_كل يوم أبارك قلبي فيك و أهنيه على وجودك في حياتي و الأيام كبير حبي لك و يا كيف أبحصيه وأنا اعشقك في كل ساعة مية عام إحساسي لك أجمل من إني أوفيه روضة مشاعر بين روحي و الأنسام و أسمك على سمعي اذا مر طاريه كأني بشعور المرتوي عقب الصيام لك عام و أنتي الغلا فيه و اللي غلاته أنتي و شلون ينلام؟ مثل البرائة وجهك الله يخليه ملائكية الوصف و حروفك أنغام يا عيون متسفر خيالي و توديه إلى مساءات من نجوم و أحلام إذا نعستي يفقد الكون مضويه و إذا صحيتي فوّت النور من نام ما عندي شي يغلا عليك انتي و اغليه كل شي في دنياي لرضاك ينسام مو بس قلبي اللي لعيناك يفديك من هام راسي فدوتك للأقدم