قوليلي اسماء افلام جميله استمتع بها باجازتي مع نبده قصيره عنها
خلّصت الاجازة هههههههه :( شوفي هنا قائمة كتبتها من مدة ask.fm/hendows/answer/113895863317وبقولك الي بمخي حاليا ومو موجود بالقائمة //- Transcendence فلم يتكلم عن الذكاء الاصطناعي ، يحكي قصة رجال مهتم بصنع آلة ذكيّة جداً لغرض الاستغناء عن البشر وزيادة الانتاجية بطريقة مهولة جدا ، بالمقابل يواجه صعوبات ويتقلب ما بين خادم للبشرية وما بين محارب ليهم ،، الفلم فتّاك و درامي و يحمّس صراحة - The Imitation Game فلم يتكلم عن قصة حياة مخترع الكمبيوتر Alan Turing ، قصته جايبينها من مذكراته ومن سرد معارفه ، القصة معروفة عند شريحة كبيرة من الناس لكن الفلم عرضها بطريقة مؤثرة جدا و جميلة جدا ، آلان تيورنق حياته كانت مليانة صعوبات و الفلم بيرويها بأجمل طريقة ... دراما ، علمي ، تاريخي ، ذكاء اصطناعي ... فلم عظيم عظيم عظيم - Into The Woods الفلم من Walt Disney ، فكرته انه جامع بين عدة شخصيات مشهورة من ديزني في سيناريو واحد ، الجميل فيه انه مغيّر في القصص حقتهم بطريقة تجذب المشاهد ، يحكي عن زوجين معمولّهم تعويذة تخليهم ما ينجبوا ، وعشان يفكوا التعويذة لازم يجمعوا اشياء ياخذوها من شخصيات ديزني زي سندريلا و روبانزل و ليلى والذئب و شخصية كمان معرف اش اسمها حقت شجرة الفاصوليا العملاقة ، فلم غنائي ومليان مشاهد جميلة *ـ*ـ The Amazing Spiderman 2 فلم عن شخصية سبايدر مان الغني عن التعريف ، القصة جديدة عن طالب مهتم بالعلوم فيروح مركز أبحاث ويتلقف في حقل عناكب خاص بتجارب معينة و يلدغه عنكبوت منهم ويبدأ يتحول لرجل عنكبوتي ، يسعى لاثبات نظرية أبوه الي مات بدون ما تنجح تجربته في تحويل الانسان لعنكبوت ، خيال علمي ، أكشن ، دراما .- Thousand words الفلم شفته قبل سنتين ، مو متذكره قصته بالزبط لكنه كان جميل جدا ، بطولة إيدي ميرفي ـ 22 jump street كوميدي و أكشن ، عن شرطيين يحاولوا اتمام مهمة معينة بدون ما يكشفوا عن هويتهم كرجال شرطة لكن غباوتهم تفضحهم - The fault in our stars فلم يحكي عن بنت تعاني من مرض السرطان و كيف تواجه مخاوفها عشان تعيش زي اي بنت بعمرها ، الفلم درامي و مؤثر جدا ، وحمل رسالة للناس عن مرضى السرطان - The Conjuring و The last Exorcism و Mama و Devil’s Due هذي أفلام مرعبة هذا الي يحضرني حالياً :$
سلام هندوز سمعت ان المكافئه بس اربع سنين يعني مالنا شيء اذاصرنا سنه خامس؟
وعليكم السلام أهلين ؛ إذا تخصّصك أصلاً خمسة سنين ، فـ المكافأة تستمر لكي لمدّة خمسة سنينلكن بداية السنة الخامسة رح تصير غير فعّالة وكل الي عليكي انّك تتوجّهي للخدمات عشان تحدّثيهاو إذا مرّت عليكي شهور بدون ماتفعّلي البطاقة بالتالي ما استلمتي المكافأة ، ف رح تتجمعلك بحسابك ألين تحدّثيها وتستلميهاحظّاً طيّباً ؛)
لابي ماك بوك واحيانا يعلق لما افتح برنامج ايش الحل ؟
اذا المشكلة تصير من برنامج معين جربي / - تحذفيه وتعيدي تثبيته - تحدّثي البرنامج - تحدّثي نظام التشغيل لجهازكحظّاً طيّباً ؛)
السلام عليكم اختي اذا سمحتي انا أحتاج أحمل نظام ويندوز على ماك هل يشترط يكون أصلي؟ لأني سألت في جرير قال النظام الأصلي ب ٩٠٠ وتركيبه ع الجهاز ب٢٠٠ ، هل ينفع احمله غير اصلي؟ واذا ينفع تعرفي محل او احد يقدر يساعدني؟
أهلين ؛ ما قد جرّبت اثبّت نظام ويندوز عالماك صراحة :$ لكن ما أنصح أبداً تحطي نظام غير أصلي لأسباب منها \\ اول شي فيها حكم شرعي حسب ما بحثت ، انه ما يجوز ناخد انظمة او برامج بدون ما نشتريها . ثاني شي انه ممكن يكون من مصدر غير موثوق (فيه فايروسات) بالتالي ممكن يكون ضار لجهازك .اذا حابة تركبي نظام أصلي ممكن تتجهي لـ محلات اكسترا و جرير و إي ماكس ، اتوقع انهم كفيلين ان شاء الله يضمنولك ان النظام أصلي حظّاً طيّباً ؛)
قد قريت مره ان الماك بوك يصير بطيء بسبب الملفات الزائده ، ايش هي ذي الملفات وكيف انظف جهازي منها ؟ وهل راح ينحذف شي من ملفاتي والبرامج اللي بالجهاز بعد التنظيف ؟
