دكتور ياسر .. في المستقبل لو ربي رزققك بنت او ولد من اللي راح يسميهم زوجتك ولا انت ؟ وانت تسمح ب اختبار الزوجه لا اسماء ابنائها ؟
الله يرزقنا وياكم بالذرية الصالحةبالنسبة لاختيار الاسماء اعتقد الحق لها ولازم ابين لها هالشيء لكن بالتفاهم نتفق على الاسم أما فكرة النظام الدكتاتوري وأن الام مالها رأي لا ماحصلت بالعصر الحجري هذي!! أحق شخص يستاهل يسمي المولود مافيه أكثر من أحقية أمه اللي تعبت ٩ شهور!
متى ناوي تتزوج ؟ يعني تفرق معك الزواج اثناء دراستك او بعد ماتخلص ولا عادي اي وقت تتزوج ؟ وش تفضل ب اختصار !
اييييه موضوع الزواج والدراسة..موضوع شوي غير واضح لي والاراء فيه مختلفة خاصة طلبة الطب يدرسون ٧ سنوات وكثير منهم يتزوج بفترة دراسته ومرتاحين الله يوفقهم ويتمم عليهمهو شيء جميل تتزوج بدري وتبدأ علاقتك بشريكة حياتك من يوم انت صغير وتحقق اولى اهدافك معه..لكن برضو فيه اشكالية الصرف والدخل ومستوى المعيشة لذلك أفضّل الزواج مابعد التخرج والاستقرار الوظيفي على الاقل سنة بعدها الزواج..خاصة بتكون بهالوقت أكثر وجاهه لطلب يد البنت طبيب وموظف ولك دخل خاص واكثر خبرة وتفّهٌم للحياة بتكون الامور المستقبلية واضحة لك بشكل اكبر مثل اكمال دراسة بالخارج او مجال عملك تكون البنت متفهمة كثير حاجات اكثر من وانت طالب فيكون اختيارك والتوافق بينكم مبني على هذي الحاجات اممم مادري وش اقول بعد ..عموما كلن مكتوب له رزقه ونصيبه والله يوفق الجميع يارب ❤️