مؤخرا ربنا رزقني واشتريت لنفسي غوايش لابسة منهم 3 بشكل دائم من ساعة ماشتريتهم كل مرة أرفع ايدي وأنزلها يطلعو صوت قديم كنت بسمعه في خيالي مرتبط بربة منزل محترمة ومرتاحة في بيتها معززة مكرمة بتدير شؤون البيت أول مرة أعرف إن العِز له صوت :)) كل ماسمع الصوت دا أفتكر أحمد ربنا على نعمهوبفتكر بردو نساء كتير اضطرو يبيعو ذهبهن تحت وطأة الحاجة والفقر أو المرض ربنا يهون عليهم .. ونساء غزة والسودان اللي انتزع منهن ذهبهن غصبا في نقاط التفتيش في الأحداث الأخيرة .. الله المستعان
معدتش عليا الظاهرة دي انتي شايفاها؟ .. بس عدت عليا ظاهرة الطلاق .. أعتقد سببين رئيسيين في الانفصال عموما:-تصور مغلوط عن الرومانسية والحب وكإنهم مية وهوا لازم يكونو موجودين بمستوى معين رغم إن على مدار التاريخ الناس كانت بتتجوز من غيرهم عادي جدا .. وبالتالي في غياب المشاعر دي أو مع أي صدمة الناس بتعتبر إنها في علاقة غلط وبيرمو الجمل بما حمل مفيش حس بالمسؤولية والواجب والالتزام تجاه العلاقة والموضوع بيبقى كارثي في وجود أطفال-عدم رغبة في التخلي عن بعض السمات الشخصية حتى مع اعترافنا إنها غلط ومؤذية .. تلاقي مثلا حد يقولك ايه: "أنا عصبي وعايز حد يتحملني" طيب هل العصبية دي حلوة وبسكر؟ مش أنا عصبي دي اعتراف بعدم القدرة على التحكم في الانفعالات وتعتبر عيب المفروض نشتغل عليه؟ .. وهكذا قيسي عليها كتير .. أو عدم رغبة في بذل المجهود حتى لو حاجة مقدور عليها .. زي مثلا الكلام الحلو في ناس بتقدر عليه عادي بالذات في البدايات .. طيب وبعد أربع خمس سنين؟ لاء بطلنا خلاص .. طب ليه؟! .. شيء عجيب جدا واللهربنا يصلح الحال
بدأت أصدق إن الروح تتوق لعالم البرزخ وعشان كدا محدش مرتاح .. لإن الروح كل شوية تفكرنا إنها مش من هنا وإن الدنيا بما فيها لا تناسبها .. هل هانروح الجنة؟ يا رب
ومُطْعِمُ القَوْمِ شَحماً عندَ مَسغبهم .. وفي الجُدوبِ كريمُ الجَدّ ميسارُ قدْ كانَ خالصتي منْ كلِّ ذي نسبٍ .. فقدْ أصيبَ فما للعيشِ أوطارُ- الخنساء رضي الله عنها عن أخيها .. مبسوطة بأخٍ لي والصورة فكرتني .. شعور الأخت الكبيرة لطيف والله الحمد لله
ماذا عن إدمان ذنوب الخلوات يا جماعة وكيفية التخلص منه
الإنسان بيتوب ويقع ويتوب ويقع ويتوب وهكذا .. في كل مرة يتوب يعزم صادقا على عدم العودة للذنب مرة تانية ويكبر مساحة العبادات الجماعية .. صلاة الجماعة .. حفظ القرآن .. التواعد في الخير والتطوع وهكذا ..
والناس اللي اتولدو في الصومال ولا فلسطين ولا موريتانيا ولا اتولدو بمرض عضال أو في فقر مدقع ومعندهمش انترنت لحد دلوقتي -اللي بقى من حقوق الإنسان بالمناسبة- ف حتى مش قادرين يدخلو يسألو الناس بعشوائية هما عملو ايه في حياتهم عشان يتولدو في أماكنهم عملو ايه في حياتهم؟ ربنا يهدينا ويصلح حالنا
دُغري .. قدام على طول مفيش لفاتوممكن عقد لؤلؤ وخواتم دهب رقيقة أو غوايش تقيلة أو مزرعة جميلة على مد البصر أو gift card لصالون تجميل أو مكياج ومنتجات عناية أو طبق شوربة بيتي أو كوباية كاكاو سخنة أو عصير مانجا أو قطعة من نوع جبنة فاخر والريحة الحلوة والابتسامة الصادقة وجبر الخواطر .. غالبا دي الإجابة الصحيحة:"
تعريف الكاتب لنفسه: "Brigadier General Y.S is an expert analyst, commander of an elite intelligence unit and technology manager with 20 years of experience working on national security issues and challenges threatening the State of Israel. His areas of expertise include cyber and data science. In 2018, he was awarded the prestigious Israel Defense Prize for a new artificial intelligence based anti-terrorism project. He wrote his most recent book, The Human Machine Team, during his year of studying for a Master’s Degree at the National Defense University in Washington, DC. Y.S also has written other books in Hebrew on the topics of intelligence, strategy, and Hezbollah. He holds a BA in Middle East Studies and another BA in Psychology and Sociology. He grew up in Haifa and currently lives with his family in the beautiful Galilee region of Israel."https://www.amazon.com/Human-Machine-Team-Artificial-Intelligence-Revolutionize/dp/B0948LGS3Kيقال إن منصبه أكبر من وصفه لنفسه حتى
المعايير دي بتتغير مع الوقت كل ما الواحد بيفهم نفسه أكتر دايرة الاختيارات بتضيق ومش أي حاجة تريحه ومش أي حد أو ظروف تناسبه .. ومش بس كدا .. مع التجربة بتلاقي بردو حاجات معينة بيحصلها upgrade أو السقف بيترفع بمعنى آخر ..بس يعني لو عايزة إجابة فأنا بقالي فترة بفكر فعلا إني عايزة أكون مع شخص يهتم بيا وأنا تعبانة حتى لو زعلانين .. بعد لف كتير على صحابي اللي اتجوزو ومكملين واللي اتجوزو واتطلقو ورجعو يتجوزو تاني واللي لسه متجوزوش والجيل اللي طالع جديد لسه ..ولا الفلوس تضمن ولو إنها بتريح وبتمنع بلاوي كتير ولا الشهادة أو المؤهل ولا حتى مجرد العلام والفلسفة بالكلام .. لين الجانب وأداء الحقوق وتحمل المسؤولية والرغبة في بذل المجهود في العلاقة أشياء لا تقدر بثمن ..وتقريبا لقيت صفة شكلية بفضلها وهي حاجة شائعة جدا وبسيطة بس هاحتفظ بيها لنفسي :)
الأوقاف أو واجبات المجتمع تجاه نفسه ومؤسسات العمل الخيري والإصلاح من مدارس ومستشفيات ومحطات توليد طاقة أو تنقية مياه أو رعاية أيتام ... الخ الخ الدول القومية الحديثة عندنا بتحارب بعنف أي رأس إصلاحي يلمع ولو كان مشروعه بعيد كل البعد عن العمل السياسي لإنها تشعر بتهديد السيطرة .. المتحدث في الفيديو نفسه مسكوه عشان بس شوية كورسات ومحاضرات علم نفس واجتماع وتاريخ في المسجد .. أعتقد مفيش غير حل واحد متبقي لإن كل الحلول الإصلاحية البعيدة بتسقط فعلا واحد ورا التاني إن لم تسقط جميعها ..https://youtu.be/ZniLCcP_zG4?feature=shared
"المجتمع هو نحن، وهو نتاج ومجمل علاقاتنا الفردية، فحالة كل فرد منا في العلاقة هي ما يخلق المجتمعمن الغريب أننا في المدرسة لا نتعلم شيئًا عن العلاقة: مع الذات، والآخرين، والعمل، والمال، والمجتمع، والأرض، والكـون"