صراحة كثييير عبّيت جهازي إلين صار يقولي Zero bytes avaliable يعني ، لكن ولا مرّه علّق بسبب كثرة العفش يعني :$ الحمدلله تبارك الله تف تف ههههههطيب جرّبي تنظّفيه بـ CCleaner ، ومارح ينحذف من ملفاتك شي غير الـ cashes و الـ temporary files وغالبا ما منها فايدة حظّاً طيّباً ؛)
عندي مشكلة في استخدام اللغة العربية في الوورد الكلام مقلوب ومررة مايمشي معايا .. طبعا جهازي ماك
جربت كم حل وماضبط معي
انا مو عارفة المشكلة فين بالضبط
شغلي ملف وورد قديم عندك بحيث يكون الكلام فيه بالعربي وطالع مزبوط ، بعدها اشتغلي عليه عادي رح ياخذ تنسيق الملف بالتوفيق
لغات البرمجه اقدر انزلها ع الماك صح ، زي c++ و البايثون و c .. الخ ؟؟
+
انا مرا ابا اتعلم الانفوجرافيك عندي شغف كبير ليه والاغلب يقول انو الماك بوك حيساعدني كثييير في ذدي الاشياء و التصاميم اكثر من ويندوز !! خاصةً ماك بوك برو ، صحيح دا الكلام ؟
بامكانك تحملي أي IDE .ايوه أجهزة الماك تفيد الفئة المهتمة بالـ Graphics أكثر من الفئة المهتمة بالأعمال المكتبية
ايش مخطاطتك بعد التخرج ، فيه وظيفه ببالك ناويه تقدمي عليها ؟ ولا راح تكملي ماستر ؟
المخططات متداخلة حالياً ربنا يسخرلنا عباده ان شاء الله لأ مو مقتنعة اني اتوظّف عند أحد ولكن ممكن يصير العلم منار العقول لا غنى عنه ، يعني اكيد بسعى للماستر ان شا الله ، و أأسّس مؤسسة هندوز ان شاء اللهوفي شغلات مخططتلها ولكن افضّل ما اقولها بالسوشيالز حالياً شكراً ❤️❤️
عندك خطة لما بعد التخرج ؟ ماستر عمل ؟ واي تخصص في الحاسب اجتذبك أكثر
هو في كم شيء لكن ترتيبهم للآن ما أتحدّد :"") أكمل دراسة و وأنشئ مشروع Hendows و شيئين غيرهم ان شاء الله ، أفضّل ما أطلّعها على السوشيال حالياً :"$ تخصص جذبني / Artificial Intelligence (Expert systems)
عادي لو برضوا تحكيني عن مشروع بحثك يعني فكرتكم بشكل عام وكيف اشتغلتوا وكذا احب اسمع دي الاشياء نصائحك لنا كمان ؟
إيوا عادي و حابّين نوصل لأكبر شريحة فـ مرحباالفكرة ذكرتها هنا http://ask.fm/hendows/answer/122786329621--- كان تفكيرنا دايما كيف ننجز الشغل بشكل صح ، بغض النظر عن كثرة الآراء والتعاكسات الي تجينا من غيرناصح أكلنا علقات ياما بسبب اننا شغالين لحالنا و مافي مين يوجهنا إلّا اذا احنا سألنا ناس من أماكن خارج أسوار الجامعة لكن هذا اعتقد جا في صالحنا خلال مرحلة المناقشة كنّا القروب الوحيد الي سمح للنّاس انها تحضر مناقشته الحمدلله كنّا واثقين اننه عملنا أقصى جهدنا وحابّين الكل يشوف تعبنا بالصح و الغلط الي فيه ف خيرة ربّي يعني الحمدلله ، و بعدها وجود حسّ العمل الجماعي بكل الأعضاء ، كلنا هدفنا واحد كلنا نهتم بشي واحد الحمدلله ما جا وقت أحد اتضايق من الثاني أو حصل تقصير من أحد ، هذا برأيي له دعمه الخاص والقوي الحمدلله و تبارك الله وتف تف هههههههه شغلنا كان اجتماعات مرتين او اكثر بالاسبوع ، اغلبها بالجامعة ،--- نصايحي :$ - دوّري بحذر على قروب مخّه نظيف وتفكيره عالي وليس درجاته - زيادة أعضاء القروب ماهي ضرورة ، ممكن تكونوا ٣ وتسوّوا أجمل من أبو ٥ ، ف انتقوا الاعضاء انتقاء - بداية الترم لازم تسووا خطة عمل وبعد كل اجتماع تكتبوا ايش انجزتم ولازم لازم كل مهمة تتوثق بتاريخها من بداية الترم لآخره - آمنوا بفكرتكم ، أعطوها الثقة و انقلوها لغيركم واحصلوا على تشجيعهم - مشروع بحث أول فصلين فيه نظرية تعتمد على استيعابك للمطلوب من أي بحث في الحياة ، ف خليكم على اطلاع بالأبحاث قبل لا تبدأوا بحثكم - حدّدوا من بدري بالزبط ايش تحتاجوا تتعلموا عشان تنفذوا مشروعكم ، لغة برمجة معينة ، سوفتوير معين الخ - لا تخافوا يعني ، استمتعوا بإنجازكم ولا تفكروا فيه كمشروع تخرج ، فكروا فيه كمشروع حيكمل معاكم باقي حياتكم ويدخلكم عالم التجارة، ويفيد مجتمعكم---هذا الي يحضرني حالياً ومستعدة للمساعدة ان احتجتم شي مستقبلاً باذن الله ، وعلى فكرة ،،، هذه الليدر العظيمة حقّتنا : @SHYG92 ❤️❤️