

ما عندي خلفية عن أنظمة التحويل.

People you may like

adstfej’s Profile Photo m7mad
also likes
Abdurahman26’s Profile Photo Abdurrahman Samy
also likes
Dooooorh’s Profile Photo Dareen Alhanaya
also likes
picture11595’s Profile Photo لحظة
also likes
HananShawky854’s Profile Photo Hanan Shawky
also likes
GTFreek’s Profile Photo Ameer Ahmad
also likes
Want to make more friends? Try this: Tell us what you like and find people with the same interests. Try this:
#music #electronicmusic #books #basketball #fashion #comics #fashion #shopping #electronicmusic
+ add more interests + add your interests

طيب متى بيخلص المبنى الجديد ولا اصلن ما بعد يبنونه??؟؟

ترى هذي ثالث سنة لي في الكلية وعادي الوضع للحين جيد صحيح عددنا كبير بس ما يصيّح اساسًا من الصباح للعصر مشغولين تمامًا بين عيادات ومعامل ومحاضرات فما تفرق واجد ليش الدموع ???
والله مادري متى يخلص، هو حسب ماشفته المبنى بس تقريبًا اتوقع خلص "عظم" بس بعد التشطيب اساسًا تبقى معامل الاسنان تحتاج تجهيزات كثيرة فما اقدر اتنبأ.

بيان كيف كلية الاسنان حلوة ولا فاضية؟ نفس مستوى الطب يعني ولا احسن؟ يختي مافي لها صور ولا شي اببد

??بصراحة؟
أنا اسميها علبة كبريت.
لأنها صغيرة
كانت للأولاد، الكافتيريا مش ولا بد
مافي حديقة أو مكان نجلس فيه برة
مو أكشخ من مبنى الطب.
فيها كل شي نحتاجه بالحد الأدنى لكنها مو سيئة، تحاول تكون جميلة بالحد اللي تقدر عليه، وتتطور ولأنها المسؤولين والكلية كلها كويسة فالمبنى مقبول جدًا.
يعني فيها مكتبة وغرفة قراءة وقاعة اجتماعات وعيادة طبية بالاضافة للكلاسات والمعامل وعيادات الاسنان، فيها كل شي.
لكنهم يبنون مبنى جديد للبنات جنب مستشفى الاسنان الجديد في المدينة الجامعية الجديدة ونتأمل خير.

سؤال :واجد يتكلموا عن ضغوطات الجامعه انا ابغى استفسر منك عن شغلة يعني تحسين بالجامعه الشعر له تأثير ؟ يعني ان شعري طويل ولا قصير ممكن يشغلني ويأخد من وقتي ؟ لو اقصه قصير يصير اريح لي يعني ؟ ولا ماله دخل :$ ?

حبة عيني كلها على بعضها دراسة مو حرب ??
شدعوة فكري فيها حبتين وبتحسين انه كلش ماله شغل ??
1
Liked by: ♥ ƒaťīмสђ

بيان داوم التحضيري الى ٣ و الى ٥ ؟ صدق هالكلام ؟

غالبًا اي
يمكن يوم بس ل١٢ أو يوم تبدأون متأخر
بس أغلب الايام ٣-٥
* تحضيري صحي، جامعة الدمام

بيان بالنسبة لك ايش افضل سنة حبيتيها من سنوات دراستك بالجامعة؟

للآن، سنة ثالثة ?
بعد مانخلص السنة سأليني مرة ثانية، أحس احتمال أقول رابعة ?

