على طاري الاصحاب والطيب والمجهود و هذاك جاملته و هذاك جمّلتهآنا لي مع أصناف البشر موقفٍ مشهود سببها .. تغيّر سير قلبي وبوصلتهالآجواد ( نعمه) والكفو مثل ريح العود يطيب وتزايد طيبته كلما اشعلتهوالأنذال ( نقمه) والردي دايماً مقرود يحدّك وتبلش فيه مهما تحمّلتهوالآحلام واجد والأمل بالله المعبود عليه الأمل معقود تاليه و أوّلتهفلا يخلق المُعدَم ولا يحفظ الموجود سوى الله وحده جلّ شانه ومنزلتهقضى العمر والأيام تسبق هبوب النود لمن يغمِضْ عيونه ويسْرِجّ مخيّلتهندوّر على الراحة ولا للطموح حدود ونتسارع مع الوقت ونسابق إعجلتهأحد نظرته ( للمال) والمنصب الموعود وأحد نظرته ( لمقرّد ) الخلق وصّلتهوأحد نظرته دفع البلا كنّها ( البارود) تقادح شرر وإن صابت إنسان كبّلتهوأحد مدّته تغدِق وتغني وتكفي زود وأحد مدّته تنعاف من كثرة اسئلتهوأحد لاعطا يعطي ولا ينتظر مردود وأحد تكره أعذاره وتكره مقابلتهوأحد كل ضيقة صدر (بحجاجه المعقود) وأحد ينشرح صدرك بطيبة معاملتهتدور الليالي والبشر فاقد ومفقود و الأيام تثبت ما كتبته وما قلتهوأنا إنسان ما نزّهت نفسي عن المنقود عيوبي كثيرة والخطا ما تجاهلتهطريق الردى يسهل على كل ناقص فود وطريق الجمايل صعب مهما تساهلتهلكن رحمة الله واسعه واللبيب يعود ودرب الهداية ينطوي لو تطاولتهمدام العمر باقي وحبل الرجا ممدود برحمة كريمٍ جلّ شانه ومنزلتهفلاني على خلقه بمُجْبَر ولا محدود ابصبر على جور الزمن لو تثاقلتهوربع السعه والصحن وأهل النوايا السود على ذِكْرهم باب العلاقات قفّلته ..اسعد الله قلوبكم ❤🌹