لو سمحتي بغيت اسألك انا احب التصوير وللحين ماشريت كاميرا حلوه ايش تنصحيني (وياليت بتفصيل لاني مو فاهمه ولا شي في الكاميرات باخذ ع كلامك انتي لاني واثقه فيك فاكتبي الاسم مع كل شي واروح واشتريها بكره انشاءالله)
هلا حبيبتي مشكوورة اممم بالنسبة للكاميرات صعب اختار لج موديل محدد بس كونج مبتدأة وكوني أميل للكانون أرشح لج وحدة من ثنتين ١١٠٠ دي او ٧٠٠دي (مستواها اعلى من الاولى)
أهلن , كيفك! إنشاء الله بخير.. اول شي اهنيك ع المدونة الجممميلة مثلك ربي يباركلك فيها .. حبيبتي عندي سؤال صغنوون, انا مشتركة بارامكس لي 3 سنين مرا كويسة الشركة ولكن عيبها ما فيها تجميع شحنات ابي شركة تجمع الشحنات ايش تنصحيني فيه ماي يو اس او ورلد شيب !! وبسس ^^
قوة سنويا انا من الكويت ،، توا من فترة نزل عندنا في سيفورا مكينة كلاراسونيك ومنتجات فيلوسفي اثنينهم مشهورين ومخططة عليهم من زمان ، توني قريت البلوق بوست مالج عن المكينة وتشجعت وايد .. بس ممكن تقوليلي شنو تستخدمين حق عنايتج اليومية انا نفس بشرتج شكرا ويعطيج العافية
هلا حبيبتي اذا لحينج ماشريتي الكليراسونك انصحج تشترينها واايد مفيدة واخذي موديل الاريا بالنسبة لعنايتي موضوع طويل ويبيله صور وشرح مايصلح هني.. ان شاء الله بسوي بوست جريب عن هالشي ❤️
سنوي انا فالبحرين ومن زمان نفسي اجرب اشتري اونلاين
بس على كثر ماقريت مواضيع في النت عن الطريقه ولا فهمت شي
شنو احسن شركه في البحرين للتوصيل ؟
وفي ناس يقولوا ان فيدكس بس اسوي اشتراك فيه ب 10 دينار
واهم يسوون بريد امريكي ويعطوني الكود ماله وخلاص اقدراشتري فيه
اذا تقدرين توضحين شلون اشترك والطريقه :*
هلا حبيبي بالنسبة لخدمة فيدكس انا ماجربتهم كشركة بروحهم بس استخدمهم عن طريق ماي بو اس ووايد مرتاحة معاهم عشان التجميع عنذج ارامكس بعد.. ارخص من فيدكس بس ماعندهم تجميع يعني اذا كل فترة بتطلبين شي واحد احسن لج بس اذا طلباتج وايد نفسي.. مع التجميع تطلع ماي يو اس اوفر
نزلت flipagram وماعرفت له؟
شلون تحطين صوت في الفيديو؟؟
انا عندي مقطوعات بيانو منزلتهم (شاريتهم) من الايتونز بعد ما اختار الصور اللي ابيهم واضغط نكست.. احطهم من هني.. بس اضغط هني هو على طول يدش على الايتونز ويطلع لي المقاطع اللي عندي في الايفون
سنووي انا ناوية اسوي لي بلوق .. بس في مليون موقع و محتارة :( شنو تنصحيني؟ ابي شي سهل مو وايد معقد
احسن شي بلوقر www.blogger.con تابع لقوقل تشتركين فيه بايميل الجي ميل وايد حلووو وسهل كل شي جاهز بس عليج تختارين ديزاين وترتيب عقب بس تكتبين وتنزلين،، وتقدرين تسوين لج اكثر من بلوق بايميل واحد ولو بعد فترة حبيتي تطورين البلوق تقدرين تشترين لج اسم خاص. انا استخدمة ومرتاحة معاه ماجربت غيره بصراحة،، الاغلبية يستخدمونه
حبيبتي سنوي تصوير وما ادراك ما تصويرج ؟ ابداع في ابداع براڤو .. بسألج للمره المليون :'( شلون اصور اشخاص ؟ شنو الاعدادات بالضبط الغالق والايزو وفتحه العدسه والوضعيه :$ سوير
فديتج مشكووورة من ذوقج حبيبتي ❤️❤️ بصراحة انا ما اصور بورتريه وايد.. بس هالاعدادات بتكون مناسبة: فتحة العدسة نقول بين ٥ و ٧ الايزو ١٠٠ او ٢٠٠ سرعة الغالق حسب الاضاءة اللي عندج يفضل عندج ترايبود.. واضاءة قوية نوعاً ما مثل ضوء النهار او اضاءات ستيديو.. مع سوفت بوكس وعاكس عشان تتوزع الاضاءة بشكل حلووو
مرحبا
بغيت اسألج عن صبغ أظافر قوي و ثابت و ما يتقشر؟شنو تنصحيني اي ماركة أحسن؟
سمعت عن ماركة ESSEI بس ما ادري وين يبيعونها
ماركة ايزي شوي صعبة تتحصل في البحرين اذا انتي من هني بس جربي: OPI & China Glaze وايد حلوين الاولى من نزيه والثانية سنتر بوينت عشان الصبغ مايتقشز لازم تستخدمين تحته بيس كوت وفوقه توب كوت،، انصحج من او بي اي OPI Original Nail Envy بيس كوت وعدهم بيس كوت اساليهم عنه
اضاءة ميني ستيديو.. فلاش قواه ٢٥٠ واط مع سوفت بوكس احيانا واحد واحياناً اثنينهم،، وساعات فلاش خارجي وساعات اضاءة الشمس المباشرة او غير المباشرة
انا اللي سألتج على مقوي الاظافر سنوي ، شريته بس بسأل عن استخدامه كل يوم ولا شلون .. لاني قريت اللي مكتوب فيه ان استخدمه كل يوم لمدة اسبوع وحبيت اتأكد .. وبس حبيت اقولج انج انسانة راقية بتعاملج وذوق .. ربي يوفقج ❤
هلا حبيبتي العفووو وحياج الله ؛** الاستخدام اي هو مفروض كل يوم لمدة اسبوع تحطين طبقة ونهاية الاسبوع تشيلينه وتحطين غيره.. بس انتي تقدرين تحطينه بالطريقة اللي تناسبج،، انا استخدمه كبيس كوت تحت اي صبغ واذا اظافري وايد متكسرين وحالتهم كسيفة استخدمه كل يوم
هم كلهم من نفس الفئة وكانون بالعادة لما يصنعون كاميرا جديدة يزيدون بعض الاضافات للموديل الحالي فاكيد من هالثلاث بتكون ٦٠٠ وبعدين ٥٥٠ وبعدين ٤٥٠بس طبعا الافضل منهم من نفس الفئة ال٧٠٠ لانها الاحدث
ميني ستيديو منزلي ميني فلاش قواه ٢٥٠ وعندي ٢ ساعات استخدمهم وساعات بس واحد ومعاهم سوفت بوكس وساعات استخدم اضاءة الشمس
من بين هذي الكام ايهم أفضل عندك .. كانون 600d , كانون 650d , كانون 60d
اممممم من هالثلاث انا جربت ٦٠٠دي ممتازة واتوقع ٦٠دي احسن شوي لانها شوي اعلى منهم بالمستوى وشفت لها نتايج حلوة واعتقد العدسة اللي معاها زومها اكثر من اللي تيي مع ٦٠٠ و ٦٥٠دي