بيان سجلت ثلاث مواد ولما جيت اسجلها خلاص انشالت واحده منها و بقي 2 اتسجلت ولما اجي اسقطها وعيا يسقطها و ما سجلت بذي الشعبة الا مادتين و مو قادره اغير للشعب المفتوحه , شسوي ؟؟ :(((

آسفة سوالف الشُعب والتسجيل ما أتذكرها كويس ولا سوالفها الغريبة. تواصلوا مع الدعم أو أي احد مسؤول.
1

اختبرت تحديد المستوى للانجلش واحس اني سويت مره زين ف يمكن اكون ادفانس هل اذا كنت ادفانس وخليت الانجلش محاضراته اخر شي بطلع مبكر ولا احسن اني اخلي اللاب اخر شي ؟ اللاب يكون اسبوعي ولا اسبوع اي واسبوع لا ؟

نظام الانجليزي واللابات تغير جدًا عن سنتنا. لو تتواصلين مع شخص توه مخلص تحضيري ممكن يعطيك فكرة صحيحة بدل ما أقول معلوماتي القديمة.
1

متخوووووفه جدا جدا من سنه ثالثه !!!

ما أقدر أحفز أكثر من التحفيز اللي كتبته في المدونة. حطيت كل مشاعري وطاقتي فيها، لو ما فادتك، أعتذر.
1

السلام عليكم. ايش افضل الدكتورات الي نسجل عندهم؟

وعليكم السلام
ما أقدر أحدد. يختلف من شخص لثاني. وخلال ثلاث سنوات ممكن يتغير الدكتور كثير.
1

السلام عليكم , بما اني قاعده اسجل جدولي فايش رايك بالدكتورات ذولا : صفاء السعيد عرفة (احياء) - نسرين محمد (كيمياء ) -هبه بهاء الدين (فيزياء) , يعني من ناحية الشرح , هل هما يوصلون المعلومه علطول وبسلاسه و مو زي ما يقولو لازم تجيهم لوحدك يصير شرحهم احسن . وبس ياريت تردين باسرع وقت لانه التسجيل بيبدء

وعليكم السلام ورحمة الله وبركاته
كلامي عن تجربة عمرها ٣ سنين، ربما تغير مستواهم، ربما جا افضل منهم او بالعكس. ما اعرف.
د.صفاء: درستني اول سمستر، بشكل عام افضل نوتات وسلايدز عندها. غالبًا تقول أهم الاشياء، ماذكر في الاختبار جا شي مو من الكتاب ونوتاتها. كانت الافضل لان فرقت معاي لما تغيرت لدكتورة ثانية كانت غير متسلسة في عرض الافكار وهذا كله قبل مايجيبون دكتورات جدد في القسم. بالنسبة لي كويسة في توصيل المعلومة بس اختي تقول بالنسبة لها كان الشرح جدًا ممل! فربما مستواها تغير ما اعرف.
د. هبة خلوقة وحبابة مررررة مررة أحبها. لكنها مو الافضل في توصيل المعلومة. بشكل عام مافيه دكتورة فيزيا متفق عليها انها كويسة.
د. نسرين: ما كانت موجودة على زمننا
بس هذي وجهة نظري وزي ماقلت لك انا وأختي احيانًا كنا نختلف في فعالية الدكتورة. فكيف انتِ اللي حتكوني غير عننا تمامًا؟ ما أعرف ربما المناسب لي ما يناسبك.
1

انا سنة ثاني اسنان وين اداوم في اي كلية الاسنان ولا الطب؟!!?

حسب جدولك،ايش اول مادة عندك؟ طب ولا طب اسنان؟
لو اسنان في مبنانا أكيد، الطب ماعندي علم هل الكلاسات في مبنى الطب أو عندنا بعد.

انا بروح سنه ثانيه طب اسنان بس اكثر شي شايله همه ان لغتي مو قويه واخاف يأثر على فهمي للمحاضره ?

أهم شي إنها مو ضعيفة.
بالممارسة وكثرة استخدام اللغة ان شاء الله تتحسنين، ربما في البداية تواجهين صعوبة بس تمضي
ولو كنتِ في كليتنا فبيخلونك تقرين مقالات كثيير وتسوين ابحاث كثيير بشكل يساعد لغتك ?
- ممكن تعملين على تطويرها خارج الدراسة، شوفي أيش يناسبك من طرق تعلم اللغة، فيه ألف طريقة وطريقة
موفقة
1

لا. ماأقصد مشروع يتعلق بالتصميم ?. أي مشروع يجلب البهجة لك ولمدونتك ولمتابعينك.. ماتدري يمكن نقلدك ??✋?

ZahraaAli’s Profile PhotoZahraa
حبة عيني زهراء ??
والله بعد فترة هبوط المدونة قاعدة أفكر بأني أرجع لها زي قبل بس قاعدة أفكر كيف
ما كان ببالي فكرة المشاريع لأنها تضغط ?? بس همن شجعتيني ?? نفكر نفكر
1

السلام عليكم الحين في تكريم المتفوقات يكرمون على حسب المعدل اذا كان اكثر من 4.5؟؟

عليكم السلام
اي
1

بيان، مالك نيه تفتحي مشروع جديد بمدونتك زي مشروع تشرين؟

ZahraaAli’s Profile PhotoZahraa
قصدج مشروع تصميم يومي؟ حاليًا أبدًا.
قوتي من الأفكار لا يكفي صنع تصميم واحد حتى.
:(
1

طيب انا فكرت كثير ادخل طب اسنان و ادرس بجامعة الدمام لكن حسيت ان السنه التحضيريه يمكن تعيقني اشوي فهل انتي واجهتي صعوبه في السنه التحضيريه ؟ و عذراً على الإزعاج

Umalbneen
تجربتي كاااملة عن سنة تحضيرية موجودة على المدونة
https://bayanhali.wordpress.com/2013/07/05/prepyear/
بس كمختصر مفيد، اي واجهت صعوبة لكنها معقولة
ولن تنال المجد حتى تلعق الصبرا
1

سلام أخت بيان حبيت اسأل هل تشجعين على دخول طب الأسنان الأن ؟ مع ان كثير الطالبات إلي يدرسون هالتخصص في هالفتره ؟

Umalbneen
وعليكم السلام، في حال وجود الشخص نفسه في تخصص ممتاز مهما كان فليش لأ، أكيد أشجع.
بس كأني فهمت من سؤالك انه يعتبر تخصص مستهلك كونه كثير يدرسونه؟ هو فعلًا أشعر انه فجأة قام سوقه لكن في نفس الوقت الحاجة لأطباء الاسنان هنا في السعودية كبيرة جدًا، والدليل ضغط العمل وبعد المواعيد في المستشفيات لأن ما أكو دكاترة، وقرأت مقال في أحد الصحف عن دكاترة طب أسنان كبار في السعودية يقولون انه الحاجة مستمرة لخريجين طب الاسنان لسنين طويلة قدام يدوب نغطي ونوصل للاكتفاء -ناسية عدد السنوات بالضبط وضاع المقال عذرًا- .
1

اختدار تحديد المستوى، هل اللي مايفلح فيه يصير شيء او كذا.. او عادي؟

مافي شي اسمه مايفلخ
تجيب كويس، تصير لي كلاسات الانجليزي -مستوى متقدم
تجيب نص نص، مستواك متوسط
ضعيف، تروح مبتدئ
1

سلام اختي بيان ممكن أسالك سوال سمعت ان التسجيل بجامعة الدمام الاولويه ل أهل الشرقية يعني حتى لو نسبتي الموزونه اعلى بيقبلون اللي من الشرقية لانهم أولى بالجامعة من بقية المناطق ياليت تفيديني يعني صدق الاولويه ل أهل الشرقية حتى لو في طلاب من مناطق ثانيه نسبهم اعلى او لا. ؟

خلال ثلاث سنوات دراستي فيها، ومع وجود اختين درسوا فيها وتخرجوا
ما عمري سمعت بهذي المعلومة إلا منك.
عندنا بنات من مناطق ثانية مثل جدة، واعرف بنات ما انقبلوا من الدمام، فأتوقع هذي علامة ان المعلومة مو صحيحة.
1

Next

Language: English

4.1

1,266,418 reviews
© Ask.fm 